கேடீஇ(KDE) சூழலில் தமிழில் தட்டச்சு செய்வதற்கான IBus வசதியை தொடக்க நிலையில்(startup) கொண்டுவருவது எப்படி?

லினக்ஸில் தமிழில் தட்டச்சு செய்வது என்பது மிகவும் எளிதான ஒன்று. Gnome, KDE இவையிரண்டும் மிகவும் பிரபலமான Desktop Environments. Ubuntu வின் default Desktop Environment ஆக Gnome இருந்து வருகிறது.

Gnome -இல் தமிழ் தட்டச்சு வசதியை கொண்டு வருவது எப்படி? என்று நான் ஏற்கனவே இங்கு எழுதியிருந்தேன். 

Ubuntu வை KDE சூழலில் இயக்க வேண்டுமானால் நீங்கள் Kubuntu-வை நிறுவ வேண்டும்.

இப்போது நாம் KDE சூழலில் தமிழ் தட்டச்சு செய்யும் வசதியை startup -இல் கொண்டு வருவது எப்படி? என்று பார்ப்போம். KDE இல் தமிழில் தட்டச்சு செய்வது எப்படி? என்று தெரிந்து கொள்ள வேண்டுமானால் இங்கு செல்லவும்.

System Settings -> Startup and Shutdown -> Autostart பகுதிக்குச் செல்லுங்கள். அதில் 'Add script' பொத்தானை அழுத்துங்கள். அதன்பிறகு கிடைக்கும் 'Shell script path' என்பது /usr/bin/ibus-daemon என்பதை உள்ளீடு செய்து 'OK' பொத்தானை அழுத்துங்கள். கணினியை ஒருமுறை மறுதொடக்கம் செய்துவிட்டீர்களேயானால் தமிழ் தட்டச்சு வசதி Enable ஆகி இருக்கும். நீங்கள் அமைத்த குறுக்கு விசையைக்(shortcut key) கொண்டு தமிழில் தட்டச்சு செய்யலாம்.

உபுண்டு 14.04 LTS இல் தமிழில் தட்டச்சு செய்வது எப்படி?

குறிப்பு: கீழே சொல்லப்பட்டுள்ள வழிமுறைகள் அனைத்தும் Unity Environment இல் செய்யப்பட வேண்டியது. Gnome Classic Environment இல் இந்த வழிமுறைகள் வேலை செய்யாது. அதே நேரத்தில் Unity Environment இல் Configure செய்த பிறகு தமிழ் தட்டச்சை Gnome Classic Environment -லும் செய்து கொள்ளலாம்.

உபுண்டுவில் நான் அடிக்கடி செய்யும் முக்கியமான வேலைகளில் ஒன்று தமிழில் தட்டச்சு செய்தல். இன்றைக்கு கணினியில் தமிழில் தட்டச்சு செய்வதும், தமிழைப் பயன்படுத்துவதும் அனைவரும் மகிழ்ச்சியடையும் விதத்தில் உள்ளது. விண்டோஸ் இயங்குதளங்களில் மட்டும்தான் தமிழில் தட்டச்சு செய்ய முடியும் என்று யாரும் நினைத்து விடாதீர்கள். அதைவிட அருமையாக உபுண்டுவில் தமிழில் தட்டச்சு செய்ய முடியும்.

உபுண்டுவில் தமிழ் தட்டச்சு செய்வது தொடர்பாக ஏற்கனவே இங்கு பதிவிட்டுள்ளேன். அதுபோல என்னிடம் உபுண்டுவில் தமிழில் தட்டச்சு செய்வது எப்படி? என கேட்கும் நண்பர்களுக்கு, நான் அடிக்கடி பரிந்துரைக்கும் பதிவுகளில் ஒன்று மயூரன் அவர்கள்ளுடைய பதிவு. இந்த பதிவுகளையும் ஒரு முறை படித்துக் கொண்டால் உங்களுக்கு உதவியாக இருக்கும்.

நான் தமிழ் 99 - தட்டச்சு முறையை பயன்படுத்துவதால் அதற்குரிய வழிமுறைகளை இங்கு கொடுத்துள்ளேன். ஒலியியல் முறையில் தட்டச்சு செய்பவர்களும் தங்கள் விருப்பத்திற்கு ஏற்ப வழிமுறைகளை அமைத்துக் கொள்ளலாம்.

முனையத்தில்(Terminal) கீழ்காணும் கட்டளைகளை ஒன்றன்பின் ஒன்றாக இயக்கவும்.

sudo apt-get update
sudo apt-get install m17n-db m17n-contrib ibus-m17n

இந்த கட்டளை முழுவதுமாக இயங்கி முடிந்த பின் உபுண்டுவை ஒருமுறை Logout செய்துவிட்டு Login செய்யவும்.  அதன்பின், கீழ்காணும் வழிமுறைகளை மேற்கொள்ளவும்.

System Settings க்குச் சென்று Text Entry என்பதை திறந்து கொள்ளவும். அடுத்ததாக,

'+' குறியீட்டை அழுத்தவும். அடுத்ததாக,

Tamil(tamil99(m17n)) தேர்வு செய்து Add Button ஐ அழுத்தவும். ஒலியியல் முறையில் தட்டச்சு செய்பவராக இருந்தால் Tamil(phonetic(m17n)) தேர்வு செய்து Add Button ஐ அழுத்தவும். அடுத்ததாக,

Switch to nexxt source using: என்பதற்கு கீழ் உள்ள Input Box ஐ Click செய்தவுடன் New Accelerator என்று வரும் அப்பொழுது Ctrl+Space Key களை ஒரு சேர அழுத்தவும். இது எதற்கு என்றால் தமிழில் தட்டச்சு செய்வதற்கான குறுக்குவழி விசை, இந்த விசையை பயன்படுத்தித்தான் நாம் தமிழிலும், ஆங்கிலத்திலும் மாறி மாறி தட்டச்சு செய்ய வேண்டும். இந்த குறுக்கு விசை பிடிக்கவில்லையென்றால் உங்களுக்கு பிடித்தமான விசையை அமைத்துக்கொள்ளலாம்.

அவ்வளவுதான் முடிந்தது வேலை. நீங்கள் அமைத்த குறுக்கு விசையைப் பயன்படுத்தி தமிழில் தட்டச்சு செய்ய தொடங்கலாம்.

Kubuntu 14.04 LTS + Libreoffice Writer இல் தமிழ் தட்டச்சு

குபுண்டு 14.04 LTS இல் Libreoffice Writer 4.2.3.3 பதிப்பு கொடுக்கப்பட்டுள்ளது. Libreoffice Writer இல் தமிழை தட்டச்சு செய்வதில் இரண்டு பிரச்சனைகள். ஒன்று தமிழை தட்டச்சு செய்யமுடியவில்லை, இரண்டு தமிழ் எழுத்துகள் தெளிவாக தெரியவில்லை. குபுண்டுவில் தமிழை தட்டச்சு செய்வது தொடர்பாக ஏற்கனவே ஒரு பதிவை எழுதியிருந்தேன்.

நான் குபுண்டுவில் தமிழை தட்டச்சு செய்வதற்கு ibus ஐயும், தமிழ் 99 தட்டச்சு முறையினையும் கடைபிடிக்கிறேன். குபுண்டுவில் இந்த தமிழ் தட்டச்சு பிரச்சனை அவ்வளவாக என்னை தலைசுற்ற வைக்கவில்லை, காரணம் ஏற்கனவே இது தொடர்பாக எனக்கு இருந்த அனுபவம்தான். கூடுதலாக இந்தமுறை மகிழ்ச்சியே கிடைத்தது. அதற்கான காரணம் இங்கே.

முனையத்தில் sudo apt-get install libreoffice-gtk எனக் கொடுத்து libreoffice-gtk எனும் பொதியை நிறுவிபின் Home அடைவிற்குள் .bashrc கோப்புவில் கீழ்காணும் வரிகளை இணைத்த பின்

export GTK_IM_MODULE=ibus

export XMODIFIERS=@im=ibus

export QT_IM_MODULE=ibus

export OOO_FORCE_DESKTOP=gnome

கோப்புவை சேமித்துவிட்டு, Logout செய்துவிட்டு திரும்பி Login செய்யும் போது Libreoffice Writer இல் தமிழை தட்டச்சு செய்ய முடிந்தது.

ஏம்பா கதிர்வேலு இந்த மாதிரி சின்ன சின்ன பிரச்சனைகளுக்கான தீர்வையே எழுதிக்கிட்டு இருக்கிறீயே, பெரிய லெவல்ல எதுவும் எழுத மாட்டியாப்பானு கேட்கிறீங்க அப்படித்தானே? காரணம் விண்டோஸ் இயங்குதளத்திற்கு கொஞ்சமும் சளைத்ததல்ல நம்ம லினக்ஸ் என்பதை நிரூபிப்பதற்காகத்தான் இதுபோன்ற பதிவுகள். அதோடு அடிப்படையான வேலைகளையே உபுண்டுவில் சரிவர செய்ய முடியாது என்கிற சிந்தனை வந்துவிட்டால், அப்புறம் எப்படிங்க லினக்ஸை பரப்புவது? ஆகவே விண்டோஸில் செய்கின்ற வேலைகளை எல்லாம் லினக்ஸிலும் செய்ய முடியும், அதற்கு மேலும் செய்ய முடியும். ஆனால் லினக்ஸில் செய்வதையெல்லாம் விண்டோஸில் செய்ய முடியாது. என்பதை நிரூபிப்பதற்காகவும்தான். இதுபோன்ற பதிவுகளை எழுதி வருகிறேன்.

உதவி: http://gnutamil.blogspot.in/2013/10/kde-desktop-environment.html

KDE Desktop Environment -ல் தமிழ் தட்டச்சு ஒரு முழுமையான தீர்வு

நான் Gnome Desktop Environment ஐ தொடர்ந்து பயன்படுத்தி வந்தாலும் KDE Desktop Environment ஐ இன்னும் பயன்படுத்திப் பார்க்கவில்லையே என்ற நெருடல் என் மனதில் நீண்டகாலமாக இருந்தது. ஆகையால் என்னுடைய உபுண்டு 12.04 LTS இயங்குதளத்தில் KDE ஐ நிறுவுவது என முடிவு செய்தேன்.  தனியாக Kubuntu வை தரவிறக்கம் செய்து நிறுவுவதை விட உபுண்டுவிலேயே நிறுவி விட்டால்என்ன என முடிவு செய்தேன்.  அதற்கான உதவிகள மற்றும் வழிகாட்டுதல்கள் உபுண்டுவின் உதவிக்கனா இணையதள பக்கத்திலேயே தெளிவாக கொடுக்கப்பட்டுள்ளது.

https://help.ubuntu.com/community/InstallingKDE

இதில் சொல்லப்பட்டுள்ள படி முனையத்தில் sudo apt-get install kde-full எனக் கொடுத்து நிறுவினேன். 410 MB அளவிற்கு தரவிறக்கம் ஆனது இரண்டு மணி நேரம் எடுத்துக்கொண்டது. தரவிறக்கம் முடிந்தவுடன் நிறுவுதல் தொடங்கியது. login manager ஆக எதை வைத்துக்கொள்ள வேண்டும் என நிறுவுதலின் இடையில் கேட்டது ldm, kdm என இரண்டு தெரிவுகள் கிடைத்தது. நான் kdm என்பதை தேர்வு செய்து கொடுத்தேன். கணினியை மறுதொடக்கம் செய்து KDE plasma desktop என்பதை login manager -ல் தேர்வு செய்து உள்நுழைந்தேன்(login) உள்நுழைந்தவுடன் நான் முதலில் சோதனை செய்து பார்த்தது, தமிழ் தட்டச்சு வேலை செய்கிறதா என்றுதான்.

நான் உபுண்டுவில் தமிழ் தட்டச்சு செய்ய ibus ஐ பயன்படுத்துகிறேன். KDE Desktop Environment -ல் Libreoffice Writer -ல் ibus மூலமாக தமிழ் தட்டச்சு செய்யும் பொழுது மிகவும் நன்றாக வேலை செய்தது. எழுத்துக்கள்தான் தெளிவாக தெரியவில்லை ஆனால் அதே கோப்பினை pdf கோப்பாக மாற்றும் பொழுது எப்பொழுதும் போல தெளிவாக தெரிந்தது. அதனால் அதை நான் பெரிதாக கண்டுகொள்ள வில்லை பொதுவாக gtk அடிப்படையிலான gnome desktop environment -ல் பயன்படுத்துகின்ற அனைத்து applicaiton களிலும் தமிழ் தட்டச்சு நன்றாக வேலை செய்தது.  Qt அடிப்படையிலான KDE applicaiton கள் எதிலும் தமிழ் தட்டச்சு வேலை செய்யவில்லை.

அப்புறம் என்ன எப்பொழுதும் போல இணையத்தில் தேடுதல் வேட்டை ஆரம்பித்தது அதற்கிடையில் uim என்ற ஒன்றை நிறுவி சோதித்துப் பார்த்து மண்டை உடைந்து திரும்பியது வேறு கதை.  அதைப் பிறகு பார்த்துக்கொள்வோம்.  தீர்வும் கிடைத்தது.  மிகவும் எளிதான தீர்வுதான், தேடிக்கண்டுபிடிக்கதான் நேரம் அதிகமாக எடுத்துக்கொண்டது.

லினக்ஸ்+தமிழ் என நாம் எல்லோருக்கும் மிகவும் பழக்கமான நண்பர் இலங்கையிலிருந்து தீவீரமாக இயங்கிக் கொண்டிருக்கும் லினக்ஸ் தமிழ் ஆர்வலர் மயூரன் அவர்களின் கட்டுரையினைத்தான் நான் தமிழ் தட்டச்சு நிறுவுவதற்கு எப்பொழுதுமே பயன்படுத்துவேன்.

ibus-qt4 பொதி மேற்காணும் கட்டளை வரியில் விடுபட்டு உள்ளது.  Gnome Environment க்கு அது தேவையில்லை ஆகையால் மயூரன் அவர்கள் அதை நிறுவாமல் விட்டிருக்கலாம்.

தீர்வு:

ibus-qt4 எனும் ஒரு பொதி(package) நிறுவப்படாமல் இருந்ததே kde appliaction களில் தமிழ் தட்டச்சு வேலை செய்யாமல் இருந்ததற்கு காரணம்.

முனையத்தில் sudo apt-get install ibus-qt4 எனக்கொடுத்து அந்த பொதியினை நிறுவினேன்.

  

நிறுவிய பிறகு home அடைவிற்குள் இருக்கும் .bashrc எனும் கோப்பில் கீழ்காணும் வரிகளை சேர்த்தேன்.

export GTK_IM_MODULE=ibus

export XMODIFIERS=@im=ibus

export QT_IM_MODULE=ibus 

export OOO_FORCE_DESKTOP=gnome

கணினியினை மறுதொடக்கம் செய்துவிட்டு மீண்டும் KDE க்குள் உள்நுழைந்து பயன்படுத்திய பொழுது சரமாரியாக அனைத்து Applicaiton களிலும் பாரபட்சமின்றி நமது இனிய தமிழை தட்டச்சு செய்ய முடிந்தது.

சரி செய்த பின் - Kwrite Text Editor -ல் தமிழ் தட்டச்சு - இந்த பதிவு முழுவதையும் Kwriter லேயே எழுதி முடித்தேன்.

References:

http://tamilgnu.blogspot.in

http://mmauran.net/blog

http://help.ubuntu.com/community/InstallingKDE

https://bbs.archlinux.org/viewtopic.php?id=105087

https://bbs.archlinux.org/viewtopic.php?id=137257

http://www.makeuseof.com/tag/gnome-applications-kde-applications-oxygengtk-linux/
http://www.kubuntuforums.net/showthread.php?57610-libreoffice-3-5-kde-integration-help-please!
http://forums.opensuse.org/english/get-technical-help-here/applications/473583-libreoffice-3-5-1-opensuse-12-1-a-2.html
http://ask.libreoffice.org/en/question/1649/kde-integration-for-libreoffice-351-not-working/

Xubuntu -ல் உள்ள LibreOffice Writer -ல் தமிழ் தட்டச்சு பிரச்சனையினை சரி செய்வது எப்படி?

Xubuntu -ல் இருப்பியல்பாகவே LibreOffice நிறுவப்பட்டிருக்காது.  ஆகையால் நாம் தான் LibreOffice னை நிறுவிக்கொள்ள வேண்டும்.

Synaptic Package Manager மூலம் LibreOffice Writer னை நிறுவிக் கொண்டேன் மற்றவைகள் (Impress, Calc, Drawing) எதையும் நிறுவிக்கொள்ள வில்லை. Writer மட்டும் போதுமானதாக இருந்தது. தோழரினுடைய பயன்பாடு அவ்வளவுதான்.  தோழரினுடைய கணினியில் Xubuntu நிறுவிய கதையினை ஏற்கனவே பதிவு செய்திருக்கிறேன்.

Xubuntu -ல் தமிழில் தட்டச்சு செய்ய ibus னை நிறுவினேன்.  ibus -னை பயன்படுத்தி LibreOffice Writter -ல் தமிழில் தட்டச்சு செய்த பொழுது ஆங்கில எழுத்துக்களை மட்டுமே தட்டச்சு செய்ய முடிந்தது.  தமிழில் தட்டச்சு செய்ய முடியவில்லை.

இந்த பிரச்சனையினை சரி செய்ய libreoffice-gtk பொதியினை நிறுவ வேண்டும் என்ற செய்தி இணையத்தில் தேடிய பொழுது கிடைத்தது.

Synaptic Package Manager மூலம் libreoffice-gtk பொதியினை நிறுவினேன்.  Logout செய்து விட்டு மறுபடியும் Login செய்த பொழுது LibreOffice Writer -ல் தமிழில் எழுத முடிந்தது.

உபுண்டு 10.10 லினக்ஸில் தமிழில் தட்டச்சு செய்யும் வசதியினை Startup -ல் கொண்டுவருவது எப்படி?

உபுண்டு லினக்ஸில் தமிழில் உள்ளீடு மற்றும் தட்டச்சு செய்ய ibus வசதி உபுண்டு 9.10 லிருந்து உபுண்டுவுடன் சேர்த்தே வழங்கப்பட்டது (தமிழ் மொழி உட்பட அனைத்து மொழிகளுக்கும்). ஆனால் தற்பொழுது வெளியிடப் பட்டுள்ள அண்மைய பதிப்பான உபுண்டு 10.10 -ல் ஆங்கிலம் மற்றும் சீன மொழிகளைத் தவிர மற்ற மொழிகளுக்கு தட்டச்சு மற்றும் உள்ளீடு செய்வதற்கான வசதி உபுண்டுவுடன் சேர்த்து வழங்கப்படவில்லை. ஆனால்,

நம்மிடம் இணைய இணைப்பு இருந்தால் மிக எளிமையாக தமிழில் தட்டச்சு செய்யும் வசதியினை கொண்டு வந்து விடலாம். ibus-m17n என்ற பொதியினை Synaptic Package Manager மூலம் நிறுவி விட்டால் போதும் (பார்க்க படம்-1) தமிழில் தட்டச்சு செய்யும் வசதி வந்துவிடும்.இந்த பொதியினை நிறுவிய பிறகு தமிழில் தட்டச்சு செய்யும் வசதியினை கொண்டு வருவது எப்படி என்று நம்முடைய சக தோழர்கள் எழுதியுள்ள கட்டுரைகளை படித்துக்கொள்ளுங்கள்.

உபுண்டு 10.4 இல் தமிழில் தட்டச்சிடல் (தோழர் மயூரேசன்)
உபுண்டு 9.04 இல் தமிழ்ல் 99 (தோழர் மயூரேசன்)
தமிழில் தட்டச்சு செய்ய - Type in Tamil - Ubuntu (தோழர் சேதுபதி)

உபுண்டு 9.10 லினக்ஸில் தமிழில் தட்டச்சு செய்யும்,தமிழில் உள்ளீடு செய்யும் வசதியை உருவாக்குவது எப்படி (நான் எழுதியது)

இவ்வாறு நாம் செய்து முடித்த பிறகு தமிழில் தட்டச்சு செய்ய வேண்டுமென்றால் ஒவ்வோரு முறையும் System => Preferences => Keyboard Input Methods சென்று துவங்க வேண்டும். இது கொஞ்சம் நேரத்தை வீணடிக்கும் செயல்தான். இதை நாம் உபுண்டு துவங்கும் பொழுதே சேர்த்து துவங்குமாறு அமைத்து விடலாம். இப்படி அமைப்பதால் என்ன பயன் என்று பார்த்தால் உதாரணமாக ,

கூகிளில் தமிழில் ஒரு வார்த்தையை கொடுத்து தேட வேண்டும் என்றால் தமிழில் தட்டச்சு செய்வதற்கான குறுக்கு விசையினை மட்டும் அழுத்தி தமிழில் தட்டச்சு செய்யலாம். கூகுளில் தேடுவதற்கு என்று மட்டுமில்லை தமிழில் எது செய்யவேண்டுமென்றாலும்(உள்ளீடு, தட்டச்சு, தமிழில் கோப்புகள் உருவாக்கம், தமிழில் கோப்புகளுக்கு பெயர் கொடுத்தல்) குறுக்கு விசையினை மட்டும் அழுத்தினால் போதும் தமிழ் வசதி உங்களுக்கு கிடைத்து விடும். இதை எப்படி செய்வது என்று பார்ப்போம்

படம்-1

படம்-2

System -> Preferences -> Startup Applications ஐ Click செய்யுங்கள். கிடைக்கும் சாளரத்தில் (Window) Add பொத்தானை அழுத்துங்கள் அதனை தொடர்ந்து கிடைக்கும் சாளரத்தில் (பார்க்க படம் -3)

Name : Tamil Typing
Command : /usr/bin/ibus-daemon -d
Comment : Tamil Typing

என்று கொடுங்கள். கொடுத்து முடித்தபின் Add பொத்தானை அழுத்துங்கள். அதன் பிறகு Close பொத்தானை அழுத்துங்கள் அவ்வளவுதான் முடிந்தது வேலை ஒருமுறை Logout செய்து விட்டு Login செய்யுங்கள் தமிழில் தட்டச்சு செய்வதற்கான வசதி தொடங்கியிருக்கும். (பார்க்க படம் -4)

படம்-3

படம்-4