பெடோரா லினக்ஸ் - Fedora Linux

குனு லினக்ஸ் வழங்கல்களில் இரண்டு வகைகள் உள்ளன. 1. RPM based 2. DEB based

• Fedora, Redhat, CentOS, openSUSE, SUSE Enterprise Linux ஆகியவைகள் RPM based வழங்கல்கள்
• Debian, Ubuntu, Linux Mint, KDE neon ஆகியவைகள் DEB based வழங்கல்கள்

நான் லினக்ஸ் பயன்படுத்த ஆரம்பித்ததிலிருந்து RPM அடிப்படையிலான வழங்கல்கள்(Distributions) பக்கம் தலை வைத்துக்கூட படுத்ததில்லை. நான் பாலிடெக்னிக் கல்லூரியில் கணினி அறிவியல் பட்டயப் படித்த போது கணினி ஆய்வகத்தில் Redhat ஐ நிறுவி பயன்படுத்தியதோடு சரி.

பாலிடெக்னிக் படித்து முடித்த பிறகு LINUX For You magazine ஐ வாங்கிக்கொண்டிருந்தேன். மாதம் மாதம் LINUX For You magazine உடன் ஒரு GNU/Linux distribution DVD இலவச இணைப்பாக வரும். 2008 ஆம் வருடம் ஏதோ ஒருமாதம் Fedora Linux DVD வந்தது. பேராவூரணி செங்கொல்லை தமிழரசன் அவர்கள், நண்பருடைய கணினியில் பொடோரா லினக்ஸ் நிறுவ வேண்டும் என அழைத்தார். அப்போது அதை நிறுவிப் பார்த்ததோடு சரி அதன்பிறகு இப்போதுதான் பொடோரா லினக்ஸை நிறுவ ஆரம்பித்தேன்.

என்னுடைய மடிக்கணினியிலும், அலுவலகத்திலும் உபுண்டுதான் பயன்படுத்தி வந்தேன். உபுண்டு பயன்படுத்தி பயன்படுத்தி போரடித்துவிட்டது. ஆகையால், உபுண்டு அல்லாத வழங்கல்களின் பக்கமாக எனது கவனத்தைத் திருப்பினேன். உபுண்டுவிலிருந்து, KDE Neon பக்கம்  திரும்பி, அப்படியே ஓப்பன் சுசீ க்குப் போயி, அதன்பிறகு டெபியானுடன் கொஞ்ச காலம் வாழ்ந்து விட்டு. இறுதியாக பெடோராவிற்கு வந்து சேர்ந்தேன்.

நான் ஏன் பெடோரா லினக்ஸைத் தேர்ந்தெடுத்தேன்?

• முதலில் எனக்கு உபுண்டு பயன்படுத்தி போரடித்துவிட்டது. பாம்பு தோலுரிப்பதைப் போல முழுவதுமாக உபுண்டுவிலிருந்து முற்றிலும் விலகி வேறு ஒரு சரியான வழங்கலைத் தேடினேன். அதற்காக பெடோராவைத் தேர்ந்தெடுத்தேன்.
• முழுக்க முழுக்க ஓப்பர் சோர்ஸ், சுதந்திர மென்பொருள் அடிப்படையிலானது
• 6-மாதங்களுக்கு ஒருமுறை புதிய பதிப்பு வெளியிடப்படுகிறது
• GNOME சூழலின் அண்மைய பதிப்புடன் பெடோராவின் புதிய பதிப்பு வெளியிடப்படுகிறது
• நிறுவனங்களில், தொழில்முறைப் பயன்பாட்டிற்கு Redhat Linux அதிகம் பயன்படுத்தப்படுகிறது. Redhat Linux பொடோராவை அடிப்படையாகக் கொண்டது. ஆகையால் Fedora வைப் பயன்படுத்தினால் அது Redhat ஐ பயன்படுத்துவதற்கு உதவியாக இருக்கும்.

பெடோராவின் அண்மைய பதிப்பு Fedora 30. Fedora 30 ஐத்தான் நான் தற்போது மடிக்கணினியில்(DELL Latitude 3490) பயன்படுத்தி வருகிறேன். பயன்படுத்த அற்புதமாக இருக்கிறது.

பெடோராவின் default Desktop Environment GNOME 3. நீங்கள் KDE, XFCE, LXDE, LxQT, MATE, CINNAMON போன்ற Desktop Environment களை பயன்படுத்த விரும்பினால் Fedora Spins தளத்திலிருந்து தரவிறக்கி கொள்ளலாம்.

Fedora Magazine தளத்தில் கட்டுரைகள் வெளியிடுகிறார்கள். மிகவும் பயனுள்ளதாக இருக்கிறது. Fedora 30 யில் Python 3 default நிறுவப்பட்டுள்ளது. Python 2 வேண்டுமென்றால் 'sudo dnf install python' கட்டளை வரிக்கொடுத்து நிறுவிக்கொள்ளலாம்.

Fedora வைத் தரவிறக்கம் செய்ய இங்கு செல்லவும்.

Fedora 20 - அழகானது !

இந்த மாதம் LINUX FOR YOU இதழோடு வந்த DVD யில் Fedora 20 இயங்குதளம் கொடுக்கப்பட்டது. எப்படித்தான் இருக்கிறது? என்று மடிக்கணினியில் நிறுவிப்பார்த்தேன். நிறுவுதல் கொஞ்சம் குழப்பமாகத்தான் இருக்கிறது. Partition செய்வது மிகவும் குழப்பமாக இருக்கிறது.

மடிக்கணினியினுடைய அனைத்து வன்பொருள்களையும் நன்றாக ஆதரித்தது. Screen Brightness ஐ மட்டும் கூட்டுவது, குறைப்பது முடியவில்லை.

தமிழ் தட்டச்சை ibus மூலமாக செய்ய முடிந்தது, Libreoffice 4 இருந்தது. NTFS கோப்புமுறைமையை அணுக முடிந்தது.

Fedora 20 பதிப்பை என்னுடைய External Hard Disk மூலமாகத்தான் மடிக்கணினியில் நிறுவினேன். ஏற்கனவே மடிக்கணினியில் Windows 7+Ubuntu 12.04.2 LTS இருந்தது. மூன்றாவதாக Fedora 20 ஐ நிறுவினேன். Fedora மூலம் Boot Loader ஐ நிறுவாமல், பின்பு உபுண்டுவின் Grub Menuவில் Fedora வின் தகவல்களை இணைத்தேன். எந்த பிரச்சனையும் இல்லாமல் பூட் ஆகியது.

Externel Hard Disk மூலமாக நிறுவியதையும், Boot Loader -ல் Fedora 20 ஐ இணைத்த கதையையும் பின்பு பதிவு செய்கிறேன்.