External Hard Disk மூலம் ISO கோப்பிலிருந்து நேரடியாக உபுண்டுவை நிறுவும் முன் செய்ய வேண்டியவை

External Hard Disk மூலம் ISO கோப்பிலிருந்து நேரடியாக உபுண்டுவை நிறுவும் போது எந்த பார்ட்டிசியனில் உபுண்டுவினுடைய ISO கோப்பினை வைத்திருக்கிறோமோ அந்த பார்ட்டிசியன் /isodevice என அடையாளப்படுத்தப்படுகிறது.

நிறுவுதலின் போது, அதாவது Partition செய்வதற்கு முன்பு Mount ஆகியிருக்கும் Device களை unmount செய்ய வேண்டும் எனக்கேட்கும் போது இந்த பிழைச்செய்தி கிடைக்கிறது. இதற்கான தீர்வு என்னவென்றால், நிறுவுதலை ஆரம்பிப்பதற்கு முன்பாக முனையத்தைத்(Terminal) திறந்து sudo umount -l -r -f /isodevice என்ற கட்டளையை இயக்கவும். இந்த கட்டளையை இயக்கிய பிறகு எந்த பிழைச்செய்தியும் தெரிவிக்காமல் உபுண்டு நிறுவுதலை செய்ய முடிகிறது.

உதவி:

https://help.ubuntu.com/community/Grub2/ISOBoot#Installing_Ubuntu_from_a_Menuentry_Boot

Grub Error ஐ சரிசெய்தது எப்படி? ஒரு அனுபவம்

இந்த பதிவை ஒரு முறை படித்து விடுங்கள் அப்பொழுதுதான்  இனிமேல் சொல்லப்போகும் விஷயங்கள் உங்களுக்கு புரியும்.

பிரச்சனை என்ன?

ஒரு கணினியில் இரண்டு வன்வட்டுக்கள் இருக்கிறது. அவைகள் முறையே 80 GB  மற்றும் 40 GB. 80GB Hard Disk ல் எந்த இயங்குதளமும் இல்லை. 40 GB Hard Disk ல் உபுண்டு இயங்குதளம் இருக்கிறது. அதுபோல 80GB Hard Disk ல் ஏற்கனவே இருந்த உபுண்டு இயங்குதளமும் அதன் பார்ட்டிசியன்களும்(root, boot, home and swap) நீக்கப்பட்டுவிட்டு வெறும் MBR(Master Boot Record) மட்டும்தான் இருக்கிறது.

இயங்குதளத்தை(Operating System) கணினி எந்த கருவியிலிருந்து இயக்க வேண்டும் என்பதை BIOS தான் முடிவு செய்கிறது. BIOS Settings ல் நாம் எந்த முறையில் அமைத்திருக்கிறோமோ அதுபடிதான் ஆரம்பிக்கும். அதனால் நான் என்ன செய்தேன் என்றால் Boot Device Priority யில் 1.Hard Disk 2.Hard Disk 3.CD Drive என அமைத்து விட்டு, கணினியில் இரண்டு Hard Disk கள் இருப்பதால் எந்த Hard Disk லிருந்து Boot ஆக வேண்டும் என்பதை BIOS க்குச் சென்று Advanced BIOS Feature -ல் Hard Disk Boot Priority யில் 40GB Hard Disk (உபுண்டு இயங்குதளம் நிறுவப்பட்டுள்ள) ஐ முதலாவதாக அமைத்தேன். மாற்றங்களை F10 Key ஐ அழுத்தி சேமித்தேன். கணினியை மறு தொடக்கம் செய்துவிட்டு ஆரம்பித்தால் எந்த பிரச்சனையுமில்லாமல் GRUB Menu கிடைத்தது அதோடு உபுண்டு இயங்குதளமும் எந்த பிரச்சனையும் இல்லாமல் வேலை செய்தது. அந்த இயங்குதளம் இல்லாத 80GB Hard Disk ல் உள்ள அனைத்து பார்ட்டிசியன்களின் தகவல்களையும் அணுக முடிந்தது.

எல்லாம் நல்லாதானே போயிக்கிட்டு இருக்குனு நீங்க நினைக்கலாம். ஆனால் பிரச்சனையின் உச்சக்கட்டமே கணினியினை Shutdown செய்து விட்டு ஆரம்பித்த உடன்தான் ஆரம்பித்தது. கணினியினை Shutdown செய்து விட்டு ஆரம்பித்த பொழுது  Hard Disk Boot Priority யில் 40GB Hard Disk ஐ முதலாவதாக அமைத்தோமல்லவா அது படி  இல்லாமல் , 80GB Hard Disk ஐ முதலாவதாக BIOS இயல்பிருப்பாக அமைத்துக்கொண்டது அதனால்  கணினி  80GB Hard Disk ல் இயங்குதளத்தை தேடிப்பார்த்துவிட்டு grub rescue> எனும் பிழைச் செய்தியை காண்பித்துக் கொண்டு இருந்தது. ஆனால் BIOS ல் 40GB Hard Disk ஐ முதலாவதாக அமைத்தால் எப்பொழுது போல உபுண்டு இயங்குதளம் நன்றாக வேலை செய்தது.

தம்பி கதிர்வேலு, அதான் வேலை செய்யுதேப்பா அப்பறம் என்னய்யா உனக்குனு பிரச்சனைனு கேட்கிறீங்களா!

இந்த பிரச்சனை வந்தது ஒரு பழைய கணினியில் அந்த பழைய கணினியை பயன்படுத்திக்கொண்டிருக்கும் அண்ணன் சோம.நீலகண்டன் அவர்கள் கணினியைப் பற்றிய தொழில்நுட்ப அறிவை அவ்வளவாக  கொண்டிருப்பவர் அல்ல. கணினியில் திரைப்படம் பார்ப்பார், பாடல்கள் கேட்பார், முகநூல் பார்ப்பார் மற்றும் இணையத்தை பயன்படுத்துவார் அவ்வளவுதான்.

அதனால் இந்த பிரச்சனையை நான் ஒரு சவாலாக எடுத்துக் கொண்டு கடந்த பத்து  நாட்களாக இணையத்தில் தகவல்களை தேடித் திரட்டினேன். நிறைய அனுபவம் கிடைத்தது. GRUB தொடர்பாக நிறைய செய்திகளைத் தெரிந்துக் கொண்டேன்.

தீர்வு கிடைத்தது:

என்ன தீர்வு கேட்குறீங்களா? சொல்கிறேன் கணியம் இதழுக்கு  ஒரு  கட்டுரை அனுப்பியிருந்தேன் அதன்மூலமாகத்தான் இந்த ஐடியா கிடைத்தது.

80GB Hard Disk -ல் வெறும் 5GB அளவில் உபுண்டு லினக்ஸை நிறுவினேன். இப்பொழுது நமக்கு ஏற்கனவே கிடைத்து வந்த grub rescue> பிழைச்செய்தி ஒழிந்தது. இதைப் பயன்படுத்தி அந்த 40GB Hard Disk -ல் உள்ள உபுண்டு இயங்குதளத்தை Load செய்ய வேண்டும். இதுதான் என்னுடைய நோக்கம். காரணம்? எப்படியிருந்தாலும் கணினியை நிறுத்திவிட்டு(Shutdown) ஆரம்பித்தால் 80GB யிலிருந்தே ஆரம்பிக்கப்போகிறது. அதனால் அதிலிருந்தே அந்த 40GB யில் இருக்கும் உபுண்டு லினக்ஸிற்கு இணைப்புக் கொடுத்து விட்டால்  பிரச்சனை முடிந்தது. அதைத்தான் நான் செய்தேன். 80GB Hard Disk ல் இருக்கும் உபுண்டு இயங்குதளம் வெறும் இணைப்புக்காக மட்டுமே பயன்படப்போகிறது அவ்வளவுதான்.

என்ன செய்தேன் என்றால் 80GB Hard Disk ல் ஏற்கனவே இருந்த /boot/grub/grub.cfgஐ நீக்கிவிட்டு 40GB Hard Disk -ல் /boot/grub/grub.cfg கோப்பினை  Copy செய்து  80GB Hard Disk னுள் இருக்கும் /boot/grub/  அடைவிற்குள்  copy செய்த grub.cfg கோப்பினை Pasteசெய்தேன். வேலைகளை முடித்துவிட்டு கணினியினை மறுதொடக்கம் செய்த பொழுது எப்பொழுதும் போல  80GB Hard Disk ன் GRUB Menu கிடைத்தது. அதிலிருந்து உபுண்டுவை ஆரம்பித்த போது வெற்றிகரமாக , நான் நினைத்தது போல  அந்த 40GB Hard Disk லிருந்து ஆரம்பித்தது.

வெற்றி! வெற்றி!! வெற்றி!!!

GRUB Error இதற்கு என்னதான் தீர்வு

ஒரு பழைய கணினியில் 80GB (/dev/sdb) வன்வட்டு இருந்தது. அந்த 80 GB வட்டில் உபுண்டு லினக்ஸை நிறுவியிருந்தேன். அதே வன்வட்டில்தான் GRUB பூட் லோடரும் நிறுவப்பட்டிருந்தது. ஒரு சிறிய பிரச்சினையின் காரணமாக லினக்ஸை நீக்கும் பொருட்டு அந்த வன்வட்டிலிருந்த root, boot, home, swap பார்ட்டிசியன்களை நீக்கிவிட்டேன்.

நீக்கிய பின் அருமை தோழர் வே.ஆதவன் அவர்கள் 40GB அளவுள்ள ஒரு வன்வட்டினை பயன்படுத்திக்கச் சொல்லிக் கொடுத்தார். அந்த வன்வட்டில் உபுண்டு லினக்ஸ் 12.04.2 LTS ஐ நிறுவினேன். நிறுவல் முடிந்தபின் கணினியை மறுதொடக்கம் செய்து உபுண்டு லினக்ஸிற்குள் நுழைந்து பயன்படுத்தினேன் நன்றாகவே வேலை செய்தது. ஏற்கனவே இருந்த 80GB அளவுள்ள வன்வட்டிலிருந்த அனைத்து பார்ட்டிசியன்களையும் அணுக முடிந்தது.

கணியை நிறுத்திவிட்டு(Shutdown) மீண்டு தொடங்கினால் கீழ்காணும் படத்தில் உள்ளது போன்ற பிழைச் செய்தி கிடைத்தது.

Boot Loader பிரச்சனையாக இருக்கும் என நினைத்து இந்த வழிமுறைகளைப் பின்பற்றி GRUB Boot Loader ஐ நிறுவினேன்.  அதன் பின்னும் வேலை செய்யவில்லை கீழ்காணும் படத்திலுள்ளது போன்ற பிழைச்செய்தி கிடைத்தது.

BIOS -ல் Boot Device Priority ஐ Hard Disk க்கு மாற்றி Advanced BIOS Features க்குச் சென்று Hard Disk Boot Priority யில் உபுண்டு லினக்ஸ் நிறுவியிருக்கும் 40GB Hard Disk ஐ First Priority யில் அமைத்து F10 கீயை அழுத்தி சேமித்து அதன்பின் கணினியினை Shutdown செய்துவிட்டு மீண்டும் தொடங்கினால் BIOS Settings -ல் மாற்றியபடி உபுண்டு நிறுவியிருக்கும் 40 GB வன்வட்டிலிருந்து தொடங்காமல் உபுண்டுவை நீக்கிய 80GB வன்வட்டிலிருந்தே ஆரம்பித்து, மேற்காணும் இரண்டு பிழைச் செய்திகளையும் காட்டிக் கொண்டு இருந்தது.

பிரச்சனைக்கான காரணம்:
BIOS ஒத்துழைக்காததுதான் முதன்மையான காரணம் என நினைக்கிறேன். உபுண்டு லினக்ஸ் நிறுவியுள்ள 40GB வட்டினை Hard Disk Boot Priority யில் முதலாவதாக அமைத்தாலும் shutdown செய்துவிட்டால், Hard disk boot priority யில் 80GB வட்டே முதலாவது நிலைக்கு சென்றுவிடுகிறது. அப்படியிருக்கையில் 80GB வட்டில் லினக்ஸ் இயங்குதளம் இல்லாததால் MBR மட்டும் வேலை செய்து grub rescue> பிழைச்செய்தி கிடைக்கிறது.

இந்த கணினியைப் பயன்படுத்திக்கொண்டிருக்கும் அண்ணன் சோம.நீலகண்டன் அவர்கள் கணினியைப் பற்றிய தீவிர தொழில்நுட்ப அனுபவம் இல்லாதவர். ஆகையால் கணினியை எப்படி ஆரம்பித்தாலும் எந்த பிழைச்செய்தியையும் காட்டாமல் இயங்குதளத்திற்குள் செல்ல வேண்டும்.

அதற்கான தீர்வினைத் நான் தேடிக் கொண்டிருக்கிறேன். இந்த பிரச்சனையை சரி செய்து விட்டால் இங்கு பிறகு பகிர்ந்து கொள்கிறேன். தோழர்கள் யாரேனும் இதற்கு தீர்வு வைத்திருந்தால் இங்கு பகிர்ந்து கொள்ளலாம்.

UUID பிழையினை சரி செய்வது எப்படி?

விண்டோஸ்+லினக்ஸ் இருக்கும் கணினிகளில் விண்டோஸ் இயங்குதளத்தை நிறுவிய பின் லினக்ஸை மீட்டெடுத்தப் பிறகு ,  விண்டோஸ் இயங்குதளத்தை GRUB மெனுவில் தேர்வு செய்து உள் நுழையும் போது மேலே படத்தில் காட்டப்பட்டுள்ளதைப் போன்று ஒரு சிறிய பிழைச் செய்தி நமக்கு பெரும்பாலும் கிடைக்கிறது.  அந்த பிழைச்செய்தியினை எப்படி சரி செய்வது என்பதை இங்கு காண்போம்.

UUID - Universally Unique IDentifier

முனையத்தை திறந்து sudo blkid எனும் கட்டளையைக் கொடுத்து இயக்கவும். நீங்கள் எந்த கோலனில் விண்டோஸ் இயங்குதளத்தை நிறுவியுள்ளீர்களோ அந்த கோலனின் UUID யினைக் Copy செய்யவும், இரட்டை மேற்கோள் குறியில்லாமல் Copy செய்யவும்.

குறிப்பு: பெரும்பாலும் விண்டோஸ் இயங்குதளங்கள் /dev/sda1 அல்லது /dev/sda2 இவற்றில் ஏதாவது ஒன்றில்தான் நிறுவப்பட்டிறுக்கும்.

grub.cfg கோப்பினை திறக்கவேண்டும்.  அதற்கு sudo nautilus என முனையத்தில் கொடுத்து இயக்கவும். Nautilus File Manager திறக்கப்படும் அதில் File System -> boot -> grub.cfg  திறக்கவும்.

menuentry "Windows 7 (loader)" எனும் வரியினைக் கண்டுபிடித்து அதன் தொடர்ச்சியாக கீழே இருக்கும் வரிகளில் --set-root  என்பதை தொடர்ந்து இருக்கும் பழைய UUID ஐ அழித்துவிட்டு மேலே முனையத்தில் blkid கட்டளை மூலம் கண்டுபிடித்து Copy செய்து வைத்திருக்கும் UUID யினை பழைய UUID இருந்த இடத்தில் Paste செய்யவும்.

கவனம்:  --set-root என்பதற்கும் UUID என்பதற்கும் இடையில் single space இருக்க வேண்டும்.

Paste செய்த பின் கோப்பினை சேமித்த பிறகு கணினியினை மறுதொடக்கம்(Restart) செய்தால் நீங்கள் எப்பொழுதும் போல விண்டோஸ் இயங்குதளத்தை தேர்வு செய்யும் போது பிழைச்செய்தி கிடைக்காமல் இயங்குதளத்தைப் பயன்படுத்தலாம்.

===========

தமிழக அரசின் இலவச மடிக்கணினியில் உள்ள BOSS லினக்ஸின் GRUB Loader ஐ விண்டோஸ் 7 இயங்குதளம் நிறுவிய பிறகு மீட்டெடுத்தல்

தமிழக அரசு மாணவர்களுக்கு வழங்கிய இலவச மடிக்கணினியில் லினக்ஸ் மற்றும் விண்டோஸ் இயங்குதளம் ஆகிய இரண்டு இயங்குதளங்களும் இரட்டை நிறுவலாக நிறுவி கொடுக்கப்பட்டு வருகிறது.

ஆனால், நமது மாணவர்கள் இருக்கிறார்களே மிகவும் புத்திசாலிகள்  கொடுக்கப்பட்ட மடிக்கணினியில் CD/DVD Drive இல்லாவிட்டாலும் கூட பென்டிரைவ் மூலமாக விண்டோஸ்7 இயங்குதளத்தை மிகவும் எளிமையாக நிறுவி விடுகிறார்கள்.

பெரும்பாலும்  எங்கள் கிராமத்தைச் சேர்ந்த மாணவர்கள் யாரும் இயங்குதளத்தை நிறுவுவதற்காக வேறெங்கும் தனியாக Hardware Service Engineer ஐ தேடிச் செல்வதில்லை.  அவரவர்களே நிறுவிக்கொள்கிறார்கள்.  மிகவும் மகிழ்ச்சியான செய்திதான் இது!

தமிழக அரசின் இலவச மடிக்கணினி திட்டத்தைப் பற்றி நான் ஏற்கனவே ஒரு பதிவை எழுதியிருந்தேன்.

ஆனால் கூடவே நிறுவப்பட்டுள்ள BOSS Linux ஐ மீட்டெடுப்பது எப்படி?  என்று எனது அருமை சகோதரர்கள்  இயந்திர பொறியாளர் பா.சக்திவேலும், கட்டிட பொறியாளர் வே.ஆதவனும்  கேட்டார்கள்.  அவர்களின் அன்பான வேண்டுகோளுக்கு இணங்க  நானும் அவர்களுடன் சேர்ந்து முயற்சியில் இறங்கினேன்.

நான் ஏற்கனவே, விண்டோஸ் இயங்குதளத்தை நிறுவிய பிறகு உபுண்டு இயங்குதளத்தை மீட்டெடுப்பது எப்படி?  என ஒரு பதிவு எழுதியிருந்தேன்.  ஆனால் அந்த முறைகளைப் பின்பற்றிய பொழுது  GRUB மீட்டெடுக்கப்பட்டது.  ஆனால் இரண்டு இயங்குதளங்களும் உள்நுழைவதற்கு மிகவும் அடம்பிடித்தது.  காரணம் BOSS Linux க்கு அந்த கட்டளைகள் சரியாக வேலைசெய்யவில்லை.

மறுபடியும் இணையத்தையே உதவிக்கு நாடினோம். BOSS Linux -ன் விக்கி தளத்தில் இதற்கான உதவிகள் கொடுக்கப்பட்டிருந்தது.  அதைப் பின்பற்றியும்  GRUB ஐ மீட்டெடுக்க முடியவில்லை.

ஆனால் கூகுளின் தேடல் முடிவில் Noobs LAB -ல் Install/Recover Grub from Linux Live CD கட்டுரையின் இணைப்பு காட்டப்பட்டது.  இந்த கட்டுரையில் சொல்லப்பட்டிருப்பது போல கட்டளைகளைப் பின்பற்றிய பொழுது.  எங்களால் வெற்றிகரமாக BOSS Linux GRUB ஐ மீட்டெடுக்க முடிந்தது.

GRUB Loader ஐ மீட்டெடுக்க அவசியம் தேவையானவை:

1. உபுண்டு லினக்ஸை(உபுண்டு 9.10 க்கு மேற்பட்ட பதிப்பு) Bootable ஆக மாற்றிய பென்டிரைவ் (தமிழக அரசின் மடிக்கணினிக்கு மட்டும்)

வழிமுறை:

• உபுண்டுவை Bootable ஆக மாற்றிய பென்டிரைவ் மூலம்  மடிக்கணினியினை பூட் செய்யவும்.
• Try Ubuntu வை தேர்வு செய்யவும் (நாங்கள் உபுண்டு 12.04 LTS பதிப்பை பயன்படுத்தினோம்)
• முனையத்தை(Terminal)  திறந்து கீழ்காணும் கட்டளைகளை ஒன்றன்பின் ஒன்றாக இயக்கவும்.  (மேலே கொடுக்கப்பட்டுள்ள படத்தை பெரிதுபடுத்திப் பார்த்துக் கொள்ளவும், உங்களுக்கு செய்முறைகள் தெளிவாக புரியும்)

sudo passwd root
su
sudo -i
sudo mount /dev/sda3 /mnt
sudo mount --bind /dev /mnt/dev
sudo chroot /mnt
grub-install /dev/sda

கட்டளைகளுக்கான விளக்கம்:

sudo passwd root - இந்த கட்டளையானது நிகழ்வட்டாக(Live OS) உள்ள உபுண்டுவின் root account னுடைய கடவுச்சொல்லை மாற்றுவதற்கானது.  ஏங்க  இந்த கடவுச்சொல்லை மாத்தனும்னு கேக்குறீங்களா?   இயங்குதளத்தின் அனைத்து கட்டளைகளையும், கணினியினுடைய அனைத்து வன்பொருள்களையும், அனைத்து அனுமதிகளோடும், உரிமைகளோடும் இயக்கக்கூடிய ஒரே நபர் இவர்தாங்க(root user). அவருக்கான கடவுச்சொல்லை நாம் அமைத்துக்கொண்டுதான் வேலையை தொடங்க வேண்டும் (நிகழ்வட்டு என்பதால் -  Live OS).

su - Switch User சாதரண பயனரிலிருந்து root பயனருக்கு மாறுவதற்கு.

sudo -i - பயனரின் Home Directory, .profiles and policy notes  போன்றவைகளை அணுகிக்கொள்ள.

sudo mount /dev/sda3 /mnt - இந்த கட்டளை BOSS Linux -ன் root directory யினை /mnt அடைவிற்குள்(folder) mount செய்ய.  பெரும்பாலும் அரசு மடிக்கணினியில் /dev/sda3 யில்தான் இருப்பியல்பாக BOSS Linux நிறுவப்பட்டு வருகிறது.  இதை உறுதி செய்ய இங்கு செல்லவும்.

sudo mount --bind /dev /mnt/dev - /dev அடைவின் அனைத்து கோப்புகளையும் இணைப்பதற்கு மற்றும் அணுகுவதற்கு.

sudo chroot /mnt - /mnt  அடைவோடு root பயனராக செயல்பட. (இந்த கட்டளையினை செயல்படுத்திய பின்பு முனையத்தில் நிறம் மாறியிருப்பதை காணலாம்).

grub-install /dev/sda - வன்வட்டில் GRUB Loader ஐ நிறுவுவதற்கு. இந்த கட்டளை இயக்கியவுடன் Installation Finished. No error reported. எனும் செய்தி நமக்கு கிடைக்கும் வேறு ஏதாவது பிரச்சனையென்றால் அந்த செய்திகளும் சுட்டிக்காட்டப்படும்.

அவ்வளவுதான் கணினியினை மறுதொடக்கம் செய்தவுடன்.  மடிக்கணினி வழங்கிய பொழுது எவ்வாறு BOSS Linux Grub Loader டன் இருந்ததோ அதே போலவே இயங்க தொடங்கியது.

இது தொடர்பான சந்தேகங்கள், கேள்விகள் அல்லது உதவிகள் எதுவாக இருந்தாலும் பின்னூட்டத்தில் தெரிவிக்கவும்.

நன்றி:

இந்த கட்டுரையினை எழுதுவதற்கு தங்களது முழு ஒத்துழைப்பையும், மடிக்கணினிகளையும் கொடுத்து உதவியதோடு இந்த பதிவினை எழுதுவதற்கு தூண்டுகோலாக இருந்து ஊக்குவித்த

தோழர் பா.சக்திவேல் D.M.E., Government Polytechnic College, Aranthangi அவர்களுக்கும்
தோழர் வே.ஆதவன் D.C.E., Government Polytechnic College, Aranthangi அவர்களுக்கும்   எனது மனமார்ந்த நன்றிகள்.

விண்டோஸ் இயங்குதளத்தை நிறுவிய பிறகு ஏற்கனவே நிறுவியிருந்த உபுண்டு லினக்ஸை திரும்பக்கொண்டு வருவது எப்படி?

படம்-1

படம்-2

படம் - 3

என்னுடைய மடிக்கணினியில் விண்டோஸ் எக்ஸ்.பி இயங்குதளத்தையும், உபுண்டு லினக்ஸ் 10.10 இயங்குதளத்தையும் இரட்டை நிறுவலாக நிறுவி வைத்திருந்தேன். விண்டோஸ் இயங்குதளத்தை நிறுவி இரண்டு வருடமாகிவிட்டது, விண்டோஸ் இயங்குதளத்தை அவ்வளவாக பயன்படுத்துவதில்லை, அவ்வப்போது ஏதாவது தவிர்க்க முடியாத காரணத்திற்காக பயன்படுத்துவேன். ஒரு பொறியியல் படிக்கும் மாணவன் என்ற முறையில் உபுண்டு லினக்ஸ் இயங்குதளம் எனக்கு போதுமானதாக இருக்கிறது.

விண்டோஸ் இயங்குதளத்தை மூன்று மாதத்திற்கு ஒரு முறை மாற்றுங்கள் என மைக்ரோசாப்ட் நிறுவனமே பயனாளர்களுக்கு பரிந்துரைக்கிறது. அப்படி இருக்கையில் நான் விண்டோஸ் இயங்குதளத்தை இரண்டு வருடம் வரை மாற்றாமல் வைத்திருந்ததெல்லாம் , விண்டோஸ் இயங்குதளத்திற்கு தர்ம சங்கடத்தை உண்டு பண்ணியிருக்க வேண்டும்.

என்னதான் ஆன்டிவைரஸ் மென்பொருள்கள்களை நாம் நிறுவி வைத்திருந்தாலும், வைரஸ் தொல்லை என்பது விண்டோஸிற்கு உடன்பிறப்பாகவே ஆகிவிட்டது. உருவத்துடன் வரும் நிழல் போல.

அத்துடன் நீலத்திரை மரணம் என்பது விண்டோஸில் இயல்பானது. என்னுடைய மடிக்கணினியில் இருந்த விண்டோஸிற்கு இந்த மரணம் வந்துவிட்டது. ஆகையால் விண்டோஸ் இயங்குதளத்தை பயன்படுத்த முடியவில்லை.

எனவே விண்டோஸ் இயங்குதளத்தை மீண்டும் நிறுவலாம் என முடிவு செய்தேன். ஆனால் இதில் ஒரு பிரச்சனை இருக்கிறது. விண்டோஸ் இயங்குதளதை நிறுவினால் ஏற்கனவே நிறுவியுள்ள உபுண்டு லினக்ஸ் இயங்குதளம் காணாமல் போய்விடும்.


விண்டோஸ் இயங்குதளத்துடன் லினக்ஸை நிறுவும் பொழுது, கணினியில் உள்ள விண்டோஸ் இயங்குதளைத்தை லினக்ஸ் கண்டறிந்து, தன்னுடன் சேர்த்துக்கொண்டு பயனாளருக்கு இரண்டு இயங்குதளத்தையும் காட்டும். அதில் பயனாளருக்கு தேவையான இயங்குதளத்தை தேர்வு செய்து பயன்படுத்திக் கொள்ளலாம்.

ஆனால் இந்த விண்டோஸ் இயங்குதளம் மட்டும் கணினியில் உள்ள எந்த இயங்குதளத்தையும் கண்டுகொள்ளாது அது மட்டும் வன்வட்டில் இருந்து கொள்ளும். (என்ன கொடுமை சார் இது. இப்படியும் ஒரு இயங்குதளமா!!!)

மறுபடியும் உபுண்டு லினக்ஸை நிறுவி , இணையத்தை இணைத்து நம்முடைய பயன்பாட்டிற்குண்டான மென்பொருள்களை நிறுவி பயன்பாட்டிற்கு கொண்டு வருவதற்குள் நம்முடைய நிறைய நேரம் விரையாமாகியிருக்கும்.

விண்டோஸ் இயங்குதளத்தை நிறுவிய பிறகு, உபுண்டு லினக்ஸை மீண்டும் புதிதாக நிறுவாமல் ஏற்கனவே நிறுவி வைத்திருப்பதையே கொண்டு வந்துவிட்டால் நன்றாக இருக்குமே என யோசித்தேன்.

இது தொடர்பாக ஏற்கனவே தோழர் மு.மயூரன் அவர்கள் "வின்டோசின் format சடங்கும் GRUB இனை மீள நிறுவுதலும்" என்னும் தலைப்பில் ஒரு பதிவு எழுதியிருந்தார். இந்த பதிவு ஓரளவு அடிப்படையினை புரிந்து கொள்ள உதவியது.

படம்-4

தோழர் மயூரன் எழுதியிருக்கும் வழிமுறைகள் உபுண்டு 9.04 வரையிலும் செல்லுபடியாகும். உபுண்டு 9.10 லிருந்து, உபுண்டு வினுடைய GRUB Boot Loader Upgrade செய்யப்பட்டுள்ளது.

நான் நிறுவியுள்ளது உபுண்டு 10.10. ஆகையால் மயூரன் எழுதியிருந்த வழிமுறைகள் வேலை செய்யவில்லை. அப்புறம் என்ன இருக்கவே இருக்கிறார் கூகுளார், அவரிடமே கேட்டேன் கொடுத்தார் வழிமுறைகளை.

விண்டோஸ் இயங்குதளத்தை நிறுவிய பிறகு ஏற்கனவே நிறுவியிருக்கும் உபுண்டுவினை கொண்டு வருவது மிக மிக எளிமையான ஒன்று. எனவே நாம் உபுண்டு போய்விடுமோ, மறுபடியும் நிறுவ வேண்டி வருமோ என பயப்பட வேண்டிய அவசியமே இல்லை.

இதற்கு தேவையானவை:

விண்டோஸ் இயங்குதளத்தை நிறுவிய பிறகுதான், நாம் உபுண்டுவை திரும்பப் பெறும் வேலையை ஆரம்பிக்க போகிறோம்.

உபுண்டு 9.10 அல்லது அதற்கு பிறகு வெளிவந்த உபுண்டு வில் ஏதாவது ஒரு உபுண்டு வட்டு (Ubuntu CD). இது மிகவும் முக்கியம்.

உபுண்டுவினை நிறுவியிருக்கும் Partition னினுடைய Partition Number. இதை நீங்கள் உபுண்டுவில் System => Administration => Disk Utility சென்று தெரிந்து கொள்ளலாம். அல்லது Gpartition Editor மூலமாகவும் தெரிந்துக் கொள்ளலாம்.

Root Mount Point னுடைய Number னை மட்டும் குறித்துக்கொண்டால் போதுமானது.

Boot Mount Point யினை தனியாக பிரித்து இருந்தால் /boot னுடைய Partition Number ஐயும் குறித்துக்கொள்ளுங்கள் (கண்டிப்பாக).

அவ்வளவுதான் முதற்கட்ட வேலைகள் முடிந்தது.

இப்பொழுது உபுண்டு வட்டினை (9.04 க்கு பிறகு வெளியிடப்பட்ட பதிப்பு) சி.டி டிரைவினுள் நிழைத்து சி.டி யிலிருந்து கணினியினை Boot செய்யுங்கள். நிகழ் வட்டாக பூட் செய்ய வேண்டும். அதாவது Live CD யாக.

சி.டி யிலிருந்து கணினி Live ஆக Boot ஆகிய பிறகு. உபுண்டு வினுடைய Desktop உங்களுக்கு கிடைக்கும், கிடைத்த பிறகு

Applications => Accessories => Terminal சென்று Terminal ஐ திறந்துக்கொள்ளுங்கள். முனையம் திறந்த வுடன் கீழ்கண்ட கட்டளைகளை கொடுங்கள்.

sudo mount /dev/sdaX /mnt

இங்கு /dev/sdaX என்பதில் X என்னுமிடத்தில் நீங்கள் ஏற்கனவே உபுண்டு நிறுவியிருக்கும் root Partition னினுடைய எண்ணினை குறித்து வைத்திருப்பீர்கள் இல்லையா அதை கொடுக்கவும்.

உதாரணமாக என்னுடைய வன்வட்டில் root partition னுடைய எண் /dev/sda9 ஆகையால், நான் /dev/sda9 என கொடுத்திருக்கிறேன். (sudo, mount, /dev/sdaX, /mnt இவற்றுக்கு இடையில் single space கட்டாயாம் இருக்க வேண்டும்.)

நீங்கள் /boot ற்கென தனியாக ஒரு partition உருவாக்கியிருந்தால் கீழே உள்ள கட்டளையினை கொடுங்கள், இல்லையென்றால் வேண்டாம்.

sudo mount /dev/sdaY /mnt/boot

இங்கு /dev/sdaY என்பதில் Y என்னுமிடத்தில் நீங்கள் ஏற்கனவே உபுண்டு நிறுவியிருக்கும் boot Partition னினுடைய எண்ணினை குறித்து வைத்திருப்பீர்கள் இல்லையா அதை கொடுக்கவும்.

உதாரணமாக என்னுடைய வன்வட்டில் boot partition னுடைய எண் /dev/sda10 ஆகையால், நான் /dev/sda10 என கொடுத்திருக்கிறேன். (sudo, mount, /dev/sdaY, /mnt/boot இவற்றுக்கு இடையில் single space கட்டாயாம் இருக்க வேண்டும்.)

மேலே உள்ள கட்டளைகளைக் கொடுத்த பிறகு இறுதியாக இந்த கட்டளையினைக் கொடுக்கவும்.

sudo grub-install --root-directory=/mnt/ /dev/sda

இந்த கட்டளையினைக் கொடுத்து முடித்தவுடன். Installation Finished. No error reported. என ஒரு வெளியீட்டு செய்தி கிடைக்கும். அவ்வளவுதான் முனையத்தை மூடி விட்டு, கணினியினை Restart செய்யவும்.

Restart செய்து கணினியினை ஆரம்பித்தவுடன் உங்களுக்கு ஏற்கனவே நிறுவியிருந்த உபுண்டுவினுடைய GRUB Boot Loader கிடைக்கும்.

நான் மேலே கொடுத்துள்ள படம் -4 னை பெரிதுப்படுத்தி பார்த்துக்கொள்ளுங்கள். உங்களுக்கு எளிமையாக இருக்கும்.

உங்களுக்கு தேவையான இயங்குதளத்தை தேர்வு செய்து பயன்படுத்த ஆரம்பிக்க வேண்டியதுதான். உபுண்டு வேண்டுமென்றால் உபுண்டு , விண்டோஸ் வேண்டுமென்றால் விண்டோஸ்.

குறிப்பு:

இங்கு /dev/sda என குறிப்பிட்டுள்ளது Serial ATA தொழில்நுட்பம் கொண்ட வன்வட்டிற்குண்டானது. இன்றைக்கு பெரும்பாலும் இந்த தொழில்நுட்பம் கொண்ட வன்வட்டுதான் பயன்பாட்டில் உள்ளது. ஒரு வேளை உங்களுடைய வன்வட்டு IDE தொழில்நுட்பம் கொண்டதாக இருந்தால் /dev/hda என வரும்.

லினக்சில் பூட் லோடார்கள் (Boot Loader) -(2)

படம் -1

படம் -2

நான் முந்தைய பதிவில் GRUB பூட் லோடாரை பற்றி எழுதியிருந்தேன் .அதன் தொடர்ச்சியினை இந்த பதிவில் இடுகிறேன்.
GRUB பூட் லோடாரானது மூன்று நிலைகளில் செயல்படுகிறது அவை:

• stage 1
• stage 2
• stage 1.5

stage 1 :
பூட் லோடாரினுடைய code ஐ இயக்க தொடங்கும்.பூட் லோடாரானது அடுத்த நிலைக்கு செல்லும்(நிலையின் முகவரிக்கு தாவிவிடும்)(செக்டர் எண்)).இந்த செக்டர் எண்ணை GRUB ஆனது குறிப்பிட்ட முகவரியில் GRUB ஐ நிறுவும் போதே பதிந்து வைத்திருக்கும்.வழக்கமாக stage 1.5 யினை குறிப்பிட்டு இருக்கும்.
stage 1.5:
இந்த நிலையில் வன்வட்டில் ஒரு cylinder க்கு எத்தனை செக்டர்கள் பிரிக்கப்பட்டு இருக்கிறது போன்ற தகவல்களை தெரிந்து கொள்ளும்.அதிகபட்சமாக ஒரு cylinder க்கு 63 செக்டர்கள் இருக்கும்(பார்க்க படம்-இரண்டு).Master Boot Record(MBR) நிறுவியபிறகு 62 செக்டர்கள் free ஆக இருக்கும்.இந்த free ஆக இருக்கும் இடத்தில் ஒவ்வொரு partition னும் என்ன FileSystem களை கொண்டு உள்ளன என்ற தகவல் இருக்கும்.(பார்க்க படம்-ஒன்று).stage 2 வினை execute செய்யும்.
stage 2:
இந்த நிலையில் GRUB னுடைய configuration கோப்புகள் point செய்யப்படும்.ஒரு சில படிகளை கடந்த பிறகு பயனாளருக்கு இயங்கு தளங்களை தேர்வு செய்யும் திரை காண்பிக்கப்படும்.
இதை பற்றி இன்னும் அதிகமாக தெரிந்து கொள்ள கீழ்க்கண்ட முகவரிகளுக்கு செல்லவும்:
http://www.dedoimedo.com/computers/grub.html#mozTocId616834
http://en.wikipedia.org/wiki/GNU_GRUB
http://www.gnu.org/software/grub/manual/grub.html

லினக்சில் பூட் லோடார்கள் (Boot Loader) - (1)

லினக்சில் பொதுவாக இரண்டு boot loader - கள் பயன்படுத்தப்படுகிறது.அவை

• LILO -> LInux LOder


• GRUB -> GRand Unified Bootloader

இதில் GRUB பூட் லோடரை கொண்டே பெரும்பான்மையான லினக்ஸ் இயங்குதளங்கள் வெளியிடப்படுகின்றன.ஏனென்றால் LILO லோடருக்கும் , GRUB பூட் லோடருக்கும் நிறைய வித்தியாசங்கள் உள்ளன.அவை
LILO லோடரானது 16 வித்தியாசமான booting தேர்வினை மட்டுமே ஆதரிக்கும்.ஆனால் GRUB பூட் லோடரானது அளவில்லாத பூட்டிங் தேர்வினை ஆதரிக்கும்.
LILO பூட் லோடாரால் network -ல் இருந்து பூட் செய்ய முடியாது.GRUB பூட் லோடாரால் network -ல் இருந்து பூட் செய்ய முடியும்.
நீங்கள் விண்டோஸ் மற்றும் லினக்ஸ் இயங்குதளங்களை இரட்டை நிறுவலாக நிருவியிருந்திர்கள் என்றால் கணினியினை தொடங்கியவுடன் விண்டோஸ் இயங்குதள த்திற்குள் செல்லவா அல்லது லினக்ஸ் இயங்கு தளத்திற்குள் செல்லவா என்று உங்களினுடைய தேர்விற்காக ஒரு திரை காண்பிக்கப்படுகிறது அல்லவா அதுதான் GRUB பூட் லோடாரினுடைய திரை.

GRUB பூட் லோடார் எப்படி வேலை செய்கிறது:
GRUB பூட் லோடார் எப்படி வேலை செய்கிறது என்று பார்ப்பதற்கு முன்பு பூட் லோடார் ப்ரோக்ராம்கள் எப்படி வேலை செய்கிறது என்று பார்ப்போம்.நீங்கள் கணினியினை ஆண் செய்து பூட் ஆகியவுடன் BIOS ஆனது கணிணியினுடைய கட்டுப்பாட்டினை முதல் பூட் device ற்கு கொடுத்து விடும்.முதல் பூட் device ஆனது வன்வட்டு,குறுவட்டு,பிளாப்பி போன்று எது வேண்டுமானாலும் இருக்கலாம்.நாம் இங்கு வன்வட்டினையே கவனத்தில் எடுத்துக்கொள்வோம்.வன் வட்டினுடையா முதல் செக்டர் ஆனது Master Boot Record (MBR) என்று அழைக்கப்படும்.இந்த முதல் செக்டர் ஆனது 512 bytes அளவு மட்டுமே இருக்கும்.அதில் 446 bytes ஆனது boot loder -க்கும் 64 bytes ஆனது partition table -க்கும் , 2 bytes ஆனது Signature க்காகவும் ஒதுக்கப்பட்டிருக்கும்.அந்த 512 bytes அளவில் தான் GRUB பூட் லோடாரானது பதியப்படும்.

--------அடுத்த பதிவில் மீதமுள்ளவற்றை பார்ப்போம்--------