இன்று (28.10.2013 திங்கள்) வெளியாகியுள்ள தமிழ் இந்து நாளிதழில் புதியது அறிவோம் எனும் பகுதியில் 'கட்டற்ற மென்பொருள் செலவற்ற கல்வி' எனும் கட்டுரை வெளிவந்துள்ளது. தமிழ் இந்து பத்திரிக்கை 'தமிழால் இணைவோம்' என்று கூறினாலும், நான் தமிழ் இந்து பத்திரிக்கையினை படிக்க என்னுடைய கிராமத்தில் இருந்து பேராவூரணி நகரத்திற்கு வந்துதான் படிக்க வேண்டும். இந்த கட்டுரையினை பார்த்த உடன் ஆச்சரியமும், மகிழ்ச்சியும் ஏற்பட்ட அதே சமயத்தில், இந்த கட்டுரையினை எழுதியது யார் என்று ஆர்வத்தோடு பார்த்தால். அட நம்ம கணியம் இதழின் ஆசிரியர், சென்னை லினக்ஸ் பயனர் குழுவின் தலைவர் ஸ்ரீனிவாசன் சார். இந்த கட்டுரையில் Gcompris எனும் கல்வி மென்பொருளைப் பற்றி எழுதியுள்ளார்.
கட்டுரையினை அண்ணன் சி.சந்திரமோகன் அவர்களிடமிருந்து பெற்றுகொண்டேன். தோழியர் நதியா அவர்களின் உதவியோடு கட்டுரைத்தாளை வருடினேன் (Paper Scanning). வருடிய கட்டுரையினை கீழே கொடுத்துள்ளேன். பெரிதுபடுத்தி படித்துக்கொள்ளவும்.
