Color Code of Terminal

Mac Theme தோற்றத்தில் Terminal(முனையம்)

உபுண்டுவில் அடிக்கடி நமக்கு பிடித்தமான Theme களை மாற்றும் போது அந்த Theme க்கு ஏற்ப முனையத்தின் பின்புல நிறமும், அதிலுள்ள எழுத்துக்களின் நிறமும் மாறிவிடும். ஆனால் எனக்கு பிடித்தமான நிறம் உபுண்டுவுடன் இயல்பாகவே வரும் நிறம்தான்.

உபுண்டுவின் இயல்பான தோற்றத்தில் Terminal(முனையம்)

அண்மையில் உபுண்டு 14.04 இல் Mac Theme ஐ நிறுவினேன். மிகவும் அழகா இருந்தது. ஆனால் முனையத்தின் நிறத்தோற்றம் மட்டும் எனக்கு பிடிக்கவில்லை அதனால் Profile Preferences, Color க்குச் சென்று Custom என்பதைச் சொடுக்கி கீழ்காணும் Color Code ஐ உள்ளீடு செய்தேன். அவ்வளவுதான் முனையத்தின் பழைய தோற்றம் கிடைத்தது. RGB Code: (48, 10, 36) இந்த RGB Code ஐ இந்த தளத்திற்குச் பதினாறு அடிமான(Hexadecimal) எண்ணாக மாற்றினேன்.

Color Code: #300A24

Color Code ஐ உள்ளீடு செய்தல்

கூகுள் குரோமில் தமிழ் எழுத்துக்கள் தெளிவாக தெரிய

/usr/share/fonts/opentype/freefont/ அடைவிற்குள் உள்ள அனைத்து font களையும் நீக்கிவிடவும். அதன்பின் குரோம் உலாவியை மூடிவிட்டு, புதிதாக திறந்து தமிழ் தளங்களை பார்த்தால் தமிழ் எழுத்துக்கள் தெளிவாக தெரியும்.

உபுண்டு 14.04.1 லும் அந்த பிழை இருக்கிறது

எனது மடிக்கணினியில் நிறுவியிருக்கும் உபுண்டு 14.04.1 LTS இன் Flashback அமைப்பு

அண்மையில் உபுண்டு 14.04 இன் மேம்படுத்தப்பட்ட பதிப்பாக உபுண்டு 14.04.1 பதிப்பு வெளியிடப்பட்டுள்ளது. உபுண்டு Unity DE இல் ஒரு சிறிய பிழை இருப்பதாக ஏற்கனவே கூறியிருந்தேன். அந்த பிழை இந்த மேம்படுத்தப்பட்ட பதிப்பில் சரிசெய்யப்பட்டு இருக்கும் என்ற நம்பிக்கையில் தரவிறக்கம் செய்து நிகழ் வட்டாக பயன்படுத்திப் பார்த்தேன். நிகழ்வட்டாக பயன்படுத்திப் பார்த்த போது இந்த பிழை இல்லை, நிறுவி பயன்படுத்தும் போது இருக்கிறது. கோப்புகளுக்கு தமிழ் எழுத்துக்களில் பெயர் கொடுக்கப்பட்டு இருந்து அந்தக் கோப்பைத் திறந்தால் Restore Window கொடுக்கும் போது Titlebar இல் கோப்பின் பெயர் செவ்வகவடிவ கட்டமாக தெரிகிறது, Maximize செய்து விட்டால் இதுபோன்று தெரிவதில்லை. இதுதான் அந்த பிழை. மற்றபடி அனைத்தும் சிறப்பாக இருக்கிறது.

ubuntu-flashback இல் இந்த பிழை இல்லை. பிழை Unity DE தான் இருக்கிறதேயொழியே, உபுண்டுவில் இல்லை.

Ubuntu 14.04 LTS இல் Touch pad Scrolling ஐ Enable செய்யதல்

System Settings க்குச் சென்று Mouse and Touchpad ஐத் திறந்து Two finger scroll என்பதை Uncheck செய்யவும்.