Oracle VM VirtualBox இல் Screenshot எடுத்தல்

Oracle VM VirtualBox இல் Screenshot எடுப்பதற்கு என்று தனியாக எந்த கருவியும் கொடுக்கப்படவில்லை. ஆனால் கட்டளை வழியாக VirtualBox ற்குள் 

இயங்கிக்கொண்டிருக்கும் இயங்குதளத்தை நாம் Screenshot எடுக்கலாம்.

Screenshot எடுக்க வேண்டிய இயங்குதளத்தினை முதலில் இயக்கிக்கொள்ளவும் அதன்பின், இந்த கட்டளையை முனையத்தில்(Terminal) கொடுக்கவும்.

VBoxManage controlvm WindowsXP screenshotpng 1.png

WindowsXP என்பதற்கு பதில் நீங்கள் என்ன பெயர் கொடுத்தீர்களோ அதையே கொடுக்கவும். எந்த அடைவிற்குள் இருந்து கொண்டு கட்டளையை இயக்கினீர்ளோ அந்த அடைவிற்குள் Screenshot சேமிக்கப்படும்.

இதை Script வழியாகவும் செய்யலாம்.

இந்த Script ஐ இயக்கியவுடன் Home அடைவிற்குள் Screenshot சேமிக்கப்படும்.

Reference:
http://www.dedoimedo.com/computers/virtualbox-screenshot.html

VirtualBox இல் Windows7 இயங்குதளம் நிறுவுதல் - பகுதி-2

VirtualBox தொடர்பாக ஏற்கனவே இரண்டு பதிவுகளை எழுதியிருந்தேன். அதன் தொடர்ச்சியாக இந்த பதிவை பதிவு செய்கிறேன். இந்த பதிவை படிப்பதற்கு முன், நான் ஏற்கனவே எழுதிய இரண்டு பதிவுகளையும் அவசியம் படித்து விடவும். அதற்கான சுட்டிகள் கீழே கொடுக்கப்பட்டுள்ளது.

லினக்ஸ் பாதி, விண்டோஸ் பாதி கலந்து செய்த கலவை நான்! - உபுண்டு லினக்ஸிற்குள் விண்டோஸ் 7 இயங்குதளத்தை நிறுவுவது எப்படி?

VirtualBox இல் Windows7 இயங்குதளம் நிறுவுதல் - பகுதி-1

VirtualBox ற்குள் விண்டோஸ் 7 இயங்குதளத்தை நிறுவுதல் பற்றி இங்கு காண்போம்.

Base Memory Size ஐ பொறுத்தவரையில் நாம் மிகவும் கவனமாக இருக்க வேண்டும். உங்கள் கணினியில் இருக்கக்கூடிய RAM(முதன்மை நினைவகம்) இன் அளவைப் பொறுத்து இங்கு கொடுக்கப்படும் மதிப்புகள் மாறுபடும். உதாரணமாக என்னுடைய மடிக்கணினியில் 2GB RAM உள்ளது. உபுண்டு இயங்குதளத்திற்கு 1GB போதுமானது என்பதால், VirtualBox ற்குள் நிறுவப்போகும் விண்டோஸ் இயங்குதளத்திற்கு 984 MB ஐ Base Memory Size ஆக கொடுத்துள்ளேன். உங்கள் கணினியில் 3GB, 4GB என RAM இருந்தால் நீங்கள் தாராளமாக விண்டோஸ் இயங்குதளத்திற்கு 2GB கொடுத்துக்கொள்ளலாம்.  பொதுவாக பச்சை வண்ணத்தின் எல்லையை மீறி கொடுக்க வேண்டாம். அதுதான் உங்களது கணினிக்கு பரிந்துரைக்கப்படும் Base Memory Size இன் அளவு. அதாவது RAM Size. கொடுத்து விட்டு Next Button அழுத்தவும்.

இதில் இரண்டு தேர்வுகள் இருக்கின்றன. ஏற்கனவே ஒரு கணினியில் இருக்கும் VirtualBox இன் Hard Disk இதில் பயன்படுத்துவதாக இருந்தால் Use existing hard disk என்பதை தேர்வு செய்து கொள்ளலாம். இந்த தேர்வின் மூலம் உங்கள் நண்பரினுடைய கணினியில் இருக்கும் Windows7 இயங்குதளத்தில் Virtual Disk Image ஐ பிரதி எடுத்து வந்து உங்களுடைய Virtual Box ற்குள் அப்படியே பயன்படுத்திக்கொள்ளலாம். இங்கு நாம் புதிதாக நிறுவ இருப்பதலால், Create new hard disk Option ஐ தேர்வு செய்துள்ளோம். Create new hard disk என்பதை தேர்வு செய்த பிறகு Next Button ஐ அழுத்தவும்.

Storage Details என்பதற்கு கீழே Dynamically allocated, Fixed size என இரண்டு தேர்வுகள் உள்ளது. Dynamically Allocated என்பதை தேர்வு செய்வதன் மூலம் Hard Disk இல் இடத்தை சேமிக்கலாம். உதாரணமாக நாம் உருவாக்கப் போகும் Windows7 க்கான Hard Disk ற்கு 10 GB கொடுப்பதாக வைத்துக்கொள்வோம். 10GB யில் விண்டோஸ்7 இயங்குதளமானது 6GB ஐத்தான் பயன்படுத்துகிறது எனில், மீதமுள்ள 4GB அளவினை விண்டோஸ்7 இயங்குதளம் பயன்படுத்தாதவரையில் நாம் பயன்படுத்திக்கொள்ளலாம். அதற்கு தேவைப்படும் போது அது பயன்படுத்திக்கொள்ளும். யார் முந்தியோ அவர்களுக்கு அந்த இடம். Fixed size என்பதை தேர்வு செய்தால் ஒதுக்கப்பட்ட இடம் முழுவதையும் Virtual Box பயன்படுத்திக் கொள்ளும். தேர்வு செய்தபின் Next Button ஐ அழுத்தவும்.

Virtual Disk எங்கு சேமிக்கப்பட வேண்டும் மற்றும் அதற்கான அளவுகள் போன்றவற்றை இங்கு கொடுக்க வேண்டும். Size என்பதன் கீழ் இருக்கும் Slider ஐ இழுப்பதன் மூலம் அளவுகளை மாற்றிக்கொள்ளலாம். அளவுகளை கொடுத்த பின் Next Button ஐ அழுத்தவும்.

Create Button ஐ அழுத்தவும்.

Create Button ஐ அழுத்தவும்.

Summary பக்கத்தில் உள்ள Create Button ஐ அழுத்திய பிறகு மேற்காணும் திரை போல உங்களுக்கு கிடைக்கும். இந்த திரை கிடைத்து விட்டால், நீங்கள் Virtual Box இல் இயங்கக்கூடிய Windows 7 Machine ஐ வெற்றிகரமாக உருவாக்கி விட்டீர்கள் என்று அர்த்தம்.

Machine ஐ உருவாக்கியாச்சு. அடுத்து நாம் செய்ய வேண்டியது, இயங்குதளத்தை நிறுவ வேண்டும். அதற்கு Boot Sequence, Boot Device போன்றவைகளை நாம் தயார் செய்ய வேண்டும். அதன்பின் அவைகளை Configure செய்ய வேண்டும். Virtual Box ஐ பொறுத்தமட்டிலே இரண்டு வழிகளிலே விண்டோஸ் 7 இயங்குதளத்தை நிறுவலாம். இயங்குதளத்தை நீங்கள் எதில் வைத்திருக்கிறீர்கள் என்பதை பொறுத்து Configure செய்வதில் மாற்றம் இருக்கும். CD/DVD களில் வைத்திருந்தால் அதிலிருந்து நீங்கள் நேரடியாக Boot செய்துகொள்ளலாம். ISO கோப்பாக வைத்திருந்தால் ISO கோப்பிலிருந்து நேரடியாக Boot செய்து கொள்ளலாம்.

நான் விண்டோஸ் 7 இயங்குதளத்தை ISO கோப்பு வடிவில் வைத்திருப்பதால், இங்கு அது தொடர்பான செய்திகளை விளக்கி இருக்கிறேன்.

Virtual Box இல் Windows 7 Settings க்குச் சென்று, Storage என்பதை Click செய்யவும். அதில் வலது புறமாக Storage Tree என்பதற்கு கீழ் இருக்கும் IDE Controller என்பதில் அதன் கீழ் இருக்கும், Empty என்பதை Click செய்யவும்.

Attributes என்பதன் கீழ் இருக்கும் CD/DVD Drive: என்பதற்கு நேரில் அமைந்திருக்கும் வட்டு போன்ற Icon இல் ஒரு கீழ் நோக்கிய முக்கோண வடிவ குறியீடு இருக்கும். அதை Click செய்யவும். அதில் Choose Virtual CD/DVD disk file என்பதை Click செய்யவும்.

அடுத்ததாக தோன்றும் திரையில் மூலம் உங்களது Windows7 ISO கோப்பினை தேர்வு செய்யவும். தேர்வு செய்த பின் Open Button ஐ அழுத்தவும்.

அடுத்ததாக windows 7 -settings இன் திரையின் Ok Button ஐ அழுத்தவும்.

அதன்பின் முதன்மைத்திரைத் தெரியும் அதில் Windows 7 ஐ அழுத்தி அதன்பின் Start Button ஐ அழுத்தவும். அழுத்தியவுடன் உங்களது Windows 7 Virtual Machine boot ஆக ஆரம்பிக்கும். அதன்பின் நீங்கள் எப்பொழுதும் போல விண்டோஸ் 7 இயங்குதளத்தை எப்படி நிறுவ வேண்டுமோ அதுபோல நிறுவிக்கொள்ளலாம்.

இது தொடர்பாக எந்தவிதமான சந்தேகம் இருந்தாலும் பின்னூட்டத்தில் தெரிவியுங்கள் அல்லது மின்னஞ்சல் செய்யுங்கள். என்னால் இயன்றவரையில் சந்தேகங்கங்களுக்கு பதிலளிக்கிறேன். யாரும் தயக்கம் கொள்ள வேண்டாம்!

VirtualBox இல் Windows7 இயங்குதளம் நிறுவுதல் - பகுதி-1

VirtualBox தொடர்பாக நான் ஏற்கனவே ஒரு பதிவை எழுதியிருந்தேன். அந்த பதிவின் இறுதியில் அடுத்த பதிவில் விண்டோஸ்7 இயங்குதளத்தை நிறுவுவது எப்படி? மற்றும் உபுண்டுவினுடைய கோப்புக்களை  VirtualBox ற்குள் இருக்கும் விண்டோஸ் 7 இயங்குதளத்திற்குள் கொண்டு வருவது எப்படி? ஆகியவைகள் தொடர்பான பதிவுகள் அடுத்தடுத்து இடம்பெறும் என குறிப்பிட்டு இருந்தேன். இந்த பதிவுகளை  ஆவலுடன் எதிர்பார்த்து காத்திருப்பதாக  நண்பர்கள் தெரிவித்து இருந்தனர். மிக்க மகிழ்ச்சி. முதலில் Virtual Box தொடர்பான சில செய்திகளை பார்த்து விடுவோம்.

Virtual Box ற்குள்  Windows7 இயங்குதளத்தை ஏன் நிறுவ வேண்டும்?

1. நாம் அனைவரும் உபுண்டுவை பயன்படுத்துவதற்கு முன் விண்டோஸ் இயங்குதளத்தை பயன்படுத்திக்கொண்டு இருந்தவர்கள்தான். ஒரு சில மென்பொருள்களை விண்டோஸ் இயங்குதளத்தில்தான் பயன்படுத்த முடியும் என்ற கட்டாயம் வரும்போது அதற்காகவே உபுண்டுவிலிருந்து வெளியேறி கணினியை மறுதொடக்கம் செய்து விண்டோஸ் இயங்குதளத்திற்குள் சென்று பணிபுரிய வேண்டிய கட்டாயம் ஏற்படுகிறது. உதாரணமாக: Autocad, Adobe Page Maker, Tally போன்ற மென்பொருள்களை கூறலாம். இவைகளெல்லாம் விண்டோஸ் இயங்குதளத்தில்தான் நன்றாக இயங்கும். இந்த மென்பொருள்களை பயன்படுத்த வேண்டும் என்ற கட்டாயம் வரும்போது கணினியை மறுதொடக்கம் செய்து விட்டு விண்டோஸ் இயங்குதளத்திற்குள் செல்ல வேண்டிய இக்கட்டான சூழ்நிலை ஏற்படும், Virtual Box ற்குள் Windows7 இயங்குதளத்தை நிறுவுவதன் மூலம் இதிலிருந்து நாம் தப்பிக்கலாம். இதனால் நேரமும் மிச்சமாகும்.

2. விண்டோஸில் இயங்கும் மென்பொருள்களை, உபுண்டுவில் Wine Software மூலமாக நிறுவி பயன்படுத்த முடியுமென்றாலும், Wine மூலமாக பயன்படுத்தும் போது அவ்வளவு சிறப்பாக இயங்காது என்பதோடு சில மென்பொருள்கள் வேலை செய்வதேயில்லை. இந்நிலையில் Virtual Box ற்குள் விண்டோஸ் இயங்குதளத்தை நிறுவியிருந்தால், உபுண்டுவில் இருந்துகொண்டே நேரடியாக நாம் Virtual Box ற்குள் இருக்கும் விண்டோஸில் அந்த மென்பொருளை நிறுவி பயன்படுத்த முடியும். இதன்மூலம் Wine இல் நிறுவி சரிவர இயங்கவில்லை என்ற குற்றச்சாட்டை நாம் சொல்ல வேண்டியதில்லை.

3. உபுண்டுவில் இணைய இணைப்பு இருந்தால் அந்த இணைப்பு Virtual Box ற்குள் இருக்கும் விண்டோஸ் இயங்குதளத்திலும் வேலை செய்யும். ஆகையால் நாம் இணையத்தை விண்டோஸில் பயன்படுத்தி முழு பயனையும் பெற முடியும்.

4. Shared Folder Options மூலமாக உபுண்டுவில் இருக்கும் கோப்புக்கள் அனைத்தையும் மற்றும் Hard Disk இன் அனைத்து Partition களையும் Virtual Box ற்குள் இருக்கும் விண்டோஸிற்குள் கொண்டு வந்து பயன்படுத்தலாம். இதனால் நாம் வேலைகளை விரைவாக செய்ய முடியும். மேலும் இரண்டு இயங்குதளங்களுக்கிடையில் கோப்புக்களையும் எளிமையாக பரிமாறிக்கொள்ள முடியும். மேலும், Pen drive மற்றும் USB Port இல் இணைக்கும் அனைத்து வன்பொருள்களையுமே பயன்படுத்த முடியும் என்பது கூடுதல் சிறப்பு.

5. எனக்கு விண்டோஸே வேண்டாம்ங்க முதலில் உபுண்டு, அதில் ஏதாவது செய்ய முடியலனாதாங்க அப்பறம் விண்டோஸ், என அதிரடி முடிவெடுக்கும் பயனாளர்களுக்கு இந்த Virtual Box ஒரு வரப்பிரசாதம். குறிப்பாக நண்பர் இரா.குமரேசன் போன்றவர்களுக்கு.

Virtual Box ஐப் பற்றிய சில சந்தேகங்கள்:

Virtual Box என்பது உரிம மென்பொருளா(Licensed Software) அல்லது இலவச மென்பொருளா(Free Software)?

இலவச மென்பொருள். GPL உரிமத்துடன் வெளிவருகிறது.

Virtual Box ற்குள் எந்தெந்த இயங்குதளங்களை நிறுவி பயன்படுத்த முடியும்?

Windows(All Editions), Linux(All Distros)

Virtual Box இல் இயங்குதளங்களை நிறுவும் போது செய்யப்படும் Partition கள், கணினியில் ஏற்கனவே இருக்கும் Partition களுடன் சேர்த்துக்கொள்ளப்படுமா?

சேர்ந்து கொள்ளப்படாது. எந்தவிதமான மாற்றமும் வன்வட்டிலும் ஏற்படாது. தகவல் இழப்பு ஏற்பட்டு விடுமோ என்ற பயம் கொள்ள வேண்டியதில்லை.

Host OS மற்றும் Guest OS என்றால் என்ன?

உதாரணமாக நீங்கள் உபுண்டு இயங்குதளத்திற்குள் Virtual Box ஐ நிறுவி அதனுள்ளே Windows7 இயங்குதளத்தை நிறுவினால், உபுண்டு - Host OS, Windows7 -  Guest OS. உபுண்டுவிற்குள் Windows7 ஐ நிறுவினால், உபுண்டு - Host OS, Windows7 - Guest OS. Windows7 ற்குள் உபுண்டுவை நிறுவினால், Windows7 - Host OS, Ubuntu - Guest OS.

--தொடரும்--

லினக்ஸ் பாதி, விண்டோஸ் பாதி கலந்து செய்த கலவை நான்! - உபுண்டு லினக்ஸிற்குள் விண்டோஸ் 7 இயங்குதளத்தை நிறுவுவது எப்படி?

நேற்றுதான் என்னுடைய உபுண்டு லினக்ஸில் Virtual Box ஐ நிறுவினேன். Wine Software மூலமாக விண்டோஸில் இயங்கக்கூடிய மென்பொருள்களை லினக்ஸில் இயக்க முடியும் என்றாலும். அனைத்து மென்பொருள்களும் எந்தவிதமான பிரச்சனையும் இல்லாமல் Wine இல் இயங்குமா? என்பது கேள்விக்குரிய ஒன்றாகும். ஆகையால் Virtual Box ஐ நிறுவி அதனுள் Windows7 இயங்குதளத்தை நிறுவினேன்.

எந்தவிதமான பிரச்சனையும் இல்லாமல் Windows7 இயங்குதளம் மிகவும் நன்றாக, உபுண்டு லினக்ஸிற்குள் இயங்குகிறது. இரண்டாவதாக உள்ள படத்தில் என்னுடைய மடிக்கணினியின் வன்பொருள்களின் பயன்பாடு கொடுக்கப்பட்டுள்ளது. உபுண்டு, Windows7 இரண்டு இயங்குதளத்திற்கும் சேர்த்து Processor 14% சதவீதம்தான் பயன்படுத்தப்படுகிறது. உபுண்டுவிற்குள் இருக்கும் கோப்புகள் அனைத்தையும் Virtual Box ற்குள் இருக்கும் Windows7 இயங்குதளத்திற்குள் காண முடிகிறது. இது ஒரு மிகப்பெரிய வசதியாகும்.

முழுமையாக லினக்ஸை மட்டுமே பயன்படுத்த வேண்டும் என ஆசைப்படுபவர்கள், உபுண்டுவில், லினக்ஸில் செய்ய முடியாத சில வேலைகளுக்காக விண்டோஸ் இயங்குதளத்திற்குள் செல்ல வேண்டியுள்ளது.  அதற்கு சரியான தீர்வு Virtual Box ஆகும்.

அதெல்லாம் சரி தம்பி இதனால எங்களுக்கென்ன இலாபம்? அப்படினு கேக்குறீங்களா? நிறைய இருக்குங்க சொல்றேன் கேளுங்க.

இலாபம் ஒன்று:

உங்களுக்கு உபுண்டு லினக்ஸ்தான் மிகவும் பிடித்த இயங்குதளம். ஆனால் சில தவிர்க்க முடியாத வேலைகளுக்காக விண்டோஸ் இயங்குதளத்திற்குள் செல்ல வேண்டியிருக்கிறது. அதற்காக கணினியினை மறுதொடக்கம் செய்ய வேண்டியுள்ளது. Virtual Box ற்குள் Windows7 இயங்குதளத்தை நிறுவி வைத்தால், முக்கியமான இந்த பிரச்சனை சரியாகி விடும். விண்டோஸ் இயங்குதளம் வேண்டுமானால Virtual Box ஐ திறந்து windows7 இயங்குதளத்தை இயக்கி உங்களுடைய வேலைகளை செய்து விட்டு மூடி விடலாம். மறுதொடக்கம் செய்ய வேண்டியதில்லை அதனால் உங்களுக்கு நேரமும் அதிகம் மிச்சமாகும்.

இலாபம் இரண்டு:

இணையத்தில் இருந்து ஒரு கோப்பை தரவிறக்கம் செய்கிறீர்கள், ஆனால் அந்த அந்த கோப்பு .docx வடியில் இருக்கிறது. அதை Libreoffice Writer இல் திறக்கும் போது சரிவர தெரியவில்லை என்றால், உடனே அந்த கோப்பை virtual box ற்குள் இருக்கும் windows7 இயங்குதளத்திற்குள் சென்று திறந்து பார்த்துக்கொள்ளலாம்.

இலாபம் மூன்று:

உபுண்டு இயங்குதளத்திற்குள் இருக்கும் கோப்புகளையும் Virtual Box ற்குள் இருக்கும் Windows7 இயங்குதளத்திற்குள் கொண்டு வந்து பயன்படுத்த முடியும் என்பதால் நேரம் நமக்கு மிச்சமாகும். நமது வேலைகளையும் மிகவும் விரைவாக செய்ய முடியும்.

இதுபோல பல நன்மைகள் இதன்மூலம் உண்டு.

அடுத்தடுத்த பதிவுகளில் virtual box ஐ உபுண்டுவில் நிறுவுதல் மற்றும் window7 இயங்குதளத்தை Virtual box ற்குள் நிறுவுதல் பற்றி பதிவு செய்கிறேன்.

References:

How To Share Files In VirtualBox With Vista Guest And Ubuntu Host