GNU/Linux - குனு லினக்ஸ் - கட்டற்ற மென்பொருள் - தமிழன் வெல்வான்

Opera Mini Browser (கைப்பேசி பதிப்பு) -ல் தமிழ் எழுத்துருக்களை தெரியவைப்பது எப்படி?

2012-02-13T10:42:00.008+05:30

Opera Mini Browser கைப்பேசியில் (Cell Phone,Mobile) இணைய உலாவியாக அனைவராலும் விரும்பிப் பயன்படுத்தப் படுகிறது. Nokia Xpress Music 5310 கைப்பேசியில் Opera Mini Browser உள்ளிணைப்பாகவே கொடுக்கப்படுகிறது. Nokia Xpress Music 5310 Model னை பொறுத்தவரையில் தமிழ் எழுத்துருக்கள் மிகவும் அற்புதமாகவும், தெளிவாகவும் தெரிகிறது, தமிழ் எழுத்துருக்களுக்காக Opera Mini Browser -னினுடைய அமைப்பில் எந்தவித மாற்றத்தையும் ஏற்படுத்த வேண்டியதில்லை.

ஆனால் Nokia வினுடைய மற்ற Model கள் , Samsung வை கைப்பேசிகளில் தரவிறக்கம் செய்து நிறுவி பயன்படுத்தும் பொழுது Opera Mini உலாவியில் தமிழ் எழுத்துருக்கள் கட்டம் கட்டமாகத்தான் தெரிகிறது.

[அது என்னவோ தெரியவில்லை ஏதாவது ஒன்றில் தமிழ் மொழி வரவில்லை அல்லது தெரியவில்லை என்றால் எப்படியாவது அதை கொண்டு வந்துவிட வேண்டும் என்ற ஆர்வத்துடன் கலந்த வெறி வந்துவிடுகிறது. முடிந்த அளவு முயற்சி செய்து பார்த்துவிடுவோமே என்ற எண்ணமும் உதித்து விடுகிறது]

இந்த பிரச்சனைக்கான தீர்வு மிகவும் எளிதானது.

தீர்வு:

1.கைப்பேசியில் இருக்கும் Opera Mini உலாவியினை திறந்துக்கொள்ளுங்கள்.

2.உலாவியினுடைய முகவரிப் பட்டையில் (Address Bar) opera:config என தட்டச்சு செய்து OK Button ஐ அழுத்துங்கள். அழுத்தியவுடன் Power-User Settings எனும் தலைப்பின் கீழ் Opera Mini உலாவியினுடைய அமைப்புகள் கிடைக்கும்.

3.கிடைக்கும் அமைப்பில் இறுதியாக Use bitmap fonts for complex scripts என்று ஒரு தேர்வு இருக்கும் அதில் Yes என்று மாற்றம் செய்து, அடியில் இருக்கும் Save Button ஐ அழுத்த வேண்டும்.

4. Opera Mini உலாவியினை மூடிவிட்டு மறுபடியும் திறந்து அதில் தமிழ் யுனிகோடு தளங்களைப் பார்த்தீர்களேயானால் மிகவும் தெளிவாகவும், அருமையாகவும் தெரியும்.

--------------------------------------

உபுண்டு லினக்ஸ் நிறுவிய தேதியினை தெரிந்துகொள்வோம்

2012-02-08T20:16:00.014+05:30

நாம் எல்லோரும் மற்றவர்களிடம் கூறி பெருமைப்பட்டுக் கொள்ளும் விஷயங்களில் ஒன்று, நான் இந்த பொருளை இத்தனை வருடங்களாக பயன்படுத்திக்கொண்டிருக்கிறேன் என்பது. அட இதுநாள் வரையிலும் எந்த பிரச்சனையுமே வந்ததுயில்லீங்க!!!. என கூறக் கேட்டிருப்போம்.(இது நாம் பல்துலக்க பயன்படுத்தும் பிரஷிலிருந்து , செல்போன் வரை)

அதுபோல, நாம் பயன்படுத்தும் உபுண்டு லினக்ஸினையும் நிறுவி எத்தனை நாட்கள் ஆகிவிட்டது என தெரிந்துகொள்ளவும் நமக்கெல்லாம் ஆசையாக இருக்கும். தெரிந்துக்கொண்டு என்ன தம்பி பண்ணுறதுனு கேட்கிறீங்களா, மற்றவர்களிடம் கூறி பெருமைப் பட்டுக்கொள்ளளாமில்லையா !!!.

நாம் பயன்படுத்திக்கொண்டிருக்கும் உபுண்டு லினக்ஸ் நிறுவிய தேதியினை தெரிந்துக்கொள்ள நிறைய வழிகள் இருக்கிறது. அதில் இரண்டு வழிகளினை மட்டும் இங்கு பார்ப்போம்.

வழி ஒன்று:

sudo ls -al /var/log/installer/syslog என்ற கட்டளையின் மூலம் தெரிந்துக்கொள்ளலாம். படம் - 1 னைப் பார்க்கவும்.

படம் -1

வழி இரண்டு:

sudo cat /var/log/installer/syslog | less

கட்டளையின் மூலம் தெரிந்துக்கொள்வது. இந்த கட்டளையினை கொடுத்தவுடன் உங்களுக்கு நிறைய செய்திகள் கிடைக்கும் அதில் முனையத்தினுடைய இடதுபுறமாக தேதி காண்பிக்கப்படும். அதுதான் நாம் உபுண்டு நிறுவிய தேதி. பார்க்க படம் -2 மற்றும் படம் -3

படம் -2

படம் -3

படம் -3 -ல் உள்ளதுப் போன்ற செய்திகள் கிடைக்கும் திரையினை விட்டு வெளியேற Q - Key -னை அழுத்தவும்.

நான் உபுண்டு 10.10 பதிப்பு பயன்படுத்துகிறேன். நிறுவிய தேதி 21/05/2011 . அட என்னோட உபுண்டு நிறுவி முழுமையாக 8-மாதம் ஆகியிருச்சுங்க. அட இதுவரையிலும் எந்த பிரச்சினையும் இல்லீங்க!!!!!!!.

சரி விண்டோஸ் இயங்குதளம்? அட இந்த 8-மாதத்திற்குள் 3-முறை மறு நிறுவல் செய்து விட்டேங்க. விண்டோஸ் இயங்குதளம் 3-மாதத்திற்கு மேல் தாங்குவதெல்லாம் ஒரு பெரிய சாதனைங்க!!

chm2pdf - கட்டளையினைப் பயன்படுத்தி, CHM வடிவ கோப்பினை PDF வடிவ கோப்பாக மாற்றுதல்

2012-01-25T20:46:00.009+05:30

CHM - Microsoft Compiled HTML Help. CHM கோப்பு வடிவமானது விண்டோஸ் இயங்குதளத்தில் பயன்படுத்தப் படும் ஓர் உரிமமுடைய Online Help Format. இது விண்டோஸ்-98 இயங்குதளத்தில் மைக்ரோசாப்ட் நிறுவனத்தால் வெற்றிகரமாக அறிமுகப்படுத்தப்பட்டது. மைக்ரோசாப்ட் நிறுவனத்தின் அண்மைய பதிப்பான விண்டோஸ்-7 இயங்குதளம் வரை பயன்படுத்தப்பட்டு வருகிறது.

விண்டோஸ் இயங்குதளத்தினுடைய மென்பொருள்கள் அல்லது மைக்ரோசாப்ட் நிறுவனத்தினுடைய ஏதாவது ஒரு பயன்பாட்டிற்குண்டான Help -னை பார்த்தீர்களேயானால் உதவிப் பக்கமானது இந்த கோப்புவடிவத்தில் திறக்கும்.

இது ஒருங்கிணைந்த HTML பக்கங்களையும், உள்ளடக்கத்தின் HyperLink களையும், Index கோப்புகளையும் கொண்டிருக்கும். இது ஒரு இருமவடிவ கோப்பு ஆகும்.

விண்டோஸ் இயங்குதளங்களில் (அனைத்து பதிப்புகளிலும்) எந்தவிதமான மென்பொருளினையும் CHM கோப்பிற்காக நிறுவ வேண்டிய அவசியமில்லை. இயல்பிருப்பாகவே நிறுவப்பட்டு இருக்கும்.

நாம் இந்த கோப்பினை லினக்ஸ் இயங்குதளத்தில் இயல்பாக திறக்க முடியாது. இதற்கான Application லினக்ஸ் இயங்குதளத்துடன் சேர்ந்து வராது. இந்த CHM கோப்பினைத் திறப்பதற்கான Application -களை நாம்தான் நிறுவிக்கொள்ள வேண்டும்.

இந்த கோப்பினை திறந்து படிப்பத்தற்கு xCHM Viewer -எனும் Application உள்ளது. இதை நாம் Ubuntu Sotware Center மூலமாக நிறுவிக்கொள்ளலாம்.

நான் உபுண்டு 9.04 லினக்ஸ் பயன்படுத்திய பொழுது இந்த கோப்பினை படிப்பதற்கு Mozilla Firefox -ல் CHM Addon ஐ நிறுவி அதன் மூலம்தான் படித்து வந்தேன்.

chm2pdf - கட்டளையினை நிறுவ:

முனையத்தை திறந்து sudo apt-get install chm2pdf என தட்டச்சு செய்து Enter Key அழுத்துங்கள். ஒரு சில நிமிடங்களில் நிறுவப்பட்டு விடும்.

நிறுவியப் பிறகு CHM கோப்பு இருக்கும் அடைவுக்குள் CD கட்டளையினைப் பயன்படுத்தி செல்லுங்கள் (அல்லது) CHM கோப்புகளை Home Folder க்குள் Copy செய்துக்கொள்ளுங்கள். இதற்குப் பிறகு.

முனையத்தில் chm2pdf --webpage YourFileName.chm PdfFileName.pdf என தட்டச்சு செய்து Enter Key யினை அழுத்துங்கள். ஒரு சில நிமிடங்கள் CHM கோப்பு PDF கோப்பாக மாற்றப்பட்டிருக்கும்.

இங்கு
YourFileName.chm எனும் இடத்தில் chm கோப்பினுடைய FileName னையும் PdfFileName.pdf எனும் இடத்தில் PDF கோப்பிற்கு என்ன பெயர் வேண்டுமோ அதையும் கொடுக்கவும். (கொடுக்கப்பட்டுள்ள படத்தை பெரிதுபடுத்திப் பார்த்துக்கொள்ளுங்கள)

சரிப்பா தம்பி இதனால் என்ன பயன் என்றுக் கேட்கலாம்:

1. CHM கோப்புகளை PrintOut எடுக்க வேண்டுமென்றால் மிகவும் சிரமமாக இருக்கும். அனைத்துப் பக்கங்களையும் Print எடுக்க முடியாது. ஒவ்வொரு பக்கமாகத்தான் Print எடுக்க முடியும்.

2. மற்றவர்களுடன் எளிதில் பரிமாரிக்கொள்ளலாம். ஒருவேளை நம்மிடம் இருந்து CHM கோப்பினைப் பெற்றுச் சென்றவர் அவரது லினக்ஸில் இயங்குதளத்தில் xCHM Viewer Application நிறுவாமல் இருந்தால். PDF கோப்பு பயன்மிக்கதாக இருக்கும்.

chm2pdf கட்டளையினைப் பற்றி மேலும் தெரிந்துக்கொள்ள முனையத்தில் man chm2pdf எனக்கொடுக்கவும்.

உபுண்டு நிகழ் வட்டுக்கான (Live CD) கடவுச்சொல் என்ன?

2012-01-11T10:46:00.005+05:30

வன்வட்டினை பார்ட்டிசியன் செய்வதற்கு, GRUB Boot Loader -னை மீள நிறுவுவதற்கு, தகவல்களை மீட்டெடுப்பதற்கு என உபுண்டுவினை நாம் ஒரு சில நேரங்களில் நிகழ் இயங்குதளமாக (Live Operating System) பயன்படுத்துவோம்.

அவ்வாறு பயன்படுத்தும் பொழுது, ஒரு குறிப்பிட நேரம் கணினியில் எந்த விதமான உள்ளீடுகளும் செய்யாவிட்டால் உபுண்டுவினுடைய திரை மூடிக்கொள்ளும்.

நாம் மறுபடியும் சுட்டியினை நகர்த்தினால் கடவுச்சொல் கேட்கும் அவ்வாறு கேட்கும் பொழுது கடவுச்சொல் என்னவென்று தெரியாமால் எதையாவது தட்டச்சு செய்து உள் நுழைய முயற்சிப்போம். ஆனால் நம்மால் உள் நுழையமுடியாது.

அப்படியென்றால், மறுபடியும் கணினியினை மறுதொடக்கம் செய்துதான் தொடங்க வேண்டுமா? அல்லது

நிகழ் வட்டிற்கென ஏதாவது இருப்பியல்பான கடவுச்சொல் இருக்கிறதா? எனக் கேட்கலாம்.

ஆம் கடவுச்சொல் இருக்கிறது.

கடவுச்சொல் கேட்கும் பொழுது வெறும் Enter Key -னை அழுத்தினால் போதும்.

முனையத்தில் ஒரு சில கட்டளைகளுக்கு கடவுச்சொல் தேவைப்படும் அப்பொழுதும் Enter Key - னை மட்டும் அழுத்தினால் போதும்.
Live Cd User Name=ubuntu
Live Cd Password = blank (வெற்று)

Place Menu வில் உள்ளவைகள் vlc Media Player -ல் Open ஆவதை சரி செய்வது எப்படி?

2011-11-09T22:11:00.013+05:30

ஒரு சில நேரங்களில் உபுண்டுவில் Places Menu வில் உள்ளவைகள் vlc Media Player -ல் Open ஆகிறது. இந்த பிரச்சினையினை மிகவும் எளிதாகச் சரி செய்து விடலாம்.

Desktop -ல் Right Click செய்து Create New Folder கொடுத்து ஒரு Folder னை உருவாக்கிக் கொள்ளுங்கள். Untitled folder என உருவாகும்.

அதன் மீது Right Click செய்து Open With Other Application என்பதைக் சொடுக்குங்கள்.

அதனைத் தொடர்ந்து கிடைக்கும் Window -ல் Open Folder எனபதைத் தேர்வு செய்து Open Button ஐ அழுத்துங்கள்.

அவ்வளவுதான் இனிமேல் Places Menu வில் உள்ளவைகள் Nautilus -ல் எப்பொழுதும் போல் திறக்கும்.

விண்டோஸ் இயங்குதளத்தை நிறுவிய பிறகு ஏற்கனவே நிறுவியிருந்த உபுண்டு லினக்ஸை திரும்பக்கொண்டு வருவது எப்படி?

2011-11-03T05:51:00.003+05:30

படம்-1

படம்-2

படம் - 3

என்னுடைய மடிக்கணினியில் விண்டோஸ் எக்ஸ்.பி இயங்குதளத்தையும், உபுண்டு லினக்ஸ் 10.10 இயங்குதளத்தையும் இரட்டை நிறுவலாக நிறுவி வைத்திருந்தேன். விண்டோஸ் இயங்குதளத்தை நிறுவி இரண்டு வருடமாகிவிட்டது, விண்டோஸ் இயங்குதளத்தை அவ்வளவாக பயன்படுத்துவதில்லை, அவ்வப்போது ஏதாவது தவிர்க்க முடியாத காரணத்திற்காக பயன்படுத்துவேன். ஒரு பொறியியல் படிக்கும் மாணவன் என்ற முறையில் உபுண்டு லினக்ஸ் இயங்குதளம் எனக்கு போதுமானதாக இருக்கிறது.

விண்டோஸ் இயங்குதளத்தை மூன்று மாதத்திற்கு ஒரு முறை மாற்றுங்கள் என மைக்ரோசாப்ட் நிறுவனமே பயனாளர்களுக்கு பரிந்துரைக்கிறது. அப்படி இருக்கையில் நான் விண்டோஸ் இயங்குதளத்தை இரண்டு வருடம் வரை மாற்றாமல் வைத்திருந்ததெல்லாம் , விண்டோஸ் இயங்குதளத்திற்கு தர்ம சங்கடத்தை உண்டு பண்ணியிருக்க வேண்டும்.

என்னதான் ஆன்டிவைரஸ் மென்பொருள்கள்களை நாம் நிறுவி வைத்திருந்தாலும், வைரஸ் தொல்லை என்பது விண்டோஸிற்கு உடன்பிறப்பாகவே ஆகிவிட்டது. உருவத்துடன் வரும் நிழல் போல.

அத்துடன் நீலத்திரை மரணம் என்பது விண்டோஸில் இயல்பானது. என்னுடைய மடிக்கணினியில் இருந்த விண்டோஸிற்கு இந்த மரணம் வந்துவிட்டது. ஆகையால் விண்டோஸ் இயங்குதளத்தை பயன்படுத்த முடியவில்லை.

எனவே விண்டோஸ் இயங்குதளத்தை மீண்டும் நிறுவலாம் என முடிவு செய்தேன். ஆனால் இதில் ஒரு பிரச்சனை இருக்கிறது. விண்டோஸ் இயங்குதளதை நிறுவினால் ஏற்கனவே நிறுவியுள்ள உபுண்டு லினக்ஸ் இயங்குதளம் காணாமல் போய்விடும்.

விண்டோஸ் இயங்குதளத்துடன் லினக்ஸை நிறுவும் பொழுது, கணினியில் உள்ள விண்டோஸ் இயங்குதளைத்தை லினக்ஸ் கண்டறிந்து, தன்னுடன் சேர்த்துக்கொண்டு பயனாளருக்கு இரண்டு இயங்குதளத்தையும் காட்டும். அதில் பயனாளருக்கு தேவையான இயங்குதளத்தை தேர்வு செய்து பயன்படுத்திக் கொள்ளலாம்.

ஆனால் இந்த விண்டோஸ் இயங்குதளம் மட்டும் கணினியில் உள்ள எந்த இயங்குதளத்தையும் கண்டுகொள்ளாது அது மட்டும் வன்வட்டில் இருந்து கொள்ளும். (என்ன கொடுமை சார் இது. இப்படியும் ஒரு இயங்குதளமா!!!)

மறுபடியும் உபுண்டு லினக்ஸை நிறுவி , இணையத்தை இணைத்து நம்முடைய பயன்பாட்டிற்குண்டான மென்பொருள்களை நிறுவி பயன்பாட்டிற்கு கொண்டு வருவதற்குள் நம்முடைய நிறைய நேரம் விரையாமாகியிருக்கும்.

விண்டோஸ் இயங்குதளத்தை நிறுவிய பிறகு, உபுண்டு லினக்ஸை மீண்டும் புதிதாக நிறுவாமல் ஏற்கனவே நிறுவி வைத்திருப்பதையே கொண்டு வந்துவிட்டால் நன்றாக இருக்குமே என யோசித்தேன்.

இது தொடர்பாக ஏற்கனவே தோழர் மு.மயூரன் அவர்கள் "வின்டோசின் format சடங்கும் GRUB இனை மீள நிறுவுதலும்" என்னும் தலைப்பில் ஒரு பதிவு எழுதியிருந்தார். இந்த பதிவு ஓரளவு அடிப்படையினை புரிந்து கொள்ள உதவியது.

படம்-4

தோழர் மயூரன் எழுதியிருக்கும் வழிமுறைகள் உபுண்டு 9.04 வரையிலும் செல்லுபடியாகும். உபுண்டு 9.10 லிருந்து, உபுண்டு வினுடைய GRUB Boot Loader Upgrade செய்யப்பட்டுள்ளது.

நான் நிறுவியுள்ளது உபுண்டு 10.10. ஆகையால் மயூரன் எழுதியிருந்த வழிமுறைகள் வேலை செய்யவில்லை. அப்புறம் என்ன இருக்கவே இருக்கிறார் கூகுளார், அவரிடமே கேட்டேன் கொடுத்தார் வழிமுறைகளை.

விண்டோஸ் இயங்குதளத்தை நிறுவிய பிறகு ஏற்கனவே நிறுவியிருக்கும் உபுண்டுவினை கொண்டு வருவது மிக மிக எளிமையான ஒன்று. எனவே நாம் உபுண்டு போய்விடுமோ, மறுபடியும் நிறுவ வேண்டி வருமோ என பயப்பட வேண்டிய அவசியமே இல்லை.

இதற்கு தேவையானவை:

விண்டோஸ் இயங்குதளத்தை நிறுவிய பிறகுதான், நாம் உபுண்டுவை திரும்பப் பெறும் வேலையை ஆரம்பிக்க போகிறோம்.

உபுண்டு 9.10 அல்லது அதற்கு பிறகு வெளிவந்த உபுண்டு வில் ஏதாவது ஒரு உபுண்டு வட்டு (Ubuntu CD). இது மிகவும் முக்கியம்.

உபுண்டுவினை நிறுவியிருக்கும் Partition னினுடைய Partition Number. இதை நீங்கள் உபுண்டுவில் System => Administration => Disk Utility சென்று தெரிந்து கொள்ளலாம். அல்லது Gpartition Editor மூலமாகவும் தெரிந்துக் கொள்ளலாம்.

Root Mount Point னுடைய Number னை மட்டும் குறித்துக்கொண்டால் போதுமானது.

Boot Mount Point யினை தனியாக பிரித்து இருந்தால் /boot னுடைய Partition Number ஐயும் குறித்துக்கொள்ளுங்கள் (கண்டிப்பாக).

அவ்வளவுதான் முதற்கட்ட வேலைகள் முடிந்தது.

இப்பொழுது உபுண்டு வட்டினை (9.04 க்கு பிறகு வெளியிடப்பட்ட பதிப்பு) சி.டி டிரைவினுள் நிழைத்து சி.டி யிலிருந்து கணினியினை Boot செய்யுங்கள். நிகழ் வட்டாக பூட் செய்ய வேண்டும். அதாவது Live CD யாக.

சி.டி யிலிருந்து கணினி Live ஆக Boot ஆகிய பிறகு. உபுண்டு வினுடைய Desktop உங்களுக்கு கிடைக்கும், கிடைத்த பிறகு

Applications => Accessories => Terminal சென்று Terminal ஐ திறந்துக்கொள்ளுங்கள். முனையம் திறந்த வுடன் கீழ்கண்ட கட்டளைகளை கொடுங்கள்.

sudo mount /dev/sdaX /mnt

இங்கு /dev/sdaX என்பதில் X என்னுமிடத்தில் நீங்கள் ஏற்கனவே உபுண்டு நிறுவியிருக்கும் root Partition னினுடைய எண்ணினை குறித்து வைத்திருப்பீர்கள் இல்லையா அதை கொடுக்கவும்.

உதாரணமாக என்னுடைய வன்வட்டில் root partition னுடைய எண் /dev/sda9 ஆகையால், நான் /dev/sda9 என கொடுத்திருக்கிறேன். (sudo, mount, /dev/sdaX, /mnt இவற்றுக்கு இடையில் single space கட்டாயாம் இருக்க வேண்டும்.)

நீங்கள் /boot ற்கென தனியாக ஒரு partition உருவாக்கியிருந்தால் கீழே உள்ள கட்டளையினை கொடுங்கள், இல்லையென்றால் வேண்டாம்.

sudo mount /dev/sdaY /mnt/boot

இங்கு /dev/sdaY என்பதில் Y என்னுமிடத்தில் நீங்கள் ஏற்கனவே உபுண்டு நிறுவியிருக்கும் boot Partition னினுடைய எண்ணினை குறித்து வைத்திருப்பீர்கள் இல்லையா அதை கொடுக்கவும்.

உதாரணமாக என்னுடைய வன்வட்டில் boot partition னுடைய எண் /dev/sda10 ஆகையால், நான் /dev/sda10 என கொடுத்திருக்கிறேன். (sudo, mount, /dev/sdaY, /mnt/boot இவற்றுக்கு இடையில் single space கட்டாயாம் இருக்க வேண்டும்.)

மேலே உள்ள கட்டளைகளைக் கொடுத்த பிறகு இறுதியாக இந்த கட்டளையினைக் கொடுக்கவும்.

sudo grub-install --root-directory=/mnt/ /dev/sda

இந்த கட்டளையினைக் கொடுத்து முடித்தவுடன். Installation Finished. No error reported. என ஒரு வெளியீட்டு செய்தி கிடைக்கும். அவ்வளவுதான் முனையத்தை மூடி விட்டு, கணினியினை Restart செய்யவும்.

Restart செய்து கணினியினை ஆரம்பித்தவுடன் உங்களுக்கு ஏற்கனவே நிறுவியிருந்த உபுண்டுவினுடைய GRUB Boot Loader கிடைக்கும்.

நான் மேலே கொடுத்துள்ள படம் -4 னை பெரிதுப்படுத்தி பார்த்துக்கொள்ளுங்கள். உங்களுக்கு எளிமையாக இருக்கும்.

உங்களுக்கு தேவையான இயங்குதளத்தை தேர்வு செய்து பயன்படுத்த ஆரம்பிக்க வேண்டியதுதான். உபுண்டு வேண்டுமென்றால் உபுண்டு , விண்டோஸ் வேண்டுமென்றால் விண்டோஸ்.

குறிப்பு:

இங்கு /dev/sda என குறிப்பிட்டுள்ளது Serial ATA தொழில்நுட்பம் கொண்ட வன்வட்டிற்குண்டானது. இன்றைக்கு பெரும்பாலும் இந்த தொழில்நுட்பம் கொண்ட வன்வட்டுதான் பயன்பாட்டில் உள்ளது. ஒரு வேளை உங்களுடைய வன்வட்டு IDE தொழில்நுட்பம் கொண்டதாக இருந்தால் /dev/hda என வரும்.

2009 ஆம் ஆண்டில் வெளிவந்த LINUX For You Magazine - PDF வடிவில்

2011-10-15T14:47:00.009+05:30

2009 ஆண்டு வெளிவந்த LINUX For You Magazine இதழ்கள் PDF வடிவில் LINUX For You Magazine உடன் வரும் வட்டில் இருந்தது. ஒரு வருடமாகியும் வலைப்பூவில் ஏற்றும் வாய்ப்பு எனக்கு வாய்க்கவில்லை. இந்த இதழ்கள் கண்டிப்பாக பயனுள்ளதாக இருக்கும். தரவிறக்கம் செய்து பயன்படுத்தவும். அனைத்து இதழ்களும் (12 இதழ்களும் சேர்த்து) 400 MB க்கும் குறையாமல் இருக்கும்.

DEC 2009

லினக்ஸ் மரம் - Linux Tree

2011-09-27T12:54:00.002+05:30

படத்தின் மீது சொடுக்கி பெரிது படுத்திப் பாருங்கள். ஒவ்வொரு லினக்ஸ் வழங்கல்களும் எந்த குடும்பத்தில் இருந்து வந்தது எனத் தெரியும். ஒரு பதிவு கூற வேண்டிய செய்தியினை இந்த படம் உங்களுக்குச் சொல்லும்.

உபுண்டுவின் கூகுள் குரோம் இணைய உலாவியில் இருந்த தமிழ் யுனிகோடு பிரச்சனைக்குத் தீர்வு

2011-09-19T09:02:00.002+05:30

உபுண்டு லினக்ஸிலும் சரி, விண்டோஸ் இயங்குதளத்திலும் சரி நாம் இணையத்தில் உலாவுவதற்கு பெரும்பாலும் பயன்படுத்தும் உலாவி நெருப்பு நரியும், கூகுள் குரோமும் தான். நான் அதிகம் குரோம் பயன்படுத்துவதில்லை. இருந்தாலும் உபுண்டு இயங்குதளத்தில் கூகுள் குரோம் உலாவியினையும் நிறுவி வைத்திருந்தேன்.

ஏன் குரோம் பயன்படுத்துவதில்லை என்றுக் கேட்டால் தமிழ் எழுத்துருக்கள் பிரச்சனை. தமிழ் எழுத்துருக்கள் பிய்ந்தோ அல்லது கட்டம் கட்டமாகவோ தெரிந்தது. நிறைய தமிழ் வலைப்பூக்களில் Email Subscribe செய்து வைத்திருக்கிறேன். நிறைய நண்பர்கள் தமிழில்தான் மின்னஞ்சல் அனுப்புகிறார்கள். ஆகையால் கூகுள் குரோமினைப் பயன்படுத்துவதில்லை

ஒரு நாள் சரி முயற்சி செய்துதான் பார்ப்போம் என்று முடிவு செய்து கூகுளாரிடம் கேட்டேன் ஏதேதோ காட்டியது, எந்தெந்த இணையதளத்திற்கெள்ளாமோ அழைத்துச் சென்றது தீர்வுக் கிடைக்கவில்லை.

ஒரு வழியாக கூகுள் மூலமே கண்டுபிடித்தேன். ஆங்கிலத்தில் வலைப்பூ எழுதும் நண்பர் ஒருவர் இந்த இணைப்பினைக் கொடுத்து உபுண்டுவில் நிறுவியிருக்கும் கூகுள் குரோமினுடைய யுனிகோடு தமிழ் எழுத்துரு பிரச்சனைக்கு தீர்வு கூறியிருந்தார். அதன் மூலம் இந்த பிரச்சனைக்கு தீர்வு கண்டேன்.

(http://code.google.com/p/chromium/issues/detail?id=21320&q=tamil%20unicode&colspec=ID%20Stars%2

0Pri%20Area%20Feature%20Type%20Status%20Summary%20Modified%20Owner%20Mstone%20OS)

படம்-1

மிகவும் எளிமையான தீர்வு /usr/share/fonts/truetype/freefont எனும் அடைவிற்குள் உள்ள அனைத்து எழுத்துரு கோப்புகளையும் நீக்கி விட்டால். தமிழ் எழுத்துருக்கள மிக அழகாக உபுண்டுவின் கூகுள் குரோம் உலாவியில் காட்சியளிக்கும். குரோமினை நீங்கள் திறந்து வைத்திருந்தால் ஒரு முறை மூடிவிட்டு திறக்கவும்.

படம் -2

குறிப்பு:
/usr/share/fonts/truetype/freefont எனும் அடைவிற்குள் உள்ள எழுதுருக்களை நீக்க முடியவில்லை என்றால் முனையத்தை திறந்து sudo chmod 777 /usr/share/fonts/truetype/freefont/* எனக் கொடுத்து என்டர் கீயினை அழுத்துங்கள். பிறகு சென்று நீக்குங்கள். எழுத்துருக்கள் நீங்கும்.

எவ்வளவு அருமையாகவும், தெளிவாகவும் கூகுள் குரோம் இணைய உலாவியில் தமிழ் எழுத்துருக்கள் தெரிகிறது பாருங்கள்.

லினக்ஸ் கோப்புகளை, Partition -களை விண்டோஸ் இயங்குதளத்திலும் பார்க்கலாம், பயன்படுத்தலாம்

2011-09-18T09:55:00.018+05:30

நாம் விண்டோஸ் இயங்குதளத்தில் உள்ள கோப்புகள் அனைத்தையும் உபுண்டு லினக்ஸ் இயங்குதளத்தில் இருந்து கொண்டு எடுத்து பயன்படுத்த முடியும். இது லினக்ஸ் இயங்குதளங்களினுடைய சிறப்பு. ஆனால் நம்ம அண்ணன் பில்கேட்ஸ் வெளியிட்டிற்கும், வெளியிட்டுக் கொண்டிருக்கும் விண்டோஸ் இயங்குதளத்தில் இருந்து கொண்டு லினக்ஸில் இருக்கும் கோப்புகளை நாம் எடுத்து பயன்படுத்த முடியாது. இதை விண்டோஸ் இயங்குதளங்களினுடைய ஒரு மாபெரும் குறை என்றே கூட கூறலாம். சுருக்கமாக சொல்லப்போனால் விண்டோஸினுடைய Partition களை லினக்ஸ் இயங்குதளத்தால் அணுக முடியும் ஆனால் லினக்ஸினுடைய Partition களை விண்டோஸ் இயங்குதளத்தால் அணுக முடியாது.

எவ்வளவோ கண்டுபிடிப்புகளையும், புதிது புதிதாக இயங்குதளங்களையும், மென்பொருள்களையும் வெளியிட்டுக்கொண்டிருக்கும் ஒரு மாபெரும் மென்பொருள் நிறுவனத்தால் இது போன்ற (விண்டோஸ் இயங்குதளத்தில் இருந்துக் கொண்டு லினக்ஸ் இயங்குதளங்களினுடைய Partition களை அணுகுதல்) ஒரு சிறப்புமிக்க செயல்களை கூட செய்ய முடியாதா என்ன.

இதற்குப் பின்னால் ஏதாவது அரசியல் இருக்கலாம். அல்லது அவர்கள் கடைபிடித்துக் கொண்டிருக்கும் Monopoly வியாபாரத் தந்திரத்திற்கு ஊறு விளைவிக்க கூடியதாக இருக்கலாம்.

எனக்கும் ரொம்ப நாளாக ஒரு சந்தேகம் விண்டோஸில் இயங்குதளத்தில் FAT16, FAT32, NTFS இந்த File Format களைத் தவிர வேறு எதுவுமே பயன்படுத்த முடியாதா?. இதில் NTFS கோப்பு முறை அண்மைய வருடங்களில் தான் கொண்டு வரப் பட்டது. ஒரு கோப்புமுறையினைக் கூட புதிதாக விண்டோஸ் இயங்குதளத்தில் கொண்டு வர முடியாதா? அல்லது கொண்டு வந்தால் விண்டோஸ் இயங்குதளத்தால் அதை ஏற்றுக் கொள்ள முடியாத அளவிற்கு வடிவமைக்கப்பட்டுள்ளதா?. ஆனால் லினக்ஸ் இயங்குதளங்களை எடுத்துக்கொண்டால் 100 மேற்ப்பட்ட கோப்பு முறைகளை கையாளும் வகையில் வடிவமைத்திருக்கின்றனர்.

லினக்ஸில் தற்பொழுது பயன்படுத்திக் கொண்டிருக்கும் கோப்பு முறை ext4 கோப்பு முறை. இந்த ext4 கோப்பு முறை பல சிறப்புகளைக் கொண்டது. இதைப் பற்றிக் கூற வேண்டுமானால் தனியாக ஒரு பதிவில்தான் கூற வேண்டும் இப்பொழுது வேண்டாம். லினக்ஸினுடைய இருப்பியல்பான கோப்பு முறைகள் ext2, ext3, ext4. அதாவது ext வகையாறாக்கள். இந்த கோப்பு முறைகளைத் தவிர வேறு கோப்பு முறைகளக் கொண்டும் லினக்ஸ் இயங்குதளங்களை நிறுவிப் பயன்படுத்தலாம். ஆனால் விண்டோஸ் இயங்குதளத்தில் நாம் மேலே கண்ட மூன்று கோப்பு முறைகளைத் தவிர வேறு கோப்பு முறைகளில் நிறுவி விண்டோஸ் இயங்குதளத்தைப் பயன்படுத்த முடியுமா?.

இதுவரை பதிவினுடைய தலைப்பிற்கு சம்பந்தமில்லாத தகவல்களைப் பார்த்தோம். இப்பொழுது பதிவினுடைய தலைப்பிற்குள் செல்வொம்.

உபுண்டு லினக்ஸ் மட்டுமல்லாது மற்ற லினக்ஸ் இயங்குதளங்களைப் பயன்படுத்திக் கொண்டிருக்கும் அனைவருக்கும் தெரிந்த ஒரு விஷயம் என்ன வென்றால் லினக்ஸ் இயங்குதளத்தில் இருந்துக் கொண்டு விண்டோஸ் இயங்குதளத்தினுடைய கோப்புகளை எடுக்க முடியும் என்பது. அதாவது விண்டோஸ் இயங்குதளத்தினுடைய கோலன்களை ( C: D: E: F: .........) அணுக முடியும். ஆனால் விண்டோஸ் இயங்குதளத்தில் இருந்து கொண்டு லினக்ஸில் இருக்கும் ஒரு கோப்பினை எடுக்க முடியாது.

உதாரணமாக உபுண்டு லினக்ஸில் இணையத்தினைப் பயன்படுத்தி ஒரு கோப்பினை தரவிறக்கம் செய்கிறோம் அதை விண்டோஸிற்கு கொண்டு வந்து பயன்படுத்த வேண்டுமானால் தரவிறக்கம் செய்த அந்த கோப்பினை விண்டோஸினுடைய கோலனுக்குள் Copy & Paste செய்து பயன்படுத்த வேண்டும்.

இந்த பிரச்ச னையைத் தீர்க்கத்தான் ext2fsd எனும் ஓப்பன் சோர்ஸ் மென்பொருள் பயன்படுகிறது. இந்த மென்பொருளின் அளவு 2.5 MB தான். இதை தரவிறக்கம் செய்ய இங்கு செல்லவும்.

இந்த ஓப்பன் சோர்ஸ் மென்பொருளின் இணையதள முகவரி : http://www.ext2fsd.com/ .

எப்படி பயன்படுத்துவது:

தரவிறக்கம் செய்த கோப்பு .zip முறையில் சுருக்கப்பட்டு இருக்கும் , முதலில் Extract செய்ய வேண்டும். முதல் படி முடிந்து விட்டது.

பிறகு விண்டோஸினுடைய Command Prompt னை திறக்க வேண்டும்.

விண்டோஸினுடைய Command Prompt னை திறக்க எளிய வழி Windows Key + R கொடுத்து கிடைக்கும் விண்டோவில் cmd என தட்டச்சு செய்து Enter key னை அழுத்தவும்.

Command Prompt -ல் CD கட்டளையினப் பயன்படுத்தி ext2fsd மென்பொருளை எங்கு Extract செய்து வைத்திருக்கிறீர்களோ அங்கு செல்லவும்.

உதாரணமாக:

நான் E:\SOFTWARES\ext2fsd என Extract செய்து வைத்திருந்தேன். இதற்காக நான் Command Prompt -ல் கொடுத்த கட்டளை.

E: (என்டர் கீயினை அழுத்தினேன்)

CD SOFTWARES (என்டர் கீயினை அழுத்தினேன்)

CD ext2fsd (என்டர் கீயினை அழுத்தவும்)

நீங்கள் எங்கு Extract செய்து வைத்திருக்கிறீர்களோ அதற்குத் தகுந்தாற் போல் கொடுத்துக் கொள்ளுங்கள்.

படம்-1

இந்த கட்டளையெல்லாம் கொடுத்து முடித்த பிறகு நீங்கள் ext2fsd அடைவிற்குள் இருப்பீர்கள். இப்பொழுது cd Setup எனக் கொடுத்து என்டர் கீயினை அழுத்துங்கள். இப்பொழுது Setup என்னும் அடைவிற்குள் இருப்பீர்கள்.

dir எனக் கட்டளைக் கொடுத்தால் உள்ளே உள்ள கோப்புகள் அனைத்தையும் காட்டும்.

படம்-2

setupu.bat என தட்டச்சுச் செய்து என்டர் கீயினை அழுத்துங்கள். அழுத்தியவுடன் நிறுவுதலுக்குண்டான அமைப்புக் கட்டளைகள் காட்டப்படும். நீங்கள் நிறுவியிருக்கும் விண்டோஸ் இயங்குதளத்தினைப் பொறுத்து நிறுவுதல் கட்டளைக் கொடுக்கவும்.

உதாரணமாக: நீங்கள்

Windows XP நிறுவியிருந்தால்

setup wxp i386 எனக் கொடுக்கவும்.

Windows 7 நிறுவியிருந்தால்

setup wlh i386 எனக் கொடுக்கவும்.

கட்டளைகளைக் கொடுத்து என்டர் கீயினை அழுத்தினால் உங்களுக்கு driver successfully installed என ஒரு செய்திக் கிடைக்கும்.

படம்-3

அவ்வளவுதான் Command Prompt -ல் வேலைகள் முடிந்து விட்டது. Command Prompt -னை Minimize செய்து வைத்து விட்டு. நீங்கள் Extract செய்தவைத்திருக்கும் ext2fsd Folder க்குள் சென்று Ext2Mgr என்று ஒரு கோப்பு இருக்கும். அதை Double Click செய்யுங்கள்.

படம்-4

Click செய்தவுடன் படம்-4 உள்ளதைப் போன்று Ext2fsd Manager கிடைக்கும் அதில் வன்வட்டினுடைய அனைத்து Partition -களும் காண்பிக்கப்படும் லினக்ஸ் Partition கள் உட்பட.

படம்-5

அதில் உங்களுக்கு லினக்ஸினுடைய எந்த Partition ஐ விண்டோஸ் இயங்குதளத்தில் பயன்படுத்த விரும்புகிறீர்களோ அதன் சுட்டியினை வைத்து Right Click செய்யுங்கள். உங்களுக்கு கிடைக்கும் தேர்வில் Change Drive Letter என்பதை சொடுக்குங்கள். நீங்கள் சொடுக்கியவுடன் படம் -6 ல் உள்ளது போன்ற திரை கிடைக்கும்.

படம்-6

அதில் Add எனும் பொத்தானை அழுத்துங்கள். அழுத்தியவுடன் படம் -7 ல் உள்ளது போன்ற திரை காண்பிக்கப்படும்.

படம்-7

இதில் Drive Letter னை அதுவே Default ஆக அமைத்துக்கொள்ளும். இதை நீங்கள் விரும்பினால் மாற்றிக்கொள்ளலாம் ஆனால் ஒரு நிபந்தனை ஏற்கனவே அமைக்கப்பட்டிருக்கும் Drive Letter களை நீங்கள் கொடுக்கக் கூடாது. ஆகையால நீங்கள் இதில் ஒன்றும் மாற்றம் செய்ய வேண்டாம்.

இந்த திரையில் உள்ள OK எனும் பொத்தனை அழுத்துங்கள். அழுத்தியவுடன் படம்-8 ல் உள்ளது போன்ற திரைக் காண்பிக்கப்படும்.

படம்-8

இந்த திரையில் அமைக்கப்பட்ட Drive Letter Mount Points எனும் வரிசைப் பெட்டியினுள் காண்பிக்கப்படும். அவ்வளவுதான் Done எனும் பொத்தானை அழுத்துங்கள்.

படம்-9

அழுத்திய பிறகு Menu bar க்குச் சென்று Tool என்பதினை சொடுக்கி Refresh and Reload என்பதைத் தேர்வு செய்து சொடுக்குங்கள்.

படம்-10

படம்-11

லினக்ஸினுடைய Partition -ல் உள்ள கோப்புகளை பார்வையிட My Computer செல்லுங்கள். அதில் நாம் அமைத்த Drive Letter உடன் கோலன் உருவாகியிருக்கும். அதை திறந்து லினக்ஸினுடைய கோப்புகளைப் பயன்படுத்திக்கொள்ளலாம்.

படம்-12

என்னுடைய மடிக்கணினியில் உள்ள உபுண்டு 10.10 லினக்ஸினுடைய root அடைவின் கோப்புகள்

என்னுடைய மடிக்கணினியில் உள்ள உபுண்டு 10.10 லினக்ஸினுடைய home அடைவின் கோப்புகள்

லினக்ஸ் இப்பொழுது.........

2011-09-15T10:39:00.002+05:30

படத்தின் மீது சொடுக்கி பெரிதுப்படுத்தி பாருங்கள். அன்றிலிருந்து இன்றைய தேதி வரையில் லினக்ஸ் எப்படி வளச்சியடைந்து இருக்கிறது என்று தெரிந்துக்கொள்ளலாம்.

ஏன் வன்வட்டில் (Hard Disk) நான்கு Primary Partition களுக்கு மேல் பிரிக்க முடிவதில்லை

2011-08-30T18:07:00.005+05:30

நம்மால் வன்வட்டில் நான்கு Primary Partition களுக்கு மேல் பிரிக்க முடியாது. இதற்கு MBR (Master Boot Record) னுடைய அமைப்புத்தான் காரணம். Master Boot Record ஆனது Partition Table னை சேமித்து வைக்க 64-Bytes னை மட்டும்தான் எடுத்துக்கொள்கிறது.

ஒரு Partition னினுடைய தகவலை சேமிக்க 16 - Bytes னை எடுத்துக்கொள்கிறது. ஒரு Partition க்கு 16 - Bytes வீதம் 4 Partition களுக்கு 64 Bytes. அதாவது 64 Bytes -ல் நான்கு Partition களினுடைய தகவலைதான் சேமிக்க முடியும். 4 Primary Partition கள் பிரித்தது போக மீதம் உள்ள Bytes கள் Unusable ஆக மாற்றப்படும்.

சரி அப்படியென்றால் ஒரு வன்வட்டில் நான்கு Partition கள் தானே வைத்துக்கொள்ள முடியும். ஆனால் நாம்தான் நிறைய Partition பிரித்து வைத்திருக்கிறோமே என்று கேட்கலாம். வன்வட்டில் 4 primary partition களுக்கு மேல் பிரிக்க முடியாது என்பதில் எந்த விதமான மாற்றுக்கருத்தும் இல்லை. (கவனிக்க வேண்டிய விஷயம் நமக்கு 4 Primary Partition களுக்கு மேல் தேவைப்பட்டால் Extended Partition ல் உள்ள Logical Partition ஐ Primary Partition ஆக பயன்படுத்திக்கொள்ளலாம்).

வன்வட்டில் Primary Partition போக அடுத்ததாக பிரிக்கப்படும் Extended Partition அதாவது Logical Partition னின் தகவல்கள் Master Boot Record ல் சேமிக்கப்படாது. Extended Boot Record ல் சேமிக்கப்படும். Master Boot Record -ல் உள்ளது போல மீதம் உள்ள இடம் Unusable ஆக மாற்றப்படும்.

இந்திய நீதிமன்றங்களில் உபுண்டு லினக்ஸ்

2011-07-31T21:39:00.008+05:30

இந்தியாவினுடைய அனைத்து நீதிமன்றங்களும் கடந்த நான்கு வருடங்களாக RHEL (Redhat Enterprise Linux) 5.0 யினை பயன்படுத்திக்கொண்டிருந்தன. ஆனால் தற்பொழுது இந்தியாவினுடைய உச்சநீதிமன்றம், இந்தியாவினுடைய அனைத்து நீதிமன்றங்களும் உபுண்டு 10.4 -னைப் பயன்படுத்த வேண்டும் என உத்தரவிட்டிருக்கிறது. தோராயமாக 17,000 நீதிமன்றங்கள் இருக்கலாம். மேலும் உச்ச நீதிமன்றம் , அனைத்து நீதிமன்றங்களுக்கும் மாற்றியமைக்கப்பட்ட (மறு உருவாக்கம் செய்யப்பட்ட) உபுண்டு DVD யினை கொடுத்துள்ளது.

ஒவ்வொரு நீதிமன்றமும் குறைந்தது ஐந்து கணினிகளைப் பயன்படுத்தி கொண்டு இருக்கிறது. ஐந்து கணினிகளையும் 17,000 நீதிமன்றங்களுடன் பெருக்கினால் , 85,000 கணினிகள் உபுண்டு லினக்ஸைப் பெறும்.

உச்சநீதிமன்றம் உபுண்டு லினக்ஸினைப் பெருமைப்படுத்தியிருக்கிறது. இதை ஒரு சிறந்த முன்னுதாரணமாக எடுத்துக்கொண்டு இந்தியாவில் உள்ள அனைத்து அரசுத்துறை நிறுவனங்களும், அலுவலகங்களும் லினக்ஸினைப் பயன்படுத்த முன் வர வேண்டும். இந்த செய்தி அனைவரையும் மகிழ்ச்சியடைய வைத்திருக்கிறது. நான் கீழே கொடுத்திருக்கும் இணைப்பிணை சொடுக்கி உச்ச நீதி மன்றம் உபுண்டு லினக்ஸிற்காக என்னென்னவெல்லாம் செய்திருக்கிறது என்று பாருங்கள். உபுண்டு நிறுவுதலும் மற்றும் சிறப்புகளும் எனும் தலைப்பில் ஒரு காணொளியினையும் அளித்திருக்கிறது.

இதைப்போல் தமிழக அரசு அளிக்கவிருக்கும் இலவச மடிக்கணினியில் லினக்ஸை நிறுவிக்கொடுத்தால் தமிழக அரசிற்கு 91.2 கோடி மிச்சமாகும். அத்துடன் லினக்ஸை பயன்படுத்தும் ஒரு முன்மாதிரி மாநிலமாக தமிழகம் திகழும். ( ரிச்சர்ட் ஸ்டால்மன் ஒருமுறை கேரளாவிற்கு வந்திருக்கும் பொழுது , கேரளாவைப் போல் தமிழகமும் அனைத்துப் பள்ளிகளிலும் லினக்ஸைப் பயன்படுத்தி ஒரு முன்மாதிரி மாநிலமாக திகழ வேண்டும் என கேட்டுக்கொண்டார் ).

மேலும் தெரிந்துக்கொள்ள:
http://www.sci.nic.in/e-committee.htm
http://fullcirclemagazine.org/issue-51/

உபுண்டு லினக்ஸில் ASP .NET

2011-05-16T14:45:00.030+05:30

எங்கள் பல்கலைக்கழகத்தில் இந்த பருவத்திற்குண்டான WebTechnology பாடத்திற்கு WebTechnology Lab உள்ளது.இந்த WebTechnology Lab க்கான பாடத்திட்டத்தில் Java, JSP, Servlet, JDBC Connectivity, Servlet+Database Connectivity, HTML, JavaScript, CSS , ASP.NET இந்த தலைப்புகளில்லெல்லாம் பயிற்சிகளினை செய்து பார்த்தோம்.

இதில் முக்கியமாக கவனிக்க வேண்டியது இந்த பயிற்சிகளையெல்லாம் நாங்கள் விண்டோஸ் இயங்குதளத்தில் செய்து பார்க்கவில்லை அனைத்துப் பயிற்சிகளையும் முழுவதுமாக அகம் திறந்த மென்பொருள்களின் (Open Source)மூலம் செய்து பார்த்தோம்.

இதற்கு முழு முதற் காரணம் இந்த பாடத்தினை எங்களுக்கு கற்பித்த ,எங்கள் மரியாதைக்குரிய பேராசிரியர்தான் (பாடத்தை தெளிவாகவும், விரிவாகவும் கற்றுக்கொடுப்பவர், புதுமையாக செய்ய வேண்டும் என்று சிந்திப்பவர்.)

மூண்றாமாண்டில் உள்ள மற்ற மாணவர்களெல்லாம் இந்த பயிற்சிகளினை விண்டோஸ் இயங்குதளத்தில் செய்து பார்த்த பொழுது , எங்கள் மாணவர்கள் மட்டும் லினக்ஸ் இயங்குதளத்தில் பயிற்சிகளினை செய்தோம். இந்த பாடத்திற்கு நாங்கள் பயன்படுத்திய அகம் திறந்த மென்பொருள்கள்.

இயங்குதளம் (Operating System) : உபுண்டு 10.04 LTS
IDE (Integrated Development Environment) : Eclipse JEE Helios
இணைய வழங்கி (Web Server) : Apache Tomcat 7.0
தகவல் தளம் (Database) : PostgreSql , PgAdmin III, MySQL
இணைய உலாவி (Web Browser) : Mozilla Firefox 3.6.x
உரை எழுதி (Editor) : gEdit, nano , VI

நான் மேலே கூறியுள்ள மென்பொருள்களின் உதவியோடு இணைய தொழில்நுட்பம் பாடத்தினை சிறப்பாக கற்றுக்கொண்டோம்.

இந்த பாடத்தில் ஒரே ஒரு பயிற்சிக்காக மட்டும் நாங்கள் விண்டோஸ் இயங்குதளத்திற்கு செல்ல வேண்டிய சூழ்நிலை வந்தது. அந்த பயிற்சி ASP.NET. இதையும் நாங்கள் அகம் திறந்த மென்பொருள்களின் உதவியோடு செய்ய முடியுமா என முயற்சி செய்த பொழுது முடியும் என விடை கிடைத்தது அந்த மென்பொருள்தான் Mono Develope இந்த Mono Develope மென்பொருளைக்கொண்டு எப்படி .NET Program களை இயக்குவது என்பதைப் பற்றிதான் இந்த பதிவு.

படம் -2

படம்-3

நாம் எப்படி Servlet, JSP (Java Server Pages) களை இயக்க Apache Tomcat Server -னை பயன்படுத்துகிறமோ, .NET Application களை இயக்க IIS, PWS பயன்படுத்துகிறமோ அது போல Mono Develope மூலம் .NET Program களை இயக்க லினக்ஸில் (நான் உபுண்டு லினக்ஸில் நிறுவினேன்) XSP எனும் Server வேண்டும்.

முதலில் Mono Develope னை ubuntu Software Center சென்று நிறுவிக்கொள்ளுங்கள். அதன் பிறகு நாம் XPS server நிறுவ வேண்டுமல்லவா அதற்கு Synaptic Manager சென்று search box -ல் xsp எனக் கொடுத்து Version 2 என்பதை தேர்வு செய்து Apply கொடுங்கள்.

இப்பொழுது இணைய இணைப்பின் உதவியிடன் உபுண்டு xsp serverனை நிறுவும். நிறுவல் முடியும் வரை காத்திருக்கவும். அவ்வளவுதான் முடிந்து வேலை நாம் இனிமேல் .NET Application களை உபுண்டு லினக்ஸிலேயே பயன்படுத்தலாம்.

ஒரு சிறிய நிரலை எப்படி எழுதி இயக்குவது என்று பார்ப்போம்:

படம் -4

Applications ->Programming -> சென்று Mono Develop மென்பொருளை திறந்துக்கொள்ளுங்கள் (பார்க்க படம் -2 ).

MonoDevelop மென்பொருளின் Menu Bar -ல் File ->New ->WorkSpace என்று கொடுங்கள்.(பார்க்க படம் -4)

படம்-5

WorkSpace ஐ Click செய்தவுடன் கிடைக்கும் சாளரத்தில் C# -> ASP.NET-> WebApplication என்பதை தேர்வு செய்து Name : என்பதில் நிரலினுடைய பெயரினை கொடுத்து OK button ஐ அழுத்தவும். (பார்க்க படம் -5)

படம் - 6

OK button ஐ அழுத்திய பிறகு கிடைக்கும் சாளரத்தில் நம்முடைய நிரலை எழுத தொடங்க வேண்டியதுதான். எனக்கு .NET தெரியாது, இதில் நான் எழுதியிருக்கும் நிரல் சோதனை செய்து பார்பதற்காக எழுதியது. (பார்க்க படம் - 6)

படம் -9

நீங்கள் ஏற்கனவே Java Servlet, JSP (Java Server Pages) க்காக Tomcat Web Server ஐ நிறுவியிருந்தால் ஒரு சிறிய பிரச்சனை வரும். அது என்னெவென்றால் Tomcat Web Server ஆனது தனது பயன்பாட்டிற்காக 8080 என்ற Port No ஐ பயன்படுத்திக்கொண்டிருக்கும்.

ஆகையால் நமது MonoDevelp காகான் XSP Web Server னினுடைய Port No ஐ மாற்ற வேண்டும். அதற்கு Menu Bar ல் Project -> நீங்கள் கொடுத்த நிரலுக்குண்டான பெயருடன் Options என்று இருக்கும். அதை Click செய்யுங்கள்.

உதாரணமாக நான் HelloWorlKathirvel என்று கொடுத்திருக்கிறேன். அப்படியானால் HelloWorldKathirvel Options என்று இருக்கும். (பார்க்க படம் -9)

படம் - 10

Options Menu வை Click செய்தவுடன் கிடைக்கும் சாளரத்தில் Run ->XSP Web Server என்பதை click செய்யுங்கள். Click செய்தவுடன் வலது பக்கமாக கிடைக்கும் விபரபட்டியலில் Port No என்பதில் 8080 என்று இருக்கும். அதை 8081 என்று மாற்றி விடுங்கள். மாற்றம் செய்து OK button ஐ அழுத்துங்கள்.(பார்க்க படம் -10) அவ்வளவுதான்.

கவனிக்கவும் 8080 Port No ஏற்கனவே பயன்பாட்டில் இருக்கிறது என்ற பிழைச்செய்தி கிடைத்தால் மட்டும் மாற்றவும் அல்லது ஏற்கனவே Apache Tomcat Web Server நிறுவியிருந்தால் மட்டும் மாற்றவும்.

இப்பொழுது நிரலை இயக்குவதற்கு MenuBar ல் Build சென்று Build All கொடுங்கள் அடுத்து MenuBar -ல் Run என்பதை Click செய்யுங்கள்.

இப்பொழுது உங்களது நிரலுக்குண்டான வெளியீடு இணைய உலாவியின் (FireFox - நெருப்புநரி ) மூலம் நமக்கு கிடைக்கும்.

ஏதேனும் சந்தேகம் அல்லது புரியவில்லை என்றால் படத்தைப் பெரிது படுத்திப் பார்த்துக்கொளுங்கள்.

நான் எழுதிய நிரலுக்குண்டான வெளியீடு இணைய உலாவியில் காண்பித்தப் பொழுது.

Full Circle Magazine னினுடைய 48-வது இதழ் வெளியிடப்பட்டுவிட்டது

2011-04-23T13:35:00.002+05:30

Full Circle Magazine இதழ் தனது நான்காவது ஆண்டை நிறைவு செய்து இருக்கிறது.

உபுண்டு லினக்ஸ் Community யால் வெளியிடப்படும் Full Circle Magazine னினுடைய 48-வது இதழ் வெளியிடப்பட்டுள்ளது. இங்கு சென்று தரவிறக்கிக்கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

Full Circle Magazine னினுடைய 47-வது இதழ் வெளியிடப்பட்டுவிட்டது

2011-03-26T22:08:00.000+05:30

உபுண்டு லினக்ஸ் Community யால் வெளியிடப்படும் Full Circle Magazine னினுடைய 47-வது இதழ் வெளியிடப்பட்டுள்ளது. இங்கு சென்று தரவிறக்கிக்கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

ஒருவேளை மைக்ரோசாப்ட் கண்டுபிடித்திருந்தால் (நகைச்சுவைக்காக மட்டும்)

2011-03-04T22:22:00.011+05:30

கூகுளை உருவாக்கியிருந்தால் ?

பாராசூட்டை கண்டுபிடித்திருந்தால்?

Intelligent Car -ஐ கண்டுபிடித்திருந்தால்

Toilet உதவியாளரை உருவாக்கியிருந்தால்?

Monopoly - யினை உருவாக்கியிருந்தால் (ஏற்கனவே அதைத்தான் செய்துகொண்டிருக்கிறார்கள் ) இல்லை,இல்லை நான் இந்த விளையாட்டில் சொன்னேங்க

Leaornardo Da vinci யினுடைய வரைப்பலகையை கண்டுபிடித்திருந்தால்?

WalMart -ஐ வாங்கியிருந்தால் ?

Marriage Album த்தை வடிவமைத்திருந்தால் ?

உபுண்டு சிறப்பு பதிப்பு இதழ்-1 வெளியிடப்பட்டுள்ளது

2011-03-01T12:40:00.003+05:30

இது வரையில் உபுண்டு இதழில் (Full Circle Magazine) வெளிவந்த The Perfect Server எனும் தொடரினை மட்டும் தனியாக எடுத்து சிறப்பு பதிப்பாக வெளியிட்டுள்ளனர். இதனை தொடர்ந்து, உபுண்டு இதழில் வந்துக்கொண்டிருக்கும் C Language, Python, Scribus போன்ற தொடர்களுக்கும் சிறப்பு பதிப்பு இதழ்கள் வெளியிடப்படும் என் அறிவித்துள்ளனர். இந்த பதிப்பினை இங்கு சென்று பெற்றுக்கொள்ளலாம்.

Full Circle Magazine னினுடைய 46-வது இதழ் வெளியிடப்பட்டுவிட்டது

2011-03-01T12:34:00.003+05:30

உபுண்டு லினக்ஸ் Community யால் வெளியிடப்படும் Full Circle Magazine னினுடைய 46-வது இதழ் வெளியிடப்பட்டுள்ளது. இங்கு சென்று தரவிறக்கிக்கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

Google Body Browser (கூகுள் உடல் உலாவி)

2011-02-26T02:06:00.009+05:30

இணைய உலகின் ஜாம்பவான் கூகுள் புதிதாக Body Browser என்னும் சேவையினை அறிமுகப்படுத்தியிருக்கிறது. இதை ஒரு மென்பொருளாக வெளியிடாமால் இணைய உலாவியின் மூலம் பயன்படுத்துமாறு வெளியிட்டுள்ளது.

இணைய இணைப்பு இருந்தால் மட்டுமே இதனை நாம் பயன்படுத்த முடியும். Body Browser மூலம் மனித உடலைப்பினை 3D View -ல் நாம் பார்வையிட முடியும். கீழே கொடுக்கப்பட்டுள்ள படங்கள் நான் என்னுடைய உலாவியில் பார்வையிட்ட பொழுது எடுத்தது. இதில் WebGL என்னும் தொழில் நுட்பம் புதிதாக பயன்படுத்தப்பட்டுள்ளது.

இதனைப் பயன்படுத்த நம்மிடம் Mozilla Firefox 4.0 Beta அல்லது Google Chrome 9.0 கண்டிப்பாக இருக்க வேண்டும். பிந்தைய பதிப்புகளில் இந்த சேவையினை பயன்படுத்த முடியாது.

BodyBrowser -ன் முகவரி:

http://bodybrowser.googlelabs.com

இதை நான் முதலில் என்னுடைய உபுண்டு 10.10 கணிணியில் Mozilla Firebox 4.0 Beta(MineField) ஐக் கொண்டு இயக்கியப்பொழுது வேலை செய்யவில்லை. Google Chrome 9.0.597.98 பதிப்பை நிறுவிப் பார்வையிட்ட பொழுது மிகவும் நன்றாக வேலை செய்தது. விண்டோஸ் இயங்குதளத்தில் நான் செய்து பார்க்கவில்லை.

அருமையாக இருக்கிறது நீங்களும் சென்று பயன்படுத்திப் பாருங்கள். பள்ளிகளில் படிக்கும் மாணவர்களுக்கு இதைப் பயன்படுத்திக் காட்டலாம் நம்முடைய உடலமைப்பை பார்த்து நன்றாக புரிந்து கொள்ளுவார்கள்.

Full Circle Magazine னினுடைய 45-வது இதழ் வெளியிடப்பட்டுவிட்டது

2011-01-28T12:31:00.002+05:30

உபுண்டு லினக்ஸ் Community யால் வெளியிடப்படும் Full Circle Magazine னினுடைய 45-வது இதழ் வெளியிடப்பட்டுள்ளது. இங்கு சென்று தரவிறக்கிக்கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

உபுண்டு 10.10 லினக்ஸில் தமிழில் தட்டச்சு செய்யும் வசதியினை Startup -ல் கொண்டுவருவது எப்படி?

2011-01-08T17:25:00.016+05:30

உபுண்டு லினக்ஸில் தமிழில் உள்ளீடு மற்றும் தட்டச்சு செய்ய ibus வசதி உபுண்டு 9.10 லிருந்து உபுண்டுவுடன் சேர்த்தே வழங்கப்பட்டது (தமிழ் மொழி உட்பட அனைத்து மொழிகளுக்கும்). ஆனால் தற்பொழுது வெளியிடப் பட்டுள்ள அண்மைய பதிப்பான உபுண்டு 10.10 -ல் ஆங்கிலம் மற்றும் சீன மொழிகளைத் தவிர மற்ற மொழிகளுக்கு தட்டச்சு மற்றும் உள்ளீடு செய்வதற்கான வசதி உபுண்டுவுடன் சேர்த்து வழங்கப்படவில்லை. ஆனால்,

நம்மிடம் இணைய இணைப்பு இருந்தால் மிக எளிமையாக தமிழில் தட்டச்சு செய்யும் வசதியினை கொண்டு வந்து விடலாம். ibus-m17n என்ற பொதியினை Synaptic Package Manager மூலம் நிறுவி விட்டால் போதும் (பார்க்க படம்-1) தமிழில் தட்டச்சு செய்யும் வசதி வந்துவிடும்.இந்த பொதியினை நிறுவிய பிறகு தமிழில் தட்டச்சு செய்யும் வசதியினை கொண்டு வருவது எப்படி என்று நம்முடைய சக தோழர்கள் எழுதியுள்ள கட்டுரைகளை படித்துக்கொள்ளுங்கள்.

உபுண்டு 10.4 இல் தமிழில் தட்டச்சிடல் (தோழர் மயூரேசன்)
உபுண்டு 9.04 இல் தமிழ்ல் 99 (தோழர் மயூரேசன்)
தமிழில் தட்டச்சு செய்ய - Type in Tamil - Ubuntu (தோழர் சேதுபதி)

உபுண்டு 9.10 லினக்ஸில் தமிழில் தட்டச்சு செய்யும்,தமிழில் உள்ளீடு செய்யும் வசதியை உருவாக்குவது எப்படி (நான் எழுதியது)

இவ்வாறு நாம் செய்து முடித்த பிறகு தமிழில் தட்டச்சு செய்ய வேண்டுமென்றால் ஒவ்வோரு முறையும் System => Preferences => Keyboard Input Methods சென்று துவங்க வேண்டும். இது கொஞ்சம் நேரத்தை வீணடிக்கும் செயல்தான். இதை நாம் உபுண்டு துவங்கும் பொழுதே சேர்த்து துவங்குமாறு அமைத்து விடலாம். இப்படி அமைப்பதால் என்ன பயன் என்று பார்த்தால் உதாரணமாக ,

கூகிளில் தமிழில் ஒரு வார்த்தையை கொடுத்து தேட வேண்டும் என்றால் தமிழில் தட்டச்சு செய்வதற்கான குறுக்கு விசையினை மட்டும் அழுத்தி தமிழில் தட்டச்சு செய்யலாம். கூகுளில் தேடுவதற்கு என்று மட்டுமில்லை தமிழில் எது செய்யவேண்டுமென்றாலும்(உள்ளீடு, தட்டச்சு, தமிழில் கோப்புகள் உருவாக்கம், தமிழில் கோப்புகளுக்கு பெயர் கொடுத்தல்) குறுக்கு விசையினை மட்டும் அழுத்தினால் போதும் தமிழ் வசதி உங்களுக்கு கிடைத்து விடும். இதை எப்படி செய்வது என்று பார்ப்போம்

படம்-1

படம்-2

System -> Preferences -> Startup Applications ஐ Click செய்யுங்கள். கிடைக்கும் சாளரத்தில் (Window) Add பொத்தானை அழுத்துங்கள் அதனை தொடர்ந்து கிடைக்கும் சாளரத்தில் (பார்க்க படம் -3)

Name : Tamil Typing
Command : /usr/bin/ibus-daemon -d
Comment : Tamil Typing

என்று கொடுங்கள். கொடுத்து முடித்தபின் Add பொத்தானை அழுத்துங்கள். அதன் பிறகு Close பொத்தானை அழுத்துங்கள் அவ்வளவுதான் முடிந்தது வேலை ஒருமுறை Logout செய்து விட்டு Login செய்யுங்கள் தமிழில் தட்டச்சு செய்வதற்கான வசதி தொடங்கியிருக்கும். (பார்க்க படம் -4)

படம்-3

படம்-4

Full Cirlce Magazine 44 -வது இதழ் வெளியிடப்பட்டுவிட்டது

2011-01-04T19:38:00.002+05:30

உபுண்டு லினக்ஸ் Community யால் வெளியிடப்படும் Full Circle Magazine னினுடைய 44-வது இதழ் வெளியிடப்பட்டுள்ளது.இங்கு சென்று தரவிறக்கிக்கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

Full Cirlce Magazine 43 -வது இதழ் வெளியிடப்பட்டுவிட்டது

2010-12-01T18:12:00.000+05:30

உபுண்டு லினக்ஸ் Community யால் வெளியிடப்படும் Full Circle Magazine னினுடைய 43-வது இதழ் வெளியிடப்பட்டுள்ளது.இங்கு சென்று தரவிறக்கிக்கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

இணையத்தைப் பற்றி கூகிள் வெளியிட்டுள்ள இலவச புத்தகம்

2010-11-20T10:35:00.011+05:30

இன்று இணையத்தைப் பயன்படுத்துவோர் அனைவருக்கும் கூகுள் என்பது பரிச்சையமான வார்த்தை.கூகிள் தேடுபொறியினை பயன்படுத்தாவரே இணைய உலகில் இல்லை என்றே சொல்லலாம்.

கூகுள் நிறுவனம் தன்னுடைய எந்த சேவையினையுமே வித்தியாசமாகவும், எளிமையாகவும் இருக்குமாறும் வெளியிடும்.

அத்தோடில்லாமல் லினக்ஸ்,திறவூற்று (OpenSource) இந்த இரண்டிலும் கூகுள் நிறையவே பங்களித்து வருகிறது.

இன்னும் ஐந்து ஆண்டுகளில் மைக்ரோசாப்ட் நிறுவனத்துடன் சரிக்கு சமமாக போடிபோடும் அளவிற்கு கூகுள் வளர்ந்து விடும் என்று கூறுகின்றனர்.இப்படி எவ்வளவோ சிறப்புகளை கூகுளைப் பற்றிக் கூறிக்கொண்டே போகலாம்.

கூகுள் சமீபத்தில் இணையத்தைப் பற்றியும் ,உலாவிகளைப் பற்றியும் ,இணையத்தில் பயன்படுத்தப்படும் தொழில்நுடபங்களைப் பற்றியும்,இணையத்தைப் பற்றிய விழிப்புணர்வை ஏற்படுத்தவும் ஒரு இலவச புத்தகத்தினை வெளியிட்டுள்ளது.புத்தகத்தின் பெயர் "20 things I learned about browsers and the web". இந்த புத்தகத்தினை அனைவரும் இலவசமாக படித்துக்கொள்ளலாம்.

முகவரி: http://www.20thingsilearned.com/

இந்த புத்தகத்தில் இணையத்தைப் பற்றி உள்ள அடிப்படையான செய்திகள் :

இணையம் என்றால் என்ன?
சமீபத்திய உலாவிகளில் எந்த மாதிரியான தொழில் நுட்பர்ங்கள் பயன்படுத்தப்படுகிறது?
இணையத்தில் எப்படி பாதுகாப்பாட உலாவுவது?
இணையத்தில் இருந்து நாமக்கு வேண்டியதைப் பெற உலாவிகளை எப்படி பயன்படுத்துவது?

இதுப் போன்று இன்னும் நிறைய..... இதைத் தவிர,

Cloud Computing என்றால் என்ன ?
IP Address என்றால் என்ன?
DNS (Domain Name System) என்றால் என்ன?

படித்து சுவைத்துத் தெரிந்துக்கொள்ளுங்கள்.எளிய ஆங்கிலத்தில், படங்களுடன் மிக அருமையாக இருக்கிறது.

உபுண்டு 10.10 லினக்ஸில் புதிய எழுத்துருக்களை நிறுவுதல் ( New Font Installation )

2010-11-13T20:39:00.011+05:30

விண்டோஸ் இயங்குதளத்தில் ஒரு புதிய எழுத்துருவை நிறுவுவதற்கு, நாம் வைத்திருக்கும் எழுத்துருவை Copy செய்து Control Panel => Fonts சென்று Paste செய்து விட்டால் போதும்.புதிய எழுத்துரு நிறுவப்பட்டுவிடும்,அதுபோல உபுண்டு 10.10 லினக்ஸிலும் முனையத்தில் எந்தவிதமான கட்டளைகளையும் கொடுக்காமல் மிகவும் எளிதாக புதிய எழுத்துருவை நிறுவிக்கொள்ளலாம்.

படம்-1

நாம் புதியதாக எந்த எழுத்துருவை நிறுவவேண்டுமோ அந்த புதிய எழுத்துருவின் மீது Mouse Pointer ஐ வைது Right Click செய்யுங்கள்.கிடைக்கும் தேர்வில் Open With Font Viewer என்பதைக் Click செய்யுங்கள்.(பார்க்க படம்-1)

Click செய்தவுடன் நம்முடைய புதிய எழுத்துரு Font Viewer மூலம் திறக்கப்படும்.திறக்கப்பட்டவுடன் Font Viewer -ல் Install Font என்ற பொத்தான் ஒன்று இருக்கும்(பார்க்க படம்-2).அதை Click செய்யுங்கள்.

படம்-2

Click செய்தவுடன் Install Font எனும் பொத்தான் Disable ஆகிவிடும் (பார்க்க படம்-3).அவ்வளவுதான் புதிய எழுத்துரு நிறுவப்பட்டு விட்டது.

படம்-3

Open Office Word Processor ஐத் திறந்து நீங்கள் புதிதாக நிறுவிய எழுத்துருவை பயன்படுத்திக்கொள்ளலாம்.

படம்-4

படம்-5

நான் புதிதாக நிறுவிய தமிழ் எழுத்துருவை என்னுடைய உபுண்டு 10.10 லினக்ஸில் உள்ள Open Office Word Processor -ல் பயன்படுத்தியபொழுது.(பார்க்க படம்-5)

Full Cirlce Magazine 42 -வது இதழ் வெளியிடப்பட்டுவிட்டது

2010-10-30T14:51:00.002+05:30

உபுண்டு லினக்ஸ் Community யால் வெளியிடப்படும் Full Circle Magazine னினுடைய 42 -வது இதழ் வெளியிடப்பட்டுள்ளது.இங்கு சென்று தரவிறக்கிக்கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

உபுண்டு 10.10 லினக்ஸில் ஜாவா மொழி ( JAVA Language ) மிகவும் நன்றாக இயங்குகிறது

2010-10-08T18:26:00.004+05:30

சி,சி++,ஜாவா இந்த மூன்று மொழிகளையும் கணினி அறிவியல் படிக்கும் மாணவர்கள் கண்டிப்பாக படித்தாக வேண்டும்.இந்த மூன்று மொழிகளையுமே கல்லூரி ஆய்வகத்தில் விண்டோஸ் இயங்குதளத்திலேயே செய்துப் பார்ப்போம்.இந்த மூன்று மொழிகளையுமே லினக்ஸிலும் செய்து,இயக்கிக்கொள்ளலாம்.

லினக்ஸ் பயன்படுத்தும் பயனாளர்கள் முதலில் கேட்கும் கேள்வியே விண்டோஸ் இயங்குதளத்தில் செய்வதையெல்லாம் செய்ய முடியுமா என்பதுதான்.செய்ய முடியும் என்பதே என்னுடைய பதில் இதில் பிரச்சனை எங்கு இருக்கிறது என்றால் விண்டோஸ் இயங்குதளத்தில் உள்ளது போல இருக்க வேண்டும் என்று எதிர்ப்பார்ப்பதுதான்.இந்த சிந்தனையில் இருந்து விடுப்பட்டாலே நாம் லினக்ஸ் இயங்குதளத்தை விரும்பி,மகிழ்ச்சியாக பயன்படுத்துவோம்.

என்னைப் பொறுத்தமட்டில் கணினி அறிவியலை பிரதான பாடமாக கற்கும் மாணவர்கள் அனைவரும் லினக்ஸ் இயங்குதளத்தைக் கற்றுக்கொள்ள வேண்டும்.

பெரும்பாலான லினக்ஸ் இயங்குதளத்தில் சி,பைத்தான் இந்த இரண்டு மொழிகளுக்கும் உண்டான Compiler கள் ஏற்கனவே நிறுவியிருக்கப்படும்.உபுண்டு லினக்ஸிலும் சி,பைத்தான் மொழிகளை நாம் எந்த விதமான பொதிகளையும்(packages) நிறுவாமலே இயக்கிக்கொள்ளலாம்.ஆனால்

உபுண்டு லினக்ஸில் சி++,ஜாவா இந்த இரண்டு மொழிகளும் நிறுவியிருக்கப்படாது.நாம் தான் நிறுவிக்கொள்ள வேண்டும்.இந்த packages களை நிறுவ உங்களிடம் லினக்ஸில் இணைய இணைப்பு இருந்தால் மிகவும் எளிதாக நிறுவிக்கொள்ளலாம்.

பொதுவாக நாம் ஜாவா நிரலை இயக்க இரண்டு கருவிகள் அவசியம் தேவை அவை javac,java இதில் javac கட்டளை .java புரோகிராமை கம்பைல் செய்கிறது(java+compile -> javac). java கட்டளை கம்பைல் செய்யப் பட்ட .class fileஐ interpret செய்கிறது.நீங்கள் ஜாவா மொழியினைப் பற்றி தெரிந்துக்கொள்ள நண்பர் ந.ர.செ.ராஜ்குமார் அவர்களின் வலைப்பூ வை பார்வையிடுங்கள்.மிகவும் அருமையாக எழுதிக்கொண்டு இருக்கிறார்.

உபுண்டு 10.10 லினக்சில் ஜாவா மொழியினை நிறுவுதல்:

முனையத்தில் javac என கொடுங்கள் உபுண்டு லினக்சே நீங்கள் எந்தெந்த Packages களை நிறுவ வேண்டும் என கூறும்.இதில் ஏதாவதொரு package ஐ நிறுவினால் போதும்.நீங்கள் java நிரலை எழுதி பயன்படுத்தலாம்.உதாரணமாக என்னுடைய கணினியில் உபுண்டு லினக்சில்,முனையத்தில் javac என தட்டச்சு செய்து Enter key -யினை அழுத்தினேன்.அதுவே openjdk-6-jdk ,ecj ,gcj-4.4-jdk, gcj-4.5-jdk நன்கு packages களை பட்டியலிட்டது.இதில் ஒன்றான gcj-4.5-jdk யைத்தான் நான் நிறுவி பயன்படுத்துகிறேன்.இதை நிறுவி எப்படி ஜாவா நிரல்களை compile செய்வது, compile செய்த பிறகு நிரலை எப்படி இயக்குவது என்று பார்ப்போம்.சாதாரமாக நாம் விண்டோஸ் இயங்குதளைத்தில் இயக்குவது போலத்தான் வேறொன்றுமில்லை. சரி packages ஐ நிறுவுவது எப்படி என்று பார்ப்போம்.

முனையத்தை திறந்து கொள்ளுங்கள்
sudo apt-get install gcj-4.5-jdk எனக் கட்டளையினை கொடுத்து Enter key யினை அழுத்துங்கள்.உங்களுடைய கடவுச்சொல்லை கேட்க்கும், கடவுச்சொல்லை உள்ளிட்டு Enter key யினை அழுத்துங்கள்.
உங்களுடைய இணைய இணைப்பின் வேகத்தைப் பொறுத்து நிரலானது விரைவாக நிறுவப்படும்.
Package நிறுவி முடிக்கப்பட்டவுடன் நாம் நிரலினை எழுத தொடங்கலாம்.

நிரலை எழுதி எப்படி Compile மற்றும் Run செய்வது :

Application => Accessories சென்று Text Editor ஐத திறந்துக்கொள்ளுங்கள்.உங்களுக்கு தேவையான நிரலை எழுதி home folder க்குள் சேமித்துக்கொள்ளுங்கள்.

சேமித்து முடித்தப்பிறகு முனையத்தில் javac Filename.java எனக்கொடுத்து compile செய்துக்கொள்ளுங்கள். java Filename எனக்கொடுத்து நிரலினை இயக்கி நிரலினுடைய வெளியிட்டைப் பெறுங்கள். நான் இங்கு Filename எனக்கொடுத்திருக்கும் இடத்தில் நீங்கள் ஜாவா நிரலை எந்த பெயருடன் சேமித்திர்களோ அந்த பெயரைத்தான் கொடுக்க வேண்டும்.

முனையத்தின் மூலம் நாம் Folder மற்றும் Sub-Folder னுடைய அளவுகளைக் கண்டுபிடிக்கலாம்

2010-10-01T16:39:00.000+05:30

முனையத்தின் மூலம் நாம் Folder மற்றும் Sub-Folder னுடைய அளவுகளைக் கண்டுபிடிக்கலாம்.முனையத்தில் நீங்கள் எந்த Folder னுடைய அளவினை கண்டுபிடிக்க வேண்டுமோ அந்த Folder க்குள் மாறிக்கொள்ளுங்கள்.மாறிக்கொண்டு முனையத்தில் Folder Size ஐக் கண்டுபிடிக்க du -sh எனக் கொடுங்கள்.Sub-Foler Size ஐக் கண்டுபிடிக்க du * -sh எனக் கொடுங்கள்.

-sh என்பதில்

s என்பது Summarise என்பதையும், h என்பது human readable format என்பதையும் குறிக்கிறது.

Full Cirlce Magazine 41 -வது இதழ் வெளியிடப்பட்டுவிட்டது

2010-09-26T22:38:00.003+05:30

உபுண்டு லினக்ஸ் Community யால் வெளியிடப்படும் Full Circle Magazine னினுடைய 41 -வது இதழ் வெளியிடப்பட்டுள்ளது.இங்கு சென்று தரவிறக்கிக்கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

LINUX For Yor Magazine -ல்வெளிவந்த GIMP தொடரின் PDF கோப்புகள்

2010-09-18T18:53:00.002+05:30

நான் கடந்த மூன்று வருடமாக LINUX For You Magazine க்கு சந்தாதாரராக இருக்கிறேன்.இந்த இதழை முதன் முதலில் எங்கள் பாலிடெக்னிக்னினுடைய(அரசு பல்தொழில்நுட்பக் கல்லூரி,அறந்தாங்கி,புதுக்கோட்டை மாவட்டம்) நூலகத்தில் பார்த்தேன்.அப்பொழுது இந்த இதழை படிக்கும் பொழுதெல்லாம் ஒன்றும் புரியாது ஆனால் இதழில் உள்ள படங்களைப் பார்த்து மகிழ்ச்சியடைவேன்.ஏனென்றால் கணினி என்றாலே விண்டோஸ் இயங்குதளத்தினுடைய சாளாரங்களைப் பார்த்து போரடித்து போன எனக்கு ஏதோ புதிதாக ஒரு அதிசயத்தைப் பார்த்தது போன்ற உணர்வு இருக்கும்.இந்த இதழை நூலகர் கணினி துறை மாணவர்களுக்கும்,மின்னணுவியல் மற்றும் தொடர்பியல் துறை மாணவர்களுக்கு மட்டுமே கொடுப்பார் படித்துவிட்டு அவரிடமே திருப்பி ஒப்படைத்து விட வேண்டும்.பாலிடெக்னிக் இறுதியாண்டு படிக்கும் பொழுது சந்தாதாரராக ஆகினேன் ஏனென்றால் கல்லூரியை விட்டு வெளியேறிவிட்டால் இதழை படிக்க முடியாது அல்லவா.

ஒவ்வொரு மாதமும் 7-ம் தேதியிலிருந்து 12-ம் தேதிக்குள் எங்கள் கிராமத்தினுடைய தாபால் காரர் மூலம் எனக்கு கிடைத்து விடும்.லினக்ஸை கற்றுக்கொள்ள விரும்பும் மாணவர்களுக்கு மிகவும் பயனுள்ள இதழ்,வசதியுள்ள மாணவர்கள் சந்தாதாரகிக்கொள்ளலாம்.ஒவ்வொரு மாதமும் இதழுடன் DVD+CD சேர்த்து வழங்குகிறார்கள்.

சென்னை,கோயம்புத்தூர்,திருச்சி போன்ற முக்கியமான இடங்களில் கண்டிப்பாக கிடைக்கும்.ஒரு தனி இதழின் விலை 100 ரூபாய்.இதழுடன் வரும் DVD யில் ஒரு சிறந்த,முக்கியமான லினக்ஸ் இயங்குதளத்தை கொடுக்கின்றனர் இயங்குதளத்தின அளவு 4.GB க்கு மேல் இருக்கும்,இந்த இயங்குதளத்தை தரவிறக்கம் செய்து பயன்படுத்திப்பார்பது என்பது முடியாத காரியம் தரவிறக்கம் செய்ய நேரமும்,செலவும் அதிகம் பிடிக்கும்.CD யில் Kernel னுடைய புதிய பதிப்புக்குண்டான Package யும் , பயனுள்ள மென்பொருள்களையும் ,தொடராக வெளிவந்த கட்டுரைகளையும் PDF கோப்பாகவும் கொடுக்கின்றனர்.இதழில் உள்ள ஒவ்வொரு கட்டுரையும் மிக அருமையாக உள்ளது.

இதழின் இணையதள முகவரி மற்றும் சந்தா விபரம் தெரிந்து கொள்ள http://www.linuxforu.com

என்னப்பா பதிவுக்கு கொடுத்த தலைப்புக்கும் நீ சொலவதற்கும் சம்பந்தமில்லை என நினைக்காதீங்க,ரொம்ப நாளாக சொல்லனும்னு நினைத்தது.அவ்வளவுதான்.

நாம் விண்டோஸ் இயங்குதளத்தில் பயன்படுத்தும் Photoshop மென்பொருளைப் போல GIMP -ம்(Gnu IMage Manipulation) லினக்ஸில் பயன்படுத்தும் ஒரு மென்பொருள்.இதைப்பற்றி அதிகம் தெரிந்து கொள்ள பிரபு சாரினுடைய சுதந்திர கிம்ப் வலைப்பூவிற்கு சென்று தெரிந்து கொள்ளுங்கள்.

இந்த GIMP மென்பொளைப் பற்றிய தொடர் LINUX For You Magazine -ல் பிப்ரவரி-2009 லிருந்து ஜூலை -2010 வரை தொடராக வெளிவந்தது.எனக்கு வந்த இந்த மாத இதழில் அனைத்து தொடர்களையும் PDF கோப்பாக CD -யில் கொடுத்திருந்தனர் இவையனைத்தையும் இணையத்தில் ஏற்றி அவற்றின் இணைப்புகளை கீழே கொடுத்துள்ளேன்.தரவிறக்கம் செய்து பயன்படுத்திக்கொள்ளுங்கள்.

நான் இங்கு கொடுத்திருக்கும் இணைப்புகளில் ஏதேனும் பிரச்சனைகள் இருந்தால் எந்த விதமான தயக்கமும் இல்லாமல் முழு உரிமையுடன் நீங்கள் தெரிவிக்கலாம்.சுதந்திரம் மனிதனின் உரிமை

Compaq515 மாடல் மடிக்கணினியில் ,உபுண்டு 10.10 இயங்குதளத்தில் Broadcom WiFi Wireless Driver யினை நிறுவுவது எப்படி ?

2010-09-14T22:30:00.016+05:30

என்னுடைய மடிக்கணினி Compaq515 மாடல்.என்னவோ தெரியவில்லை உபுண்டு 9.04 ஐத்தவிர வேறு உபுண்டுவின் எந்த பதிப்பும் என்னுடைய மடிக்கணினியில் நிறுவ முடியவில்லை.தற்பொழுது நான் பயன்படுத்திக்கொண்டிருக்கும் உபுண்டு 9.04 ஐ நிறுவி சரியாக ஒருவருடத்திற்கும் மேலாகி விட்டது.என்னுடைய மடிக்கணினியில் நிறுவியிருக்கும் உபுண்டு 9.04 லினக்ஸில் ஒலி வசதியும்,ATI Radeon Graphics Driver 1231 ம் வேலை செய்யவில்லை ஆனால் WiFi Wiresless வேலைசெய்கிறது (எங்களுடைய பல்கலைக்கழகத்தில் 24 மணிநேர WiFi இணையம் வசதி உள்ளது),உபுண்டு 9.04 க்குப் பிறகு வெளியிடப்பட்ட அடுத்தப் பதிப்பான உபுண்டு 9.10 ஆனது பூட்டிங்கோடு நின்றுக்கொண்டது அதற்கு அப்புறம் ஒரு அடிகூட நகரவில்லை,அதற்கு அடுத்தப் பதிப்பான 10.04 வெளியிடப்பட்டது Ubuntu 10.04 Desktop,Kubuntu 10.04 ஐயும் உபுண்டுவின் தளத்தில் விண்ணப்பித்து இரண்டு வட்டுக்களையும் பெற்றுக்கொண்டேன்.விடுதியில் இருந்து வீட்டிற்கு வந்தவுடன் ஆசையாக உபுண்டு 10.04 நிகழ்வட்டு தேர்வினை தேர்வுசெய்து இயங்கிப்பார்த்தேன் அதுவும் பூட்டிங்கோடு நின்றுக்கொண்டது.
சரி இது இருக்கட்டும் Kubuntu 10.04 ஐ நிகழ் வட்டாக இயக்கிப்பார்த்தேன் இது நன்றாக வேலைசெய்தது ஒலி வசதி வேலை செய்தது,ஆனால் WiFஇ யும் ATI Radeon Graphics Driver உம் வேலை செய்யவில்லை,இதுபோலவே Ubuntu10.04 Netbook Edition -னும் வேலை செய்தது.
இந்த பதிப்புகளிலெல்லாம் எனக்கு என்ன பிரச்சனை என்றால் ஒலி வேலை செய்தால் , WiFi வேலை செய்யாது.WiFஇ வேலை செய்தால் ,ஒலி வசதி வேலை செய்யாது.நானும் இந்த பிரச்சனைகளையெல்லாம் சரிசெய்ய முயற்சிக்கவில்லை,உள்ளதையே பயன்படுத்துவோமே என திருப்திப்பட்டுக்கொண்டு உபுண்டு 9.04 ஐ இன்றைய தேதிவரையிலும் பயன்படுத்தி வருகிறேன்.
கடந்த சனிக்கிழமை இரவு உபுண்டுவின் இணையத்தளத்தைப் பார்வையிட்ட பொழுது அடுத்த மாதம் வெளிடப்பட இருக்கும் உபுண்டு10.10 பதிப்பினுடைய பீட்டா பதிப்பினை தரவிறக்கம் செய்யும் இணைப்பினைக் கொடுத்திருந்தனர்.சரி தரவிறக்கம் செய்து பயன்படுத்திப் பார்போமே என்று தரவிறக்கம் செய்தேன்.சரியாக ஒன்னேமுக்கால் மணி நேரத்தில் தரவிறக்கம் முடிந்தது(695 MB). தரவிறக்கம் செய்த ISO ‍கோப்பினை என்னிடம் இருந்த DVD/RW ‍ வட்டில் எழுக்கொண்டேன்.
உபுண்டு10.10 இயங்குதளம் தயாராகி விட்டது,மடிக்கணினியினுடைய BIOS ‍ ற்க்கு சென்று F9 ‍ பொத்தானை அழுத்தி First Bootting Device , CD/DVD ‍ ஆக மாற்றி சேமித்துக்கொண்டேன்.மடிக்கணினியினை மறுதொடக்கம் செய்தேன் மடிக்கணினி வட்டில் இருந்து தொடங்கியது ,அட என்னங்க உபுண்டுவின் முதல் திரையே மிகவும் அழகாக இருந்தது,ஒரு சில நிமிடங்களுக்குப் பிறகு நிறுவுதலின் திரை வந்தது அதில் Try Ubuntu ,Installation ‍ நிகழ்வட்டாக இயக்கிப் பார்ப்போம் என்று Try Ubuntu எனும் தேர்வினை தேர்வு செய்தேன்.
உபுண்டு Desktop வந்துவிட்டது,மிக அருமை,சரி முதலில் ஒலி வசதி வேலை செய்கிறதா என்று பார்ப்போம் என்று உபுண்டு லினக்ஸிற்கென மாற்றி வைத்திருந்த .wav வடிவ பாடலில் இருந்து ஒரு பாடலினை இயக்கிப் பார்த்தேன் ஆச்சரியம் ஒலி வசதி மிகச் சரியாக வேலை செய்தது.சரி முதல் பிரச்சனை தீர்ந்தது.அடுத்து Graphics Display Driவெர் அட அதுவும் முகவும் சரியாக வேலை செய்தது,Desktop Preferences -> Visual Effects -> Normal,Extra இரண்டும் வேலை செய்த்தது அட அடுத்தப் பிரச்சனையும் தீர்ந்துவிட்டது மிகவும் மகிழ்ச்சி ,இதையெல்லாம் விட எனக்கு மிகவும் முக்கியமானது WiFi இங்கேதான் வந்தது பிரச்சனை எப்பொழுதும் போல WiFi வேலை செய்யவில்லை.சரி பார்த்துக்கொள்வோம் என்று உபுண்டு10.10 ன் மூலமே உபுண்டு10.10 உள்ள Startup Disk Creator உதவியின் மூலம் பென்டிரைவில் இருந்து இயங்குமாறு தயார் செய்துக்கொண்டேன்.
அட இப்படியே போய்கிட்டு இருந்தா இதுக்கு என்னதான்யா முடிவு,இப்படியே விடக்கூடாது என நினைத்து அன்று இரவே கூகுள் பெரியவரிடமும் ஐடியா கேட்டேன்.அவரும் தெளிவான இணைப்புகளைக் கொடுத்தார் அதில் ஒன்றிரண்டு இணைப்புகளைச் சொடுக்கி படித்துப் பார்த்தேன் ஓரளவு ஐடியா கிடைத்தது.அதில் ஒரு சிறப்பான இணைப்புக் கிடைத்தது.அந்த இணைப்பு http://wireless.kernel.org/en/users/Drivers/b43#devicefirmware இந்த இணைப்பில் அனைத்து WiFi Driver களையும் எப்படி லினக்ஸில் பயன்படுத்துவது எனும் வழிமுறைகளை கொடுத்திருக்கின்றனர்.

இதில் கொடுக்கப்பட்டிருந்த வழிமுறைகள் மிகவும் எளிமையாக இருந்தது. இதில் என்ன முக்கியமா பார்க்க வேண்டியது என்னவென்றால் உபுண்டு10.10 லினக்ஸில் இணையத்தைப் பயன்படுத்த முடியாது,ஆகையால் என்னுடைய உபுண்டு 9.04 லினக்ஸில் உள்ள இணையவசதி மூலம் இதற்கு தேவையான வழிமுறைகள்,மென்பொருள்கள் அனைவற்றையும் தரவிறக்கம் செய்துக்கொண்டேன்.தேவையான கருவிகள்,மென்பொருள்கள்,வழிமுறைகள் இவற்றையெல்லாம் தயார்படுத்திக்கொண்டு வேலையில் இறங்க ஆரம்பித்தேன்.

என்னுடைய மடிக்கணினியில் உள்ள WiFi வன்பொருளின் விபரம்:
06:00.0 Network controller [0280]: Broadcom Corporation BCM4312 802.11b/g [14e4:4315] (rev 01).நீங்கள் உங்கள் கணினியினுடைய WiFi வன்பொருளின் விபரம் அறிய lspci -vnn | grep 14e4 எனும் கட்டளையை முனையத்தில் கொடுக்கவும்.
நான் என்னுடைய மடிக்கணியில் WiFi யினை இணைக்கத் கீழே கொடுக்கப்பட்டுள்ள இரண்டு பொதிகளையும்(Packages) தரவிறக்கம் செய்துகொண்டேன்.இந்த இரண்டு பொதிகளையும் மேலே கொடுக்கப்பட்டுள்ள இணைப்பில் இருந்தே பெற்றுக்கொள்ளலாம்.

b43-fwcutter-013.tar.bz2
broadcom-wl-4.178.10.4.tar.bz2

இந்த இரண்டு மென்பொருள்களை மட்டும் வைத்து கொடுக்கப்பட்டிருந்த வழிமுறைகளுடன் சரியாக பதினைந்தே நிமிடத்தில் உபுண்டு10.10 லினக்ஸில் WiFi பிரச்சனையினை சரிசெய்து,WiFi மூலம் இணையத்தை இணைத்து விட்டேன்.

நான் எப்படி இணைத்தேன் அதற்கான வழிமுறைகள்:

Startup Disk Creater மூலம் உருவாக்கிய உபுண்டு 10.10 இயங்குதளம் உள்ள பென்டிரைவினை யூ.எஸ்.பி Port ல் இணைத்தேன்.கணினியினை பென்டிரைவில் இருந்து தொடங்குமாறு BIOS ல் மாற்றம் செய்து சேமித்து விட்டு,கணினியினை மறுதொடக்கம் செய்தேன்.கணினி பென்டிரைவில் இருந்து பூட் ஆகியது,சரியாக இரண்டே நிமிடத்தில் உபுண்டு 10.10 ன் அழகான Desktop கிடைத்தது.(இதில் நான் சொல்லியிருக்கும் அனைத்தும் லைவ் பதிப்பில் செய்து பார்த்தது).
அடுத்து இந்த வேலைகளையெல்லாம் செய்ய கண்டிப்பாக root பயனாளரும்,root பயனாளர் அனுமதியும் வேண்டுமல்லவா,அதனால் புதியதாக ஒரு Administrator Rights உள்ள ஒரு பயனாளரை உருவாக்கினேன்.அதற்க்குப்பிறகு root account ஐ Enable செய்தேன்.

படம்-1

Administrator Rights உடன் ஒரு பயனாளரை உருவாக்க: System=>Administration=>Users and Groups என்பதை click செய்தவுடன் படம்-1 ல் உள்ளது போன்ற ஒரு திரைக் கிடைக்கும் அதில் Add எனும் Buttton ஐ அழுத்தவும்,அழுத்தியவுடன் படம்-1 ல் உள்ளதுபோன்ற ஒரு திரைக்கிடைக்கும் அதில் Name மற்றும் User name ஆகியவைகளை உள்ளிட்டு OK button ஐ அழுத்தவும்.இப்பொழுது ஒரு புதிய பயனாளர் உருவாகியிருக்கும்.(பார்க்க படம்-3)

படம்-2

படம்-3

இப்பொழுது புதிதாக உருவாக்கிய பயனாளர் பெயரும் காட்டப்படும்,அந்த பயனாளரை தேர்வு செய்து Account Type என்பதற்கு நேராக உள்ள change எனும் button ஐ அழுத்தவும் அதில் Administrator எனபதை தேர்வு செய்து ok button ஐ அழுத்தவும்.அவ்வளவுதான் பயனாளர் உருவாக்கும் வேலை முடிந்தது.அடுத்து root account ஐ enable செய்யும் வேலை

படம்-4

இதை செய்ய Liver Session User லிருந்து logout ஆகவும்,logout ஆகிய பிறகு புதியதாக உருவாக்கிய பயனாளருக்குள் நுழையவும் (அதாங்க பயனாளர் பெயரையும்,கடவுச்சொல்லையும் உள்ளிட்டு செல்வோமல்லவா அதுதான்).
நாம் உருவாக்கிய புதிய பயனாளருக்குள் நுழைந்த பிறகு Applications=>Accessories =>Terminal சென்று முனையத்தை திறந்து கொள்ளவும்.
முனையத்தில் sudo passwd root என கட்டளை கொடுக்கவும்,கொடுத்தவுடன் Enter New Unix Password : என்று கேட்கும் இப்பொழுது root account க்கான கடவுச்சொல்லை உள்ளிடவும்,உள்ளிட்டு Enter key யினை அழுத்தவும் அழுத்தியவுடன் Retype new Unix Password: என்று கேட்கும் இதில் ஏற்கனவே உள்ளிட்ட கடவுச்சொல்லை மீண்டும் தட்டச்சு செய்து Enter key யினை அழுத்தவும்.root account ஐ Enable செய்யும் வேலை முடிந்து விட்டது.

படம்-5

முனையத்தில் su எனக்கொடுத்து Enter key யினை அழுத்தவும்,அழுத்தியபிறகு கடவுச்சொல்லை உள்ளிடச்சொல்லிக் கேட்கும் இதில் root account ற்க்கான கடவுச்சொல்லை உள்ளிட்டு Enter key யினை அழுத்தவும்.இப்பொழுது முனையத்தின் $ குறியீடானது # என மாறியிருக்கும்.
இப்பொழுது தரவிறக்கம் செய்து வைத்திருக்கும் b43-fwcutter-013.tar.bz2, broadcom-wl-4.178.10.4.tar.bz2 இரண்டு கோப்புகளையும் எங்கு தரவிறக்கி வைத்திருக்கிறீர்களோ அங்கிருந்து copy செய்து Places => Home Folder க்குள் சென்று Paste செய்து கொள்ளவும்.
முதலில் நாம் நிறுவவேண்டிய package, b43-fwcutter-013.tar.bz2 இதை நிறுவ முனையத்தில் கீழே கொடுக்கப்பட்டுள்ள கட்டளைகளை ஒன்றன்பின் ஒன்றாக கொடுக்கவும்.

tar xjf b43-fwcutter-013.tar.bz2
cd b43-fwcutter-013
make
cd ..

படம்-6

இந்த கட்டளைகளை கொடுத்து முடித்தவுடன் கீழே கொடுக்கப்பட்டுள்ள கட்டளையை முனையத்தில் கொடுக்கவும்.
export FIRMWARE_INSTALL_DIR="/lib/firmware"

படம்-7

அடுத்து broadcom-wl-4.178.10.4.tar.bz2 package ஐ நிறுவ வேண்டும்.இதை நிறுவ முனையத்தில் கீழேகொடுக்கப்பட்டுள்ள கட்டளைகளை ஒன்றன்பின் ஒன்றாக கொடுக்கவும்.

tar xjf broadcom-wl-4.178.10.4.tar.bz2

cd broadcom-wl-4.178.10.4/linux

sudo ../../b43-fwcutter-013/b43-fwcutter -w "$FIRMWARE_INSTALL_DIR" wl_apsta.o

இறுதியாக உள்ள இந்த கட்டளையை முனையத்தில் ஒரே வரியில் கொடுக்கவும்.ஒரு வேளை உங்கள் உலாவியில் மடங்கி இரண்டு வரியாக தெரிந்தால் நீங்கள் இரண்டு வரியில் உள்ளிட முயற்சிக்காதீர்கள்.

பல்கலைக்கழகத்தின் WiFi Detect ஆகியபொழுது

Connection Establish ஆகியபொழுது

Connectin Establish ஆகிய இணையத்துடன் இணைந்து என்னுடைய வலைப்பூவை பார்வையிட்டபொழுது

நான் என்னுடைய மடிக்கணினிக்கு மிகவும் பொருத்தமான உபுண்டு லினக்ஸை தேர்வு செய்ய ஒரு வருடம் காத்துக்கொண்டிருந்தேன்.இப்பொழுது அனைத்து வசதிகளுடன் உபுண்டு 10.10 லினக்ஸ் வந்து விட்டது.எங்கள் பல்கலைக்கழகத்தில் 500 பேர்களுக்கு மேல் Compaq515 மாடல் மடிக்கணினி பயன்படுத்திக்கொண்டிருக்கின்றனர்.அவர்களுக்கு இந்த பதிவு ஒரு கையேடாக அமையும் என நம்புகிறேன்.இதை நான் செய்து முடித்தபொழுது லினக்ஸில் எதையுமே மிகவும் எளிமையாக செய்து முடிக்கலாம் என நம்பிக்கை அதிகமாகியது.என்னைப் போன்ற பயனாளர்களுக்கு உபுண்டு10.10 பதிப்பு மிகப்பெரிய வரப்பிரசாதமாக அமையும்.

உபுண்டு லினக்ஸிற்கான கூகுள் தேடுபொறி

2010-09-04T00:23:00.006+05:30

http://www.googlubuntu.com/

Googl ubuntu என்பது உபுண்டு லினக்ஸ் இயங்குதளத்திற்க்கான கூகுள் நிறுவனத்தினுடைய தேடுபொறி ஆகும்.நாம் இந்த தேடுபொறியில் இருந்து உபுண்டு லினக்ஸ் தொடர்பான செய்திகள்,பிரச்சனைகளுக்கான தீர்வுகள்,உதவிக்குறிப்புகள்,வழிகாட்டிகள்,இன்னும்.... போன்றவற்றைப் பெறலாம்.இந்த தேடுபொறியில் இருந்து கிடைக்கும் தகவல்களை நாம் ஆங்கிலம்,ஸ்பானிஷ் ஆகிய இரண்டு மொழிகளிலும் படித்துக்கொள்ளலாம்.

Googl Ubuntu - தேடுபொறியினுடைய தகவல்கள் கீழே கொடுக்கப்பட்டுள்ள தளங்களிலிருந்து பெறப்படுகிறது.

Ubuntu.com, Kubuntu.com, Edubuntu.org, Launchpad.net, ubuntuforums.org, Kubuntuforums.net, ubuntuguide.org, getdeb.net, google groups «ubuntulinux» and «kubuntu», ubuntu-es.org, kubuntu-es.org, planetubuntu.es, ubuntips.com.ar, guia-ubuntu.org, cesarius.net, tuxpepino.wordpress.com, ubuntulife.wordpress.com, google groups on spanish.

நாம் நெருப்பு நரி உலாவியில் Google,WikePedia,Yahoo,Creative Commons போன்றவற்றிற்கான கருவிகளை இயல்பிருப்பாக பயன்படுத்துவொமல்லவா அதுபோல் Googl Ubuntu தேடுபொறிக்கு உண்டான கருவியையும் இவைகளுடன் இணைத்துக்கொண்டு,Googl Ubuntu கருவியை தேர்வு செய்து கொண்டு நமக்கு தேவையான தகவல்களை நேரடியாக இந்த கருவியில் உள்ளிட்டு தேடலாம். இந்த Googl Ubuntu கருவியை நெருப்பு நரியில் நிறுவுவதற்க்கான இணைப்பு GooglUbuntu னுடைய முகப்புப் பக்கத்தில் கொடுக்கப்பட்டுள்ளது.
நம்ம அனைவரும் பயன்படுத்தும் நண்பர் உபுண்டு அவர்களுக்காக தனியாக ஒரு தேடுபொறியே உருவாக்கப்பட்டு விட்டது.ரொம்ப மகிழ்ச்சி தேடுபொறியினை உருவாக்கி அளித்த கூகுள் நிறுவனத்துக்கும் நன்றி.

Full Cirlce Magazine 40 -வது இதழ் வெளியிடப்பட்டுவிட்டது

2010-08-30T16:31:00.003+05:30

உபுண்டு லினக்ஸ் Community யால் வெளியிடப்படும் Full Circle Magazine னினுடைய 40 -வது இதழ் வெளியிடப்பட்டுள்ளது.இங்கு சென்று தரவிறக்கிக்கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

என்னுடைய பல்கலைக்கழகத்தில் உள்ள WiFi வசதியினை எப்படி எனது மடிக்கணினியில் உள்ள உபுண்டு 9.04 லினக்ஸ் இயங்குதளளத்தில் இணைத்தேன்

2010-08-28T18:17:00.016+05:30

எனது பல்கலைக்கழ்கத்தில் 24 மணி நேர WiFi இணையதள வசதி உள்ளது.நான் வலைப்பூ ஆரம்பித்தது முதற்க்கொண்டு , எனது வலைப்பூவில் உள்ள பதிவுகளில் 75% சதவிகித பதிவுகள் பல்கலைக்கழகத்தின் WiFi வசதியின் உதவியுடன்தான் எழுதியிருக்கிறேன்.இந்த பதிவுகூட பல்கலைக்கழ்கத்தில் உள்ள WiFi இணையதள வசதியின் மூலம்தான் எழுதினேன்.விடுதியிலும் WiFi வசதி 24 மணி நேரமும் உண்டு.நான் விடுதியில் இருப்பதால் இணைய வசதியினை பெரும்மளவு பயன்படுத்திக்கொள்கிறேன்.

கடந்த ஒரு வருடமாக WiFi இணைய வசதியினை மாணவர்கள் மடிக்கணினியில் எந்த விதமான அமைப்புகளையும் அமைக்கமால் பயன்படுத்திக்கொண்டிருந்தோம்.தற்பொழுது புதிதாக மடிக்கணினியில் அமைப்புகளை மேற்கொண்டால் மட்டுமே பயன்படுத்த முடியும்.நான் Windows XP இயங்குதளமும்,உபுண்டு இயங்குதளமும் பயன்படுத்தி வருகிறேன்.எங்கள் பல்கலைக்கழகத்தில் WiFi யினை மடிக்கணியில் இணைப்பதற்க்காக மாணவர்களுக்கு கொடுக்கப்பட்ட வழிகாட்டி கோப்பில் (Guide File in PDF Format) Windows XP,Windows-7,Windows Vista இந்த மூன்று இயங்குதளத்திற்கு உள்ள வழிகள் மட்டுமே இருந்தது.லினக்ஸ் இயங்குதளத்திற்கு உள்ள வழிகாட்டிகள் எதுவுமே கொடுக்கப்படவில்லை.என்னைப் போன்று லினக்ஸ் பயன்படுத்தும் பயனாளர்களுக்கு இது கொஞ்சம் வருத்தம் அளிக்கும் விஷயம்தான்.

படம்-1

Windows XP இயங்குதளத்தில், வழிகாட்டியில் கொடுத்துள்ளதுபடி செய்து பார்த்தேன்.ஏனோ தெரியவில்லை WiFi Configuration சரியாக அமையவில்லை.
சரி உபுண்டு லினக்ஸில் முயற்சி செய்துப்பார்ப்போமே என முயற்சி செய்தபொழுது மிக எளிதாக WiFi யின் மூலம் இணையதள வசதியினை இணைத்துவிட்டேன்.இதை எப்படி செய்தேன் என்பதை பகிர்ந்துக்கொள்கிறேன்.இது எனது பல்கலைக்கழ்கத்தில் உபுண்டு லினக்ஸைப்பயன்படுத்தும் பயனாளர்களுக்கு மிகவும் பயன்படும் என நினைக்கிறேன்.

செய்முறை:

மடிக்கணினியில் WiFi க்கு உண்டான Power Button ஐ அழுத்தினேன்.
Power Button ஐ அழுத்தியவுடன் உபுண்டு லினக்ஸில் மேல்புற பட்டையில் (Top Panel) Network Configuration னுடைய Icon இல் PERIYAR MANIAMMAI UNIVERSITY என்றுக் காட்டியது.
PERIYAR MANIAMMAI UNIVERSITY என்பதைக் கிளிக் செய்தேன்.
படம்-1 -ல் உள்ளதைப் போன்ற ஒரு சாளரம்(Window) தோன்றியது.மேலே படம்-1 கொடுக்கப்பட்டுள்ளது பார்க்கவும்.

அந்த சாளரத்தில்,

Wireless Security -------: என்பதில் WPA & WPA2 Enterprise... என்றுக்கொடுத்தேன்.
Authentication ------------: என்பதில் Protected EAP (PEAP) என்றுக்கொடுத்தேன்.
Anonymous Identity ----: என்பதில் எதுவும் கொடுக்கவில்லை
CA Certificate ------------: என்பதிலும் எதுவும் கொடுக்கவில்லை
PEAP Version -------------: என்பதில் Automatic என கொடுத்தேன்.
Inner Authentication----: என்பதில் MSCHAPv2 எனக்கொடுத்தேன்.
User Name ----------------: என்பதில் என்னுடைய பயனாளர் பெயரினையும்
Password -------------------: என்பதில் என்னுடைய கடவுச்சொல்லையும் கொடுத்தேன்
மேலே கொடுக்கப்பட்ட அனைத்து தகவல்களையும் கொடுத்தபிறகு Connect Button ஐ அழுத்தினேன்.இதைத் தொடர்ந்து அடுத்ததாக தோன்றிய Window வில் Ignorance எனும் Button ஐ அழுத்தினேன்.அவ்வளவுதான் மிக அருமையாக WiFi மூலம் இணைய வசதி இணைப்புக்கிடைத்தது.இந்த பதிவு முழுவதையும் இவ்வாறு செய்து கிடைத்த இணைப்பின் மூலமே எழுதினேன்.
என்னதான் இருந்தாலும் லினக்ஸ் லினக்ஸ் தாங்க , லினக்ஸைப் பயன்படுத்துவோம் நேரத்தை மிச்சப்படுத்துவோம்,மகிழ்ச்சியடைவோம்.

இணைப்புக் கிடைத்தவுடன்

பெடோரா லினக்ஸ் 13

2010-08-02T20:17:00.013+05:30

பெடோரா லினக்ஸ் Redhat நிறுவனத்தால் வெளிடப்படும் ஒரு லினக்ஸ் வழங்கலாகும்.பெடோரா லினக்ஸைப் பற்றிய தகவல்களை http://fedoraintamil.blogspot.com/ வலைப்பூவில் இருந்து பெற்றுக்கொள்ளுங்கள்.சமீபத்தில் பெடோரா லினக்ஸின் புதிய வெளீயீடான பெடோரா லினக்ஸ்-13 வெளிடப்பட்டுள்ளது.நீங்கள் பெடோரா லினக்ஸின் புதிய பதிப்பினை (பெடோரா-13) http://fedoraproject.org/ தளத்தில் இருந்து பெற்றுக்கொள்ளலாம்.இந்த தளத்தில் இருந்து நீங்கள் தரவிறக்கம் செய்யும் இயங்குதளத்தினுடைய கோப்பு ISO வடிவில் இருக்கும்.இந்த ISO கோப்பினை CD/DVD யில் எழுதும் மென்பொருள்களின் உதவியுடன் Bootable CD/DVD யாக எழுதிக்கொள்ளுங்கள்.CD/DVD யில் எழுதி முடித்தவுடன் நீங்கள் பொடோரா லினக்ஸ் 13 இயங்குதளத்தைப் பயன்படுத்திக்கொள்ளலாம்.

பெடோரா லினக்ஸை நிறுவுவது எப்படி என்பதை PDF கோப்பாக உருவாக்கிக் கொடுத்துள்ளேன்.இங்கு சென்று தரவிறக்கிக் கொள்ளுங்கள்.

பெடோரா லினக்ஸ் தமிழில்

பொடோரா லினக்ஸின் புதிய பதிப்பான பெடோரா-13 னை Live பதிப்பாக தரவிறக்கிக்கொண்டேன்.675 MB அளவு இருக்கிறது பல்கலைக்கழகத்தினுடைய WiFi இணைய வசதி மூலம் தரவிறக்கிக் கொண்டேன்.சரியாக ஒன்றரை மணி நேரத்தில் முழுவதும் தரவிறங்கிவிட்டது.தரவிறக்கிய கோப்பினை என்னுடைய பென்டிரைவில் Live USB Creater மென்பொருளின் உதவியுடன் பூட்டபிள் ஆக எழுதிக்கொண்டேன்.இரண்டு நிமிடத்தில் பெடோரா லினக்ஸ் இயங்குதளம் பயன்படுத்த தயாராகிவிட்டது. பெடோரா லினக்ஸினை பென்டிரைவில் எப்படி பூட்டபிள் ஆக பயன்படுத்துவது என்பதை இங்கு கொடுத்துள்ளேன்.

3D Compiz Fusion அமைப்பு

பென்டிரைவினை எனது மடிக்கணினியில் உள்ள USB Port ல் இணைத்து மடிக்கணினியினை பென்டிரைவில் இருந்து தொடங்கினேன்.தொடக்கத்திரையே மிகவும் அழகாக இருந்தது.விரைவாக பூட் ஆகுமாறு வடிவமைத்து இருக்கிறார்கள்.ஒலி வசதி மிகவும் துல்லியமாக வேலைச் செய்தது.இதுவரையில் வந்த எந்த பொடோரா லினக்ஸிலும் என்னுடைய மடிக்கணினியில் உள்ள WiFi வசதி வேலை செய்யவில்லை.இந்த பெடோரா-13 பதிப்பிலும் WiFi வேலை செய்யவில்லை.
பெடோரா லினக்ஸினை முதன் முதலாக இந்த பதிப்பில்தான் தமிழ் மொழியில் பயன்படுத்திப் பார்த்தேன்.அவ்வளவு நேர்த்தியாக தமிழ் படுத்தியிருக்கின்றனர்.

உலகில் முன்னனியில் உள்ள நிறுவனமான மைக்ரோசாப்ட் வழங்கும் இயங்குதளத்தை பயனாளர்கள் பல ஆயிரங்களைக் கொடுத்து இயங்குதளத்தைப் பெற்று பயன்படுத்துகின்றனர்.ஆனால் அவ்வாறு அவர்கள் விற்பனை செய்யும் ,இயங்குதளத்தை பெறும் பயனாளர்கள் அவரவர்கள் மொழியில் பயன்படுத்துமாறு செய்துகொடுக்க எந்த விதமான நடவடிக்கையும் எடுக்கவில்லை அவர்களுக்கு இப்படிப்பட்ட ஒரு நினைப்பே இல்லையென்றே நினைக்கிறேன்.

ஆனால் இலவசமாக வழங்கப்படும் பெடோரா,உபுண்டு மற்றும் இலவசமாக வழங்கும் இன்னும் எத்தனையோ லினக்ஸ் பதிப்புகள் நூற்றுக்கும் மேற்பட்ட உள்ளூர் மொழிகளில் தமிழ் உட்பட வெளிவருகிறது.
இவ்வாறு எற்படுத்தி வைத்திருக்கும் வசதிகளைக்கூட மிகவும் அழகாக நேர்த்தியாக வடிவமைத்திருக்கிறார்கள்.இதற்கு பெடோரா 13 லினக்ஸில் உள்ள தமிழில் பயன்படுத்தும் வசதியினை உதாரணமாக எடுத்துக்கொள்ளலாம்.

சாளரத்தினை சலனத்துடன் படம்பிடித்தது

பெடோரா லினக்ஸினை நான் நிகழ்வட்டு பதிப்பாகத்தான் பயன்படுத்திப்பார்த்தேன்.நிகழ் பதிப்பு என்பதால் OpenOffice வசதியினை இணைக்காமல் வைத்திருக்கிறார்கள்.இதை நான் பெடொரா லினக்ஸினுடைய ஒரு மிகப் பெரிய குறை என்றே கூறுவேன்.புளூடூத் வசதி மிக அருமையாக வேலை செய்தது.

ஒலி வசதி வேலை செய்து பாடல் கேட்டப்பொழுது

கணினியினை மறுதொடக்கம் செய்தபொழுது

மொத்தத்தில் பொடோரா -13 ஒரு அழகான இயங்குதளம்.இதில் என்னை மிகவும் கவர்ந்தது இதைத் தமிழ்மொழி இடைமுகப்புடன் வடிவமைத்திருந்தது.(பெடோராவின் முந்தைய பதிப்பிலும் இந்த வசதி இருக்கிறது.)

பெடோரா லினக்ஸைப் பற்றிய விக்கிபீடியா கட்டுரை

Full Cirlce Magazine 39 -வது இதழ் வெளியிடப்பட்டுவிட்டது

2010-07-31T20:16:00.003+05:30

உபுண்டு லினக்ஸ் Community யால் வெளியிடப்படும் Full Circle Magazine னினுடைய 39 -வது இதழ் வெளியிடப்பட்டுள்ளது.இங்கு சென்று தரவிறக்கிக்கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

லினக்சில் MySQL தகவல்தளம் (Database)

2010-07-08T21:56:00.018+05:30

MySQL என்பது Oracle,MS-Access,FOXPRO,SQL server தகவல்தளங்களைப் போன்று ஒரு தகவல்தள மென்பொருளாகும்(திறவூற்று தகவல்தள மென்பொருள்-Open Source Database).நான் பொறியியல் படித்துக்கொண்டிருப்பதால் இந்த பருவத்திற்கு DBMS என்ற பாடம் எனக்கு உள்ளது.இந்த பாடத்திற்கு ஆய்வகமும் உள்ளது.இந்த பாடத்தின் ஆய்வகத்திற்கு நாங்கள் Oracle மென்பொருளைப் பயன்படுத்தி பயிற்சிகளை செய்கிறோம்.
நாங்கள் பயன்படுத்தும் ஆரக்கிள் மென்பொருளானது விண்டோஸ் இயங்குதளத்தில் இயங்குகிறது.பெரும்பாலும் அனைத்து பொறியியல் மற்றும் பல்தொழில்நுட்பக் கல்லூரிகளில் தகவல்தளம் சம்பந்தமான பாடத்திற்கு ஆரக்கிள் மென்பொருளைப் பயன்படுத்தியே செய்முறை வகுப்புகளை நடத்துகின்றனர்.நான் பாலிடெக்னிக் படிக்கும் பொழுது கூட எனக்கு ஆரக்கிள் மென்பொருள்தான் கற்றுத்தரப்பட்டது. MySQL என்ற தகவல்தளம் இருப்பது கூட எங்களுக்கு சொல்லித்தரப்படவில்லை.விண்டோஸ் இயங்குதளத்திலும் இந்த MySQL தகவல்தள மென்பொருளைப் பயன்படுத்திக்கொள்ளலாம்.விண்டோஸ் இயங்குதளத்தில் நாம் பயன்படுத்திக் கொண்டிருக்கும் அத்தனை மென்பொருள்களுக்கும் அதற்கு சமமான மென்பொருள்கள் லினக்ஸிலும் இருக்கிறது.நாம்தான் தேடிக்கண்டுபிடித்து நிறுவி பயன்படுத்த வேண்டும்.இதற்கு முன் MySQL தகவல்தள மென்பொருளைப் பயன்படுத்திப் பார்க்கும் வாய்ப்பு எனக்கு ஒரு சில முறை மட்டும் கிடைத்தது விண்டோஸ் இயங்குதளத்தில் MySQL மென்பொருளை நிறுவிவைத்திருந்தாலும் அடிக்கடிப் பயன்படுத்திப் பார்ப்பதில்லை இப்பொழுதுப் பாடத்திட்டத்தில் இருப்பதால் பயன்படுத்த வேண்டிய அவசியம் ஏற்பட்டுள்ளது.நான் பயன்படுத்திப் பார்த்த அளவில் ஆரக்கிள் மென்பொருளுக்கும் MySQL மென்பொருளுக்கும் கட்டளைகளை இயக்குவதில் கொஞ்சம் வித்தியாசம் இருப்பதாக உணர்கிறேன்.MySQL மென்பொருளை உபுண்டு 9.04 இயங்குதளத்தில் நிறுவுவதற்கு எவ்வளவோ முயற்சி செய்தேன் நிறுவமுடியவில்லை.இறுதியாக இந்த முயற்சியினை கைவிட்டுவிட்டு லினக்ஸ் மின்டில் நிறுவினேன்.என்னுடைய மடிக்கணினியில் லினக்ஸ் மின்ட் நிறுவவில்லை வன்வட்டில் பிரச்சனை.என்னுடைய நண்பர் செ.வெங்கட்ராமன் அவர்களுடைய மடிக்கணினியில் லினக்ஸ் மின்டினை நிறுவியிருக்கிறார்.
நான் எப்படி MySQL தகவல்தள மென்பொருளை நிறுவினேன் எப்படி பயன்படுத்தினேன் என்பதை இந்த பதிவில் உங்களுடன் பகிர்ந்து கொள்கிறேன்.நான் லினக்ஸ் மின்டில் முதலில் நிறுவியது MySQL Client மென்பொருளைத்தான் ஆனால் இந்த மென்பொருளை சரிவர இயங்கவில்லை பிழைச்செய்திகளைக் காட்டியது.ஆகையால் MySQL Server பதிப்பு மென்பொருளை நிறுவினேன் இங்கு நான் கூறுகின்ற வழிமுறைகள் அனைத்தும் MySQL Server மென்பொருளுக்குண்டானதுதான்.

சரி செய்முறைக்கு செல்வோம்.

Mysql Client மென்பொருளை நிறுவி இயக்கிய பொழுது காட்டிய பிழைச்செய்தி (கீழுள்ள படத்தில் உள்ளது )

முதலில் Linux Mint -ல் root பயனாளராக நுழையவும்.

முனையத்தில் apt-get install mysql-server-5.0 எனக் கட்டளையினைக் கொடுத்து என்டர் பொத்தானை அழுத்தவும்.(நீங்கள் இணைய இணைப்பில் இருக்க வேண்டும்)

நிறுவுவதற்கு ஒரு சில நிமிடங்கள் பிடிக்கும் நிறுவிக்கொண்டிருக்கும் பொழுது இடையில் MySQL க்கு உண்டான root பயனாளரினுடைய கடவுச்சொல்லை இரண்டுமுறை உள்ளிடச்சொல்லிக் கேட்கும்.(Linux Mint இயங்குதளத்தினுடைய root பயனாளரினுடைய கடவுச்சொல்லைத்தான் கொடுக்கவேண்டும் என்ற அவசியமில்லை) கடவுச்சொல்லைக் கவனமாகக் கொடுக்கவும் மறந்துவிட்டால் ஒன்றும் செய்ய முடியாது.

நிறுவி முடித்தவுடன் முனையத்தில் mysql -u root -p கொடுத்து என்டர் பொத்தானை அழுத்தவும்.
கடவுச்சொல்லை உள்ளிடவும்(mysql install ஆகும் பொழுது கொடுத்த கடவுச்சொல்) அவ்வளவுதான் இனிமேல் நீங்கள் MySQL மென்பொருளப் பயன்படுத்த ஆரம்பிக்கலாம்.

------------------------------------------------------------------------------------

MySQL னுடைய தளம் இங்கு சென்று MySQL மென்பொருளை தரவிறக்கிக் கொள்ளலாம்.விண்டோஸ்இயங்குதளத்தில் நிருவுவும் வடிவிலும் கொடுக்கப்பட்டு உள்ளது.
MySQL தகவல் தளத்தை எப்படி பயன்படுத்துவது என்பதை இந்த தளத்தில் இருந்து கற்றுக்கொள்ளலாம்.
MySQL தகவல் தளத்தைப் பற்றிய விக்கிபீடியா கட்டுரை.

------------------------------------------------------------------------------------
எனது நண்பர் செ.வெங்கட்ராமன் பயன்படுத்திக்கொண்டிருக்கும் Linux Mint னுடைய பதிப்பு Elyssa (Linux Mint 5.0).இந்த பதிவினை எழுத மடிக்கணினி கொடுத்து உதவிய நண்பர் செ.வெங்கட்ராமன் B.E (E.C.E) அவர்களுக்கு நன்றியினை தெரிவித்துக்கொள்கிறேன்.

Full Cirlce Magazine 38 -வது இதழ் வெளியிடப்பட்டுவிட்டது

2010-06-27T09:08:00.005+05:30

உபுண்டு லினக்ஸ் Community யால் வெளியிடப்படும் Full Circle Magazine னினுடைய 38 -வது இதழ் வெளியிடப்பட்டுள்ளது.இங்கு சென்று தரவிறக்கிக்கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

பென்டிரைவில் பெடோரா லினக்ஸை Live Bootable ஆக உருவாக்குவது எப்படி?

2010-06-14T08:48:00.017+05:30

இன்று பெரும்பாலும் அனைவராலும் பயன்படுத்தப்படும் உபுண்டு லினக்ஸை எப்படி பென்டிரைவில் பயன்படுத்துவது என்று நாம் எல்லோருக்கும் தெரியும்.இதுபோல பெடோரா லினக்ஸையும் நாம் பயன்படுத்தலாம்.இந்த விஷயம் எனக்கு ரொம்ப நாளாக தெரியாது ஒரு நாள் எதார்த்தமாக இணையத்தில் உலாவிக்கொண்டிருந்த பொழுது, உபுண்டு லினக்ஸை பென்டிரைவில் பயன்படுத்தும் போது பொடோராவிற்கும் இந்த வசதி கண்டிப்பாக இருக்கும் என்ற நம்பிக்கையில் கூகிளில் தேடினேன்.கூகிள் Fedora LiveUSB Creator என்ற மென்பொருள் இருப்பதாக தகவலினைக் கொடுத்தது.இந்த மென்பொருளினைப் பயன்படுத்தித்தான் நாம் பொடோரா லினக்ஸை பென்டிரைவில் LiveBootable ஆகப் பயன்படுத்தப்போகிறோம்.
சரி இவ்வாறு பென்டிரைவில் பயன்படுத்துவதனால் என்ன பயன் என்று கேட்கிறீர்களா

CD யில் Live ஆக பயன்படுத்துவதை விட பென்டிரைவில் Live ஆக பதிந்து பயன்படுத்தும் போது இயங்குதளத்தை விரைவாக பயன்படுத்தலாம்.
நீங்கள் வைத்திருக்கும் ISO கோப்பினை CD யில் Bootable ஆக எழுதும் நேரத்தை விட பென்டிரைவில் விரைவாக எழுதிவிடலாம்.அதாவது Write பண்ணுவது.
உங்கள் கணினியினுடைய CD/DVD Drive வேலை செய்யாத பொழுது, பென்டிரைவை பயன்படுத்தி லைவ் வாக பயன்படுத்தலாம்.
உங்களினுடைய விண்டோஸ் இயங்குதளம் பூட்டாக மறுக்கிறது ஆனால் உங்கள் கணினியில் உள்ள முக்கியமான தகவல் உங்களுக்கு தேவைப்படுகிறது. இதுபோன்ற இக்கட்டான சூழ்நிலைகளில் நீங்கள் Bootable ஆக மாற்றி வைத்திருக்கும் பென்டிரைவை பயன்படுத்தி உங்களுக்கு தேவையான தகவலை CD/DVD,Pendrive அல்லது Memory Card இவைகளில் சேமித்து விரைவாக எடுத்துச்செல்லலாம்.இது போன்ற சூழ்நிலைகள் உங்களுடைய நண்பர்களுக்கு ஏற்பட்டாலும் இதே முறையினை கடைப்பிடிக்கலாம்.

முக்கியமான விஷயம் என்னவென்னில் உங்கள் கணினியுடைய BIOS -ல் USB யிலுருந்து பூட் செய்யும் வசதி இருக்க வேண்டும்.

இந்த மென்பொருளை தரவிறக்கம் செய்ய இங்கு Click செய்யுங்கள்

இந்த மென்பொருளை பற்றிய விக்கீபீடியாவின் பாக்கம்

இந்த மென்பொருளை தரவிறக்கம் செய்து நீங்கள் உங்களினுடைய விண்டோஸ் இயங்குதளத்தில் நிறுவிக்கொள்ளுங்கள். (பெடோரா லினக்ஸில் நிறுவிக்கொள்ளும் வடிவிலும் உள்ளது).

அதன் பிறகு உள்ள வழிமுறைகளை நான் இங்கு விளக்கியுள்ளேன்.

பென்டிரைவினை Fedora Linux Live Bootable ஆக மாற்றுவதற்கு முன்பு பென்டிரைவில் உள்ள முக்கியமான தகவல்கள் அனைத்தையும் Backup எடுத்துவிடுங்கள்.
விண்டோஸ் இயங்குதளத்தில் All Programes -> Fedora LiveUSB Creator சென்று Fedora LiveUSB Creator ஐ திறந்துகொள்ளுங்கள்.திறந்தவுடன் படம்-1 ல் உள்ளதுப்போன்றுக்காட்டும்.

படம்-1

படம்-2

Browse Button ஐ அழுத்தி நீங்கள் சேமித்து வைத்திருக்கும்(ISO கோப்பு சி.டி / டி.வி.டி யில் கூட இருக்கலாம்) Fedora Linux னுடைய ISO கோப்பினை தேர்வு செய்து Open Button ஐ அழுத்துங்கள்.(படம்-2 ஐ பெரிதுபடுத்திப்பார்க்கவும்)

நீங்கள் தேர்வு செய்த ISO கோப்புக்காட்டப்பட்டிருக்கும்.Create Live USB Button ஐ அழுத்துங்கள்.

ISO கோப்பினை பென்டிரைவில் 100 % எழுதும் வரைக் காத்திருங்கள்.என்னுடைய கணினியில் சரியாக மூன்று நிமிடங்களில் எழுதிவிட்டது.

படம்-3

Complete என்று வந்த பின்பு Fedora LiveUSB Creator மென்பொருளை Close செய்யவும்.

எனது மடிக்கணினியில் பென்டிரைவில் இருந்து பூட் ஆவதற்காக தேர்வு செய்தபோது

விண்டோஸ் இயங்குதளத்திலிருந்து Restart செய்யவும்.பென்டிரைவ் USB port லேயே சொருகி வைத்திருங்கள்.
உங்கள் கணினியினுடைய BIOS க்கு சென்று USB யிலிருந்து பூட் ஆகுமாறு BIOS யினை அமைத்து BIOS யினை சேமித்துவிட்டு மறுதொடக்கம் செய்யுங்கள்.
உங்கள் கணினி பென்டிரைவில் இருந்து பெடோரா லினக்ஸினை இயக்கும்.

எனது மடிக்கணியில் பெடோரா லினக்ஸ் பூட் ஆகிய பொழுது

பெடோராவின் Login Screen

பெடோராவின் Desktop

பெடோரா லினக்ஸினை பென்டிரைவில் இருந்து Live ஆக இயக்கி Nokia Xpress Music 5310-c2 அலைபேசியில் Aircel Sim card னுடைய GPRS வசதியினை Mobile Broadband வசதிமூலம் இணையத்தை இணைத்து நெருப்பு நரியில் என்னுடைய வலைப்பூவினை பார்வையிட்டப்பொழுது.

குறிப்பு:

இந்த பதிவு முழுவதும் பொடோரா லினக்ஸினை Live ஆக பயன்படுத்தியும், தமிழில் தட்டச்சு செய்ய iBus வசதியினையும் மற்றும் இணையத்திற்கு Mobile Broadband வசதியினையும் பயன்படுத்தி எழுதப்பட்டது.

பெடோரா லினக்ஸை நிறுவுவது எப்படி ? PDF வடிவில்

2010-06-13T15:24:00.004+05:30

நான் உபுண்டு லினக்ஸிற்கு அடுத்து பயன்படுத்தும் லினக்ஸ் இயங்குதளம் பெடோரா லினக்ஸ் ஆகும்.பெடோரா லினக்ஸினை நிறுவுவதற்கு உண்டான PDF கோப்பினை உருவாக்கியுள்ளேன் இங்கு சென்று நீங்கள் தரவிறக்கி மற்றும் படித்துக்கொள்ளலாம்.இந்த கோப்பினைப்பற்றிய பின்னுட்டங்களை எதிர்பார்க்கிறேன்.உங்ளுடைய பின்னூட்டங்கள் என்னுடைய தவறினை திருத்திக்கொள்ள உதவியாகவும் மற்றும் என்னை ஊக்குவிக்கும் விதமாகவும் அமையும்.

பெடோரா லினக்ஸிற்காக http://fedoraintamil.blogspot.com என்ற ஒரு வலைப்பூவினை தோழர் சுபாஷ் அவர்கள் எழுதி ஆவணப்படுத்திவைத்திருக்கிறார்.என்னவென்று தெரியவில்லை தோழர் சுபாஷ் அவர்கள் தொடர்ந்து எழுதவில்லை.இந்த வலைப்பூவிற்கு நீங்கள் சென்றால் உங்களுக்கு பெடோரா லினக்ஸினைப் பற்றிய போதுமான தகவலகள் கிடைக்கும்.இந்த வலைப்பூவிலும் பெடோரா லினக்ஸை நிறுவுவது பற்றி சுபாஷ் அவர்கள் எழுதியுள்ளர்.அப்புறம் ஏன் இந்த பெடோரா லினக்ஸை நிறுவுவது பற்றி நான் PDF கோப்பாக உருவாக்கிக்கொடுக்க வேண்டும் என்று நினைக்கிறீகளா.PDF கோப்பாக கொடுத்துவிட்டால் பெடோரா லினக்ஸினை நிறுவுவதற்க்கான ஒரு தமிழ் கையேடாக அமையுமல்லவா அதனால்தான்.நான் இந்த வலைப்பூவினை உருவாக்கும் போதே Ubuntu, Debian, Fedora, Mandriva, Open SUSE, Redhat, Linux Mint போன்ற பிரபலமான லினக்ஸ் இயங்குதளங்களை நிறுவுவதற்கான PDF கோப்புகளை உருவாக்கவேண்டும் என்றுதான் நினைத்தேன்.நானும் ஒரு காலத்தில் லினக்ஸ் இயங்குதளங்களை நிறுவுவதற்கான வழிமுறைகளை இணையத்தில் தேடி அலைந்திருக்கிறேன்.அனைத்தும் ஆங்கிலத்திலேயே கிடைத்தது இவ்வாறு கிடைத்ததும் எனக்கு உதவவில்லை.லினக்ஸிற்கான தகவல்கள் தமிழில் வடுவூர்குமார்,மயூரான்,சுபாஷ் மற்றும் சுதந்திர இலவச மென்பொருள் இந்த வலைப்பூக்களில் இருப்பதுதான் எனக்கும் முதலில் தெரியும் இந்த வலைப்பூக்களைல்லாம் முதலில் நான் பார்த்த பொழுது நான் அடைந்த மகிழ்ச்சிக்கு அளவேயில்லை.நான் கடந்த மூன்று வருடங்களாக LINUX For You இதழை வாங்கி படித்து வருகிறேன் மாதாமாதம் இந்த இதழுடன் ஒரு DVD யும் CD யும் கொடுப்பார்கள் இவ்வாறு கொடுக்கப்படும் DVD யில் ஒரு பிரபலமான அப்போதைய லினக்ஸ் இயங்குதளத்தினை கொடுப்பார்கள்.அப்பொழுது என்னிடம் கணினி இல்லை இவ்வாறு எனக்கு கிடைக்கும் வட்டுக்களை நிறுவிப்பார்க்கும் வாய்ப்பும் எனக்கு கிடைக்கவில்லை பிறகு என்னுடைய நண்பர் மேற்பனைக்காடு செ.சந்திரசேகரன் கணினி வாங்கினார் நண்பர் கணினி வாங்கிய பிறகுதான் இந்த லினக்ஸ் இயங்குதளங்களையெல்லாம் நிறுவிப்பார்ப்பதற்கான வாய்ப்பு கிடைத்தது நானும் எனது நண்பரும் சொந்தமாகவே Ubuntu, Debian, Fedora, Mandriva, Open SUSE, Redhat, Linux Mint இன்னும் பிற லினக்ஸ் இயங்குதளங்களையும் நிறுவிக்கற்றுக்கொண்டோம்.நான் இப்பொழுது இணையத்தைப் பயன்படுத்துவது போல உள்ள வாய்ப்பெல்லாம் நாங்கள் பாலிடெக்னிக் படிக்கும் பொழுது அமையவில்லை வாரத்தில் இரண்டு நாட்கள் இணைய வசதி இருக்கும் மையத்திற்கு செல்வோம் ஒரு மணி நேரத்திற்கு 20 ரூ.ஆகையால் என்னைப்போன்று லினக்ஸ் கற்றுக்கொள்ள விரும்புவர்களுக்கு இவ்வாறு உருவாக்கும் PDF கோப்புகள் உதவியாக அமையும் என்று நினைக்கிறேன்.
நான் இவ்வாறு உருவாக்கிய PDF கோப்புகளிலேயே நான் மிகவும் சிரமப்பட்டு உருவாக்கியது Debian லினக்ஸை நிறுவுவதற்க்காக உருவாக்கிய கோப்புதான் இந்த கோப்பினைப் பற்றி வாசகர்களிடமிருந்து ஒரு மின்னஞ்சல் மற்றும் பின்னூட்டம் கூட கிடைக்கவில்லை.
இதில் நண்பர் மணிகண்டன் அவர்கள் Redhat, Linux Mint இவைகளை நிறுவுவதற்கான PDF கோப்புகளை உருவாக்கி அளித்துவிட்டார்.இந்த முயற்சிக்கு நண்பர் மணிகண்டன் அளித்த உதவி மிகப்பெரியது ஏனென்றால் உண்மையிலேயே இவ்வாறு நிறுவுதலுக்கு உண்டான PDF கோப்புகளை உருவாக்குவதற்கு ஒரு பதிவினை இடுவதை விட பல மடங்கு சிரத்தை எடுத்துக்கொள்ள வேண்டியிருக்கிறது.
இந்த PDF கோப்பினைக் கூட நான் எழுத ஆரம்பித்தது இரண்டு மாதத்திற்கு முன்பு ஆனால் இதை ஒரு சில காரணங்களுக்காக முழுமையாக எழுதி முடிக்க முடியவில்லை இப்பொழுதுதான் முடிந்தது.
மீதமுள்ள லினக்ஸ் இயங்குதளங்களையும் நிறுவுவதற்கு உண்டான PDF கோப்பினை உருவாக்க முயற்சிக்கிறேன்.
நீங்கள் லினக்ஸ் இயங்குதளங்களை நிறுவிக்கற்றுக்கொள்ள விரும்பினால் Sun Virtual Box, VM ware Workstation மென்பொருள்களை நிறுவிக்கற்றுக்கொள்ளலாம்.இந்த இரண்டையும் விண்டோஸ் இயங்குதளத்திலேயே, நிறுவிக்கொள்ளலாம்.லினக்ஸில் Sun Virtual Box, Qemu ஐப் பயன்படுத்தலாம் இந்த மென்பொருள்களுக்கு Virtualisation மென்பொருள்கள் என்று பெயர். அதாவது இந்த மென்பொருள்களை பயன்படுத்தி ஒரு இயங்குதளத்திற்குள் நிறைய இயங்குதளங்களை நிறுவிக்கொள்ளலாம் இந்த மென்பொருள்கள் லினக்ஸை நிறுவிக்கற்றுக்கொள்ள விரும்புவர்களுக்கு மிகப்பெரிய உதவியாக அமையும்.வன்வட்டிற்கும் எந்த பிரச்சனையும் ஏற்படாது.நிறுவுவதற்கு உண்டான வழிகாட்டிகளை படித்துப்பார்த்து எவ்வாறு நிறுவுவது என்று தெரிந்து கொண்டு Sun Virtual Box, VM ware Workstation மென்பொருள்களில் நிறுவி பழகிக்கொள்ளுங்கள்.உண்மையிலேயே ஹார்டுவேர் கற்றுக்கொண்டிருக்கும் மாணவர்களுக்கு ரொம்பவும் பயன்படும்.
இந்த மென்பொருள்களைப்பற்றி நண்பர்கள் மணிகன்டன் மற்றும் இரா.குமரேசன் அவர்களும் எழுதிவிட்டார்கள்.திரும்பவும் நானும் எழுதுவது என்பது தேவையில்லை.

முக்கியமான குறிப்பு:

Ubuntu Linux, Ubuntu Inside Install, Fedora ,Debian லினக்ஸை நிறுவுவதற்கு PDF கோப்புகளை தயாரித்து பதிவாகவும் பதிவுசெய்து விட்டேன்.
நண்பர் மணிகன்டன் அவர்களும் Redhat, Linux Mint லினக்ஸை நிறுவுவதற்கு PDF கோப்புகளை தயாரித்து பதிவு செய்து விட்டார்.
மூதமுள்ள Madriva (Mandrake), Open Suse, FreeBSD, போன்ற வழங்களுக்கு நிறுவுதலுக்குன்டான PDF கோப்புகளைத் தயாரித்தால் பயனுள்ளதாக அமையுமா என்று உங்களுடைய கருத்துக்களை எதிர்பார்க்கிறேன்.

உபுண்டு 10.4 Netbook Edition எனது அனுபவம்

2010-06-10T11:10:00.015+05:30

Netbook Edition னுடைய Desktop

எனக்கும் ரொம்ப நாளாக Ubuntu Netbook Edition ஐ எனது Compaq 515 மடிக்கணினியில் நிறுவி பார்த்துவிடவேண்டும் என்று ஒரு ஆசை இருந்தது.

Ubuntu 10.04 Netbook Edition 699 MB அளவு கொண்டது.இதை தரவிறக்கம் செய்வது என்பது கொஞ்சம் கடினமான வேலைதான் ஏனென்றால் இணையத்தினுடைய வேகப் பிரச்சனைதான்.Linux Mint (Elyssa) ற்கு அடுத்து என்னுடைய மடிக்கணினிக்கு எந்த லினக்ஸ் இயங்குதளமும் அனைத்து வசதிகளுடன் அமையவில்லை.

நான் தற்பொழுது பயன்படுத்திக்கொண்டிருக்கும் உபுண்டு 9.04 கூட ஒலி வசதி இல்லாமல் தான் பயன்படுத்திக்கொண்டிருக்கிறேன்.

Netbook Edition -ல் இணையம்

இந்த மாத LINUX For You Magazine உடன் வந்த DVD யில் Ubuntu 10.04Desktop Edition,Kubuntu 10.04,Ubuntu Netbook Edition மூன்றையும் சேர்த்து கொடுத்திருந்தார்கள்.

Ubuntu Netbook Edition ஐ ISO கோப்பாக கொடுத்திருந்தார்கள்.எனது மடிக்கணினியில் நிறுவியிருந்த உபுண்டு 9.04 -ல் Startup Disk Creater மூலம் Pendrive -ல் Ubuntu 10.04 Netbook Edition னுடைய ISO கோப்பினை Live Bootable ஆக மாற்றினேன்.Pendrive -னை USB port -ல் சொருகினேன்.BIOS -ல் F9 key யினை அழுத்தி USB Hard Drive என்பதை தேர்வு செய்து Pendrive -ல் இருந்து boot செய்தேன்.

இதை நான் பென்டிரைவில் வைத்து Live ஆக தான் பயன்படுத்திப் பார்த்தேன்.தொடக்கமே நன்றாக இருந்தது இரண்டு நிமிடத்திலேயே தயாரகி Desktop வந்தது.Desktop னை அட்டகாசமாக வடிமைத்திருக்கிறார்கள்.

Wallpapers களெல்லாம் மிக அழகாக இருக்கிறது.ஒலி வசதி கனகச்சிதமாக வேலைசெய்தது,Bluetooth நன்றாக வேலை செய்தது

Netbook Edition -ல் Aircel,Tata Docoma ற்கான வசதிகள் சேர்க்கப்பட்டுள்ளது

அடுத்த முக்கியமான விஷயம் Mobile Wireless Broadband உபுண்டு 9.04 ல் Aircel, Tata docoma ற்கான தேர்வுகள் கொடுக்கப்படவில்லை ஆனால் Ubuntu 10.04 Netbook Edition -ல் இதையெல்லாம் சேர்த்திருக்கிறார்கள்.(உபுண்டு 10.04 லும் சேர்க்கப்பட்டிருக்கும் என நினைக்கிறேன் நான் உபுண்டு 10.04 ல் இந்த வசதியினை ஏற்படுத்திப்பார்க்கவில்லை)Mobile Broadband ற்க்கான வசதிகளை ஏற்படுத்துவதற்க்கான வழிமுறைகள் எளிமைபடுத்தியிருக்கிறார்கள்.(Airce Sim card ற்கான வழிமுறைகளை வைத்துக்கூறுகிறேன்)

Netbook Edition -ல் இந்த பதிவு எழுதப்பட்டப்பொழுது

WiFi வசதியினை சோதனைச் செய்துப் பார்க்க முடியவில்லை நான் இப்பொழுது பல்கலைக்கழ்கத்தினுடைய தேர்வுகள் முடிந்து விடுமுறையில் இருப்பதால் நான் பல்கலைக்கழகத்திற்கு சென்றால்தான் WiFi வசதியினை சோதனைச்செய்துப்பார்க்க முடியும்.மின்கலனினுடைய (Battery) மின்சக்தியினை ரொம்ப நேரம்(1மணி நேரம் 40 நிமிடங்கள்) பயன்படுத்த முடிந்தது.

ஆனால் என்னுடைய விண்டோஸ் இயங்குதளத்தில் 1 மணி நேரம்தான் பயன்படுத்த முடியும்.இப்பொழுது அமலில் இருக்கும் மின்வெட்டு பிரச்சனைக்கும் உபுண்டு லினக்ஸ் உகந்ததாக இருக்கிறது.

உபுண்டு 9.04 ஐ விட உபுண்டு 10.04 Netbook Edition னில் Mobile Broadband (அதாங்க செல்பேசியில் உள்ள GPRS வசதியினை பயன்படுத்தி இணையத்தைப் பயன்படுத்துவது.) னுடைய இணையத்தின் வேகம் கொஞ்சம் அதிகமாக இருந்தது. Netbook Edition -ஐ உபுண்டு 8.04 ("Hardy Heron") லிருந்து வெளியிட்டு வருகிறார்கள்.

Netbook Edition -ல் Gimp சேர்க்கப்படவில்லை. விளையாட்டுகள் ஐந்துதான் இருந்தது.

OpenOffice Suite இருக்கிறது.மொத்தத்தில் Ubuntu 10.04 Netbook Edition என்னைக்கவர்ந்து விட்டது.மடிக்கணினி வைத்திருப்பவர்கள் ஒரு முறை Live ஆக பயன்படுத்திபாருங்கள்.

Netbook Edition -ஐப் பற்றிய Wikipedia வின் கட்டுரை

Netbook Edition ஐ தரவிறக்க

Nokia Xpress Music 5310c அலைபேசியில் Aritel GPRS வசதியினைக் கொண்டு உபுண்டு 9.04 ல் Internet Connect செய்வது எப்படி?

2010-06-05T13:52:00.002+05:30

இன்று கணினி பயன்படுத்தும் அனைவரும் Internet என்ற இணையவசதியினை பயன்படுத்துகின்றனர்.இந்த இணைய சேவையை நிறைய நிறுவனங்கள் அவர்களுடைய பாணியில் வழங்குகின்றனர்.முந்தைய நாளிலெல்லாம் எனக்கு தெரிந்து இண்டர்நெட்டை பயன்படுத்த Dial Up modem த்தைக்கொண்டு BSNL தொலைதொடர்பு நிறுவனத்திடமிருந்து Dial up account னினை பெற்று அதன்மூலம் இணையத்தை பயன்படுத்தி வந்தோம்.ஆனால் இன்றைய நாளிலோ நிலைமையே வேறு ஏனென்றால் இணையத்தை பயன்படுத்த எத்தனை வசதிகள் Reliance Netconnect stick, Tata Indicam Net Stick, Airtel Net Stick, MTS net Stick, BSNL net Stick, BSNL broadband, Reliance Broadband, Airtel Broadband இன்னும் எத்தனையோ வசதி இது தவிர செல்பேசிகளில் GPRS வசதியின் மூலம் இணைய வசதி இவ்வாறு இணையத்தை பயன்படுத்த எவ்வளவோ வழிகள்.இந்த வசதிகளிலேயே மிகவும் எளிமையாக குறைவான கட்டணத்தில் இணையத்தை பெற ஒரே வழி செல்பேசிகளில் பயன்படுத்தப்படும் GPRS வசதிதான்.என்ன ஒன்று உங்களுடைய செல்பேசி GPRS வசதியுள்ள செல்பேசியாக இருக்க வேண்டும்.GPRS வசதியின் மூலம் பெறப்படும் இணைய இணைப்பின் வேகம் குறைவாகத்தான் இருக்கும்.நான் இந்த வலைப்பூவினை படத்துடன் விளக்கி எழுதும் அளவிற்கு வேகம் போதுமானதாக இருக்கிறது.தரவிறக்கம் வேகம் ஒரளவு உள்ளது நான் இறுதியாக எழுதிய நான்கு பதிவுகள் இந்த வசதியினைக் கொண்டுதான் எழுதப்பட்டது.நீங்கள் GPRS வசதியுள்ள எந்த நிறுவனத்தின் செல்பேசி வைத்திருந்தாலும் அந்த நிறுவனத்தினுடைய செல்பேசியுடன் ஒரு வட்டுக்கொடுப்பார்கள் அதில் உள்ள மென்பொருளை நிறுவி விண்டோஸ் இயங்குதளத்தில் உங்கள் செல்பேசியில் உள்ள GPRS வசதிமூலம் விண்டோஸ் இயங்குதளத்தில் இணையத்தில் உலாவலாம்.ஆனால் செல்பேசி நிறுவனங்கள் எதுவும் லினக்ஸ் இயங்குதளத்தில் செல்பேசியினை கணினியுடன் இணைப்பதற்கான மென்பொருளகளை வழ்ங்குவதாக தெரியவில்லை ஆனால் எந்த மென்பொருள்களின் உதவியல்லாமல் உபுண்டு லினக்ஸில் நாம் செல்பேசியில் உள்ள GPRS வசதியின் மூலம் உபுண்டு லினக்ஸில் Internet Connect செய்து பயன்படுத்தலாம்.நான் இங்கு கொடுத்துள்ளது Nokia Xpress Music 5310c செல்பேசி மற்றும் Airtel Sim card க்கானது.ஆனால் நான் சொல்லியிருக்கும் இந்த வழிமுறை Nokia செல்பேசிக்கு மட்டுமல்ல மற்ற நிறுவனங்களினுடைய செல்பேசிகளுக்கும் பொருத்தமாக இருக்கும் நான் nokia செல்பேசி மட்டுமில்லாது என் நண்பர் இரா.குமரேசன் அவர்களினுடைய LG மாடல் செல்பேசி, பிரகாஷ் அவர்களினுடைய Samsung மாடல் செல்பேசி, யோகேஷ் அவர்களினுடைய Samsung corby மாடல் செல்பேசி ஆகியவைகளையும் பயன்படுத்தியுள்ளேன்.சரி விஷயத்திற்கு வந்து விடுகிறேன்.
Nokia Xpress Music 5310c,Airtel GPRS இவற்றைக் கொண்டு எப்படி இணையத்தை இணைத்தேன் என்பதை விளக்கமாக கூறிவிடுகிறேன்.

முதலில் என்னுடைய செல்பேசியில் Airtel GPRS Setting -யினை Airtel நிறுவனத்திடமிருந்து வாங்கி செல்பேசியில் சேமித்துக்கொண்டேன்.செல்பேசியினை off செய்து on செய்தேன்.
Menu => internet => Browser சென்று இணையதள முகவரிகளைக்கொடுத்தேன் மிக அழகாக இணைந்ததுடன் இணையத்தில் உலாவ முடிந்தது.சரி செல்பேசி பக்கம் உள்ள வேலைகள் முடிந்து விட்டது.அடுத்து உபுண்டு 9.04 லினக்ஸ் பக்கமாக உள்ள வேலைகள் அதை படத்துடன் காண்போம்.
செல்பேசியினுடைய Data Cable -னை கணினியுடைய USB port ல் இணைத்தேன்
System => Preferences சென்று Network Connections என்பதை தேர்வு செய்து Click செய்யுங்கள்.படம் இரண்டில் உள்ளது போன்ற திரைக் காண்பிக்கப்படும்.

படம்-1

படம்-2

படம்-2 -ல் உள்ள திரையில் Mobile Broadband என்பதை தேர்வு செய்து Add Button ஐ அழுத்துங்கள்.அழுத்தியவுடன் படம்-3 உள்ளது போன்ற திரைக்காண்பிக்கப்படும்

படம்-3

படம்-3 உள்ள திரையில் Forward Button ஐ அழுத்துங்கள்.Forward Button ஐ அழுத்தியவுடன் படம்-4 -ல் உள்ளது போன்ற திரைக்காண்பிக்கப்படும்

படம்-4

படம்-4 ல் உள்ளது திரையில் Country என்பதற்கு கீழ் India வையும், Provider என்பதற்கு கீழ் Airtel என்பதையும் தேர்வு செய்யவும் நீங்கள் Airtel அல்லாமல் வேறோரு sim card அதாவது vodafone,BSNL வைத்திருந்தால் அவற்றை தேர்வு செய்யவும்.இவற்றையெல்லாம் தேர்வு செய்து Forward Button ஐ அழுத்துங்கள் அழுத்தியவுடன் படம்-5 உள்ளதுபோன்ற திரைக் காண்பிக்கப்படும்.

படம்-5

படம்-5 -ல் Apply என்பதை click செய்யுங்கள்.Apply என்பதை click செய்தவுடன் படம்-6 -ல் உள்ளது போன்ற திரைக் காண்பிக்கப்படும்.

படம்-6

படம்-6 -ல் உள்ள திரையில் Airtel என்பதை தேர்வு செய்து Edit Button ஐ click செய்யுங்கள்.click செய்தவுடன் படம்-7 ல் உள்ள திரைக் காண்பிக்கப்படும்.

படம்-7

படம்-7 ல் உள்ள திரையில் Connect Automatically எனபதை டிக் செய்து Apply Button ஐ அழுத்துங்கள்.அழுத்தியவுடன் ஒரு சில வினாடிகளில் Connection Establish ஆகி விடும் பார்க்க படம்-8

படம்-8

இணைப்பு கிடைத்த பிறகு நெருப்பு நரியில் என்னுடைய வலைப்பூ

இணைப்பை துண்டிக்க Disconnect என்பதைக் click செய்யவும்

Full Cirlce Magazine 37 -வது இதழ் வெளியிடப்பட்டுவிட்டது

2010-06-03T19:44:00.002+05:30

உபுண்டு லினக்ஸ் Community யால் வெளியிடப்படும் 37 -வது இதழ் வெளியிடப்பட்டுள்ளது.இங்கு சென்று தரவிறக்கிக் கொள்ளுங்கள்.அனைத்து லினக்ஸ் பயனாளர்களும் படித்து பயன்பெறவேண்டிய இதழ்.

லினக்ஸில் Pendrive -ஐ Format செய்வது எப்படி ?

2010-05-31T15:43:00.005+05:30

இன்று பென்டிரைவ் என்பது அனைவரிடமும் இருக்கக்கூடிய ஒரு சாதனம்.Floppy Disk -ன் பயன்பாடு பென்டிரைவின் வருகைக்குப்பிறகு மிகவும் குறைந்து விட்டது.நான் பாலிடெக்னிக் படிக்கும் பொழுது என்னுடைய வகுப்பில் ஒரே ஒரு மாணவணிடம் மட்டும் தான் இருந்தது.நான் அப்பொழுது அதைப்பார்த்து ஆச்சரியப்பட்ட காலமும் உண்டு.இன்று கணினியில் உள்ள தகவலை ஒரு இடத்தில் இருந்து இன்னொரு இடத்திற்கு எடுத்து செல்ல பென்டிரைவ் ஒரு மிக முக்கியமான் தகவல் சேமிப்பு சாதனமாக ஆகிவிட்டது.பென்டிரைவின் பயன்பாடு இன்றைக்கு எந்த அளவு அதிகரித்துள்ளதோ அதே அளவு வைரஸ்(நச்சு நிரல்கள்) களும் பென்டிரைவின் மூலம் பரவிக்கொண்டு இருக்கிறது.இவ்வாறு பென்டிரைவில் நச்சு நிரல்கள் இருப்பதாக நமக்கு தெரிந்தால் நாம் செய்யும் முதல் வேலை பென்டிரவை Format செய்வது பெரும்பாலும் நாம் பென்டிரைவினை விண்டோஸ் இயங்குதளத்தில் வைத்துதான் Format செய்து இருப்போம்.இதே வேலையினை லினக்ஸ் இயங்குதளத்தில் மிக எளிமையாக முனையத்தின் மூலம் செய்து முடிக்கலாம்.இதற்காக நீங்கள் எந்த ஒரு மென்பொருளையும் லினக்ஸ் இயங்குதளத்தில் நிறுவ வேண்டியதில்லை சரி விஷயத்திற்கு வருகிறேன் பென்டிரைவை உபுண்டு லினக்ஸில் Format செய்வது எப்படி என்று பார்ப்போமா

பென்டிரைவை யூ.எஸ்.பி போர்டில் (USB port) சொருகுங்கள்

படம்-1

முனையத்தில் dmesg | tail என்று தட்டச்சு செய்து Enter key யினை அழுத்துங்கள் படம்-1 உள்ளது போன்ற செய்திகள் உங்களுக்கு கிடைக்கும்.அதில் நான் இரண்டு வரியினை மட்டும் தேர்வு செய்து காட்டியுள்ளேன் அதில் முதல் வரியில் sdb:sdb1 என்று காட்டியுள்ளது இதை குறித்துக்கொள்ளவும்.இவ்வாறு என்னுடைய கணினியில் காட்டியுள்ளது நீஙகள் உங்கள் உங்கள் கணினியில் காட்டும் செய்தியினை குறித்துக்கொள்ளுங்கள்.
உபுண்டு லினக்ஸில் Top Panel -லில் Places என்பதை க்ளிக் செய்தீர்களேயானால் கீழ் விரியும் வரிசையில் உங்களினுடைய பென்டிரைவ் mount செய்யப்பட்டு பென்டிரவிற்கு கொடுத்த பெயருடன் காட்டப்பட்டிருக்கும்.அதை கிளிக் செய்யவும்

படம்-2

க்ளிக் செய்தவுடன் படம்-2 உள்ளது போன்ற திரை காண்பிக்கப்படும் அதில் உங்களினுடைய பென்டிரைவின் பெயருக்கு அருகே ஒரு சிறிய செங்கோண முக்கோண வடிவில் ஒரு சிறிய icon இருக்கும் (சிவப்பு நிறத்தில் வட்டமிட்டுக் காட்டியுள்ளேன்) அதை மீது click செய்தீர்களேயானால் உங்களினுடைய பென்டிரைவ் Unmount ஆகிவிடும்.

படம்-3

பென்டிரைவ் unmount ஆகியவுடன் படம்-3 உள்ளது போன்று உங்களினுடைய பென்டிரைவ் காட்டப்படும்.

பென்டிரைவ் unmount ஆகியவுடன் முனையத்தை திறந்து
sudo mkfs.vfat -n ’R_KATHIRVEL’ /dev/sdb1 என்று கொடுத்து Enter key -யினை அழுத்துங்கள்.கடவுச்சொல்லை உள்ளீடச்சொல்லிக் கேட்கும் கடவுசொல்லை உள்ளிட்டு Enter key -யினை அழுத்துங்கள்.அவ்வளவுதான் பென்டிரைவ் Format ஆகிவிடும்.
இங்கு நான் R_KATHIRVEL என்று கொடுத்திருப்பது pendrive வினுடைய volume label (அதாங்க பென்டிரைவிற்கு பெயர்) -க்காக இந்த இடத்தில் நீங்கள் உங்களுக்கு விருப்பமான பெயரினை கொடுத்துக்கொள்ளலாம்.கண்டிப்பாக ' ' இவைகளுக்கு இடையில்தான் கொடுக்க வேண்டும்.
அடுத்து மிக மிக மிக முக்கியமான விஷயம் /dev/sdb1 என்று கொடுத்துள்ளது இதில் நீங்கள் sdb1 என்பதற்கு பதிலாக ஆரம்பத்தில் முனையத்தில் dmesg | tail கட்டளையை கொடுத்தவுடன் கிடைத்த செய்தியை நீங்கள் குறித்து வைத்திருப்பீர்களல்லவா அதைதான் இங்கு நீங்கள் கொடுக்க வேண்டும்.இதில் நீங்கள் கவனக்குறைவாக மாற்றிவோ கொடுத்துவிட்டீர்களேயானால் நீங்கள் மாற்றிக் கொடுத்த உங்களினுடைய வோறொரு டிரைவ் Format ஆகி விடும் உங்களினுடைய விலையுயர்ந்த தகவல்கள் இழக்க நேரிடும்.மிக கவனமாக இருக்கவும்.

Reliance Netconnect LXU-800 USB மோடத்தை உபுண்டு 9.04 -ல் connect செய்வது எப்படி?

2010-05-26T23:01:00.012+05:30

என்னுடைய 8-ம் வகுப்பு ஆசிரியர் இன்றைய தேதி வரை நான் படித்த உயர்நிலைப்பள்ளியிலேயே பணிபுரிந்து கொண்டிருக்கிறார்.நான் இன்றைய தேதி வரையிலும் என்னுடைய ஆசிரியருடன் தொடர்பில் உள்ளேன். அறிவு வேறு கல்வி வேறு என்று உணர்த்தியவர்.எனக்கு என்னுடைய கல்வி சம்பந்தமாக நிறைய உதவியவர்.கடந்த ஒரு வருடமாக கணினி பயன்படுத்தி வருகிறார்.அவர் இணையத்தை பயன்படுத்துவதற்க்காக Reliance Netconnect LXU-800 USBமோடத்தை வாங்கி பயன்படுத்தி வருகிறார்.பள்ளி கோடை விடுமுறை என்பதால் ஊருக்கு சென்றுவிட்டார்.நான் மடிக்கணினி வைத்திருப்பதால் அவர் ஊருக்கு செல்லும் போது என்னிடம் Reliance Netconnect LXU-800 USBமோடத்தை நான் இணையத்தை பயன்படுத்துவதற்காக கொடுத்துவிட்டு சென்றார்.

அதை நான் என்னுடைய மடிக்கணினியில் உள்ள விண்டோஸ் இயங்குதளத்திலேயே பயன்படுத்தி வந்தேன்.என்னதான் இருந்தாலும் நம்ம லினக்ஸில் பயன்படுத்தாமல் இருந்தால் எப்படி.நான் என்னுடைய மடிக்கணினியில் உபுண்டு 9.04 லினக்ஸ் பயன்படுத்தி வருகிறேன்.இதை எப்படி லினக்ஸில் connect செய்வது எப்படி என்பது எனக்கு தெரியாது.மோடத்துடன் கொடுத்த வட்டில் லினக்ஸில் Connect செய்வதற்கான வழிமுறைகளைக் கொடுத்திருந்தாலும் அதில் உள்ள படியெல்லாம் என்னால் செய்ய முடியவில்லை காரணம் அதில் கொடுத்திருந்த வழிமுறைகள் அனைத்தும் Fedora Linux ஐ அடிப்படையாகக் கொண்டு இருந்தது.என்னிடம் Fedora Linux இல்லை நான் பெடோரா லினக்ஸை Virtualization மென்பொருள்களின் உதவியுடந்தான் பயன்படுத்திவருகிறேன்.சரி மோடத்தை உபுண்டு 9.04 லினக்ஸில் எப்படி connect செய்யலாம் என்று கூகிள் பெரியவரிடமே கேட்டேன் அவரும் மிகச் சரியான மிகவும் எளிமையான வழிமுறை Ubuntu Forums -ல் இருப்பதாக இணைப்பைக் கொடுத்தார்.Ubuntu Forums சென்றுப் பார்த்தேன் வழிமுறைகளைத் தெளிவாக கொடுத்திருந்தனர்.அதன்படியே செய்துப் பார்த்தேன் வெற்றிகரமாக Connect ஆகி இணைய இணைப்பை ஏற்படுத்தியது.விண்டோஸ் இயங்குதளத்தில் செயல்பட்டதைவிட வேகமாக லினக்ஸில் வேலை செய்தது.Reliance Netconnect LXU-800 usb மோடத்தை நிறுவுவதற்க்கு உபுண்டு 9.04 லினக்ஸில் wvdial மென்பொருள் நிறுவியிருந்தால் போதும் மிக எளிமையாக connect செய்துவிடலாம்.உபுண்டு 9.04 லினக்ஸில் இயல்பிருப்பாக wvdial மென்பொருள் நிறுவியிருக்கப்பட்டிருக்காது.நாம்தான் அதை நிறுவ வேண்டும் இதை நிறுவ வேண்டுமானால் இணைய இணைப்பு இருக்க வேண்டும்.நான் என்னுடைய பல்கலைக்கழகத்தின் விடுதியில் உள்ள WiFi இணைய இணைப்பு மூலம் wvdial மென்பொருளை நிறுவிக்கொண்டேன்.எப்படி wvdial மென்பொருளை நிறுவினேன் என்று கேட்கிறீர்களா அதையும் சொல்லிவிடுகிறேன்.
இந்த வேலைகள் அனைத்தையும் root account ற்க்குள் இருந்துகொண்டு செய்தேன்.நான் சொல்கிற வழிமுறைகள் அனைத்தும் root பயனாளரில் இருந்து கொண்டு செய்தது.
முனையத்தில் apt-get install wvdial எனக் கொடுத்து wvdial மென்பொருளை நிறுவிக்கொண்டேன்.நீங்கள் Reliance Netconnect LXU800 மோடத்தை உபுண்டு லினக்ஸில் பயன்படுத்தவிரும்பினால் wvdial மென்பொருளை மட்டும் அருகில் உள்ள Internet Centre க்கு சென்று உபுண்டு லினக்ஸில் நிறுவிக்கொள்ளுங்கள்.அதன்பிறகு மிக எளிதாக Reliance Netconnect LXU800 usb மோடத்தை உபுண்டு 9.04 லினக்ஸில் நிறுவிவிடலாம்.

முதலில் Reliance Netconnect LXU800 மோடத்தை USB port -ல் சொருகினேன்.

நான் என்னுடைய கணினியில் உபுண்டு 9.04 லினக்ஸை விண்டோஸ் இயங்குதளத்துடன் Install Inside Windows என்ற வசதியின் மூலம் நிறுவியுள்ளேன்.கணினியினை மறுதொடக்கம் செய்து உபுண்டு லினக்ஸை தேர்வு செய்து GRUB boot loader னுடைய menu விற்கு செல்வதற்க்காக Esc key யினை அழுத்தினேன்.Esc key யினை அழுத்தியவுடன் ஐந்து தேர்வுகளைக் காட்டியது

அதில் முதலாவதாக இருந்த Ubuntu 9.0, kernel 2.6.28-11 generic என்பதை தேர்வு செய்து தட்டச்சு பலகையில் உள்ள ' e ' என்ற key யினை அழுத்தினேன்.

அழுத்தியவுடன் மறுபடியும் மூன்று தேர்வுகளைக் காட்டியது அதில் இரண்டாவதாக இருந்த kernel /boot/vmlinuz-2.6.28-11 generic root=UUID......... என்பதை தேர்வு செய்து தட்டச்சு பலகையில் ' e ' key யினை அழுத்தினேன்.

அழுத்தியவுடன் ........ro quit splash என்பதற்கு அருகில் தட்டச்சு பலையினுடைய சுட்டி(cusor) வந்து நின்றது.

.........ro quit splash என்பதிலிருந்து single space விட்டு usbserial.vendor=0x0eab usbserial.product=0x9357 என்று தட்டச்சு செய்து Enter key யினை அழுத்தினேன்.
Enter key யினை அழுத்தியப்பிறகு தட்டச்சு பலையில் ' b ' யினை அழுத்தினேன் அழுத்திவுடன் உபுண்டு லினக்ஸ் boot ஆகியது.

boot ஆகி முடிந்தவுடன் root account ஆக உபுண்டு 9.04 லினக்ஸில் நுழைந்தேன்.

முனையத்தை திறந்து lsusb என்று கொடுத்து ஒரு முறை சரி பார்த்துக்கொண்டேன்.

அடுத்து Places => Computer => FileSystem => etc சென்று wvdial.conf என்ற கோப்பினை gEdit Text Editor -ல் திறந்துக் கொண்டேன்.

அந்த கோப்பில் உள்ள அனைத்தையும் தேர்வுசெய்து Delete செய்து விட்டு கீழே கொடுத்துள்ள தகவலை copy செய்து paste செய்துக் கொண்டேன்.

[Dialer Defaults]
Init1 = ATZ
Init2 = ATE0V1
Stupid Mode = Yes
Modem Type = Analog Modem
Baud = 115200
New PPPD = yes
Modem = /dev/ttyUSB0
ISDN = 0
Phone = "#777"
Password = 9363398504
Username = 9363398504

password,username ஆகியவற்றில் என்னுடைய Reliance Netconnect LXU-800 மொடத்துக்கான எண்ணினை கொடுத்துள்ளேன்.நீங்கள் உங்களினுடைய மோடத்துக்கான எண்ணினை கொடுங்கள்.

இந்த paste செய்து விட்டு கோப்பினை சேமித்தேன்.கோப்பினை சேமிப்பது மிகவும் முக்கியம்.கோப்பினை சேமித்து விட்டு முனையத்தை திறந்து wvdial என்று தட்டச்சு செய்து Enter key யினை அழுத்தினேன்.அவ்வளவுதான் மிக அழகாக Internet Connect ஆகியது.Internet Connect ஆகியவுடன் நான் மிகவும் மகிழ்ச்சியடைந்தேன்.

இணைப்பை துண்டிக்க wvdial கட்டளையை பயன்படுத்திய அதே முனையத்தில் Ctrl+c பொத்தான்களை ஒரு சேர அழுத்தவும்.

உபுண்டு 9.04 லினக்ஸில் இருப்பியல்பாக உள்ள நெருப்பு நரி உலாவியில் (Mozilla Firefox Browser) என்னால் இணையத்தை தொடர்ப்புக்கொள்ளமுடியவில்லை

Reliance Netconnect LXU-800 usb மோடத்தைப் பயன்படுத்தி மென்பொருள்களையெல்லாம் விரைவாக நிறுவமுடிந்தது.
இதை பயன்படுத்தி Applications=>Add / Remove Applications சென்று Internet பிரிவில் Arora என்னும் உலாவியை நிறுவிக்கொண்டேன்.இந்த உலாவியின் மூலம் இணையத்தில் உலாவ முடிந்தது என்னதான் இருந்தாலும் நம்ம நெருப்பு நரி மாதிரி இல்லீங்க.
சரி வேறு எதாவது ஒரு வழியில் நெருப்பு நரியை பயன்படுத்தலாம் என்று wine மென்பொருளின் மூலம் நிறுவினேன்.இவ்வாறு நிறுவிய நெருப்பு நரி மூலம் இணையத்தில் உலாவ முடிந்தது.ஆனால் தமிழ் வலைப்பூக்கள் Font (எழுத்துரு) பிரச்சனையால் சரிவர தெரியவில்லை.
சரி பொறுமையாக இருந்து விரைவிலேயே இந்த பிரச்சனைக்கு ஒரு முடிவு கட்டுவோம்.உங்களுக்கு தெரிந்தாலும் பின்னூட்டம் அல்லது மின்னஞ்சல் மூலம் தெரிவிக்கலாம்

உபுண்டு லினக்ஸினுடைய டெஸ்க்டாப்பில் Computer,Home Folder, Trash icon ஆகியவைகளை தோன்றச்செய்வது எப்படி?

2010-05-26T15:39:00.009+05:30

விண்டோஸ் இயங்குதளத்தில் உள்ள ஒவ்வொரு கோலனையும் உபுண்டு லினக்ஸில் திறக்கும் பொழுது அந்த ஒவ்வொரு கோலனும் Desktop -ல் Hard Disk icon னுடன் தோன்றும் இவ்வாறு தோன்றுவதை நாம் டெஸ்க்டாப்பில் தோன்றாமல் செய்யலாம்.அத்துடன் உபுண்டு லினக்ஸில் இயல்பிருப்பாக Computer, Home Folder, Trash ஆகியவைகளினுடைய icon -கள் டெஸ்க்டாப்பில் இருக்காது இவற்றையும் நாம் டெஸ்க்டாப்பில் கொண்டு வரலாம்.சரி எப்படி என்று பார்ப்போமா.முதலில் டெஸ்க்டாப்பில் கோலனுடைய icon -கள் தோன்றாமல் செய்வது எப்படி என்று பார்ப்போம்.

Applications => Accessories => Terminal சென்று முனையத்தைத் திறந்துக்கொள்ளுங்கள்.முனையத்தில் gconf-editor என்று தட்டச்சு செய்து Enter Key -யினை அழுத்துங்கள்.அழுத்தியவுடன் Configuration Editor என்ற பெயருடன் ஒரு சாளரம் தோன்றும்.அதில் இடதுகைப் பக்கமாக இருக்கும் பகுதியில் apps என்பதின் மீது வைத்து Double Click (அதாவது இரண்டுமுறை சொடுக்கவும்) செய்யுங்கள் சொடுக்கியவுடன் விரியும் பகுதியில் nautilus என்பதின் மீது வைத்து Double Click செய்யுங்கள் சொடுக்கியவுடன் விரியும் பகுதியில் Desktop என்பதின் மீது வைத்து Click செய்யுங்கள் வலது புறமாக இருக்கும் பகுதியில் volumes_visible என்பது இயல்பிருப்பாக டிக் செய்யப்பட்டு இருக்கும்.அந்த டிக் கினை நீக்கிவிட்டால் கோலன்கள் டெஸ்க்டாப்பில் தோன்றாது.

இந்த பகுதியிலேயே computer_icon_visible, home_icon_visible, trash_icon_visible ஆகியவற்றை டிக் செய்து விட்டால் Computer, Home Folder, Trash ஆகியவைகளினுடைய icon -கள் டெஸ்க்டாப்பில் தோற்றமளிக்கும்.

தினத்தந்தி நாளிதளின் Font ஐ லினக்சில் நிறுவுவது எப்படி? லினக்சில் தினத்தந்தி நாளிதழை படிப்பது எப்படி ?

2010-05-14T23:27:00.020+05:30

Font ஐ install செய்யாததற்கு முன்பு தினத்தந்தி

எனக்கும் ரொம்ப நாளாக தினத்தந்தி நாளிதழை லினக்ஸ் இயங்குதளத்தில் படித்துவிட வேண்டும் என்று ஆசை.ஒரு தமிழன் தினத்தந்தியினை படிக்க முடியாமல் இருந்தால் எப்படி.நாம் தினத்தந்தி நாளிதழை அதனுடைய Font ஐ நிறுவாமல் இணையத்தில் படிக்க முடியாது.விண்டோஸ் இயங்குதளத்தில் மிக எளிதாக நிறுவிவிடலாம்.லினக்சில் எப்படி நிறுவுவது என்று எனக்கு தெரியவில்லை.சந்தேகத்தை கூகிள் பெரியவரிடமே கேட்டேன்.அவரும் மிகவும் சீக்கிரத்திலேயே வழிக்காட்டினார்.இதை நான் Linux Mint 5.0 வில் செய்து பார்த்தேன்.உபுண்டு லினக்சிலும் இதை செய்யலாம்.அதற்க்கான வழிமுறையினை கீழே கொடுத்துள்ளேன்.

முதலில் நீங்கள் root பயனாளராக login (நுழைந்து) ஆகியிருக்கவேண்டும்.இது ரொம்பவும் முக்கியம்.
தினத்தந்தி யினுடைய Font ஐ அதனுடைய இணையத்தில் இருந்து தரவிறக்கம் செய்தேன்.தரவிறக்கம் செய்து Desktop இல் சேமித்துள்ளேன்.Font னுடைய பெயர் Eltapan-n.ttf என்று இருக்கும்.

Desktop ல் தரவிறக்கம் செய்துவைத்த Eltpan-n.ttf Font னை Copy செய்து Computer => File System => usr => share => fonts => trutype => ttf-tamil-fonts எனும் அடைவிற்குள் (Folder) Paste செய்தேன்.அவ்வளவுதான் முடிந்தது வேலை (இது Linux Mint ற்க்கு).
நீங்கள் உபுண்டு லினக்ஸ் பயனாளராக இருந்தால் Computer => File System => usr => share => fonts => trutype எனும் அடைவிற்குள் (Folder) Paste செய்ய வேண்டும்.(உபுண்டு லினக்சிலும் நீங்கள் root பயனாளராக login செய்திருக்க வேண்டும்.சாதாரணமாக நீங்கள் உபுண்டு லினக்சில் root பயனாளராக நுழையமுடியாது.root பயனாளராக நுழைவதற்கு உண்டான வழிமுறைகளை இங்கு மற்றும் இங்கு கொடுத்துள்ளேன்)
லினக்சில் logout செய்துவிட்டு மறுபடியும் login செய்தேன். உபுண்டு ,Linux Mint எது பயன்படுத்தினாலும் சரிகண்டிப்பாக logout செய்து மறுபடியும் login செய்ய வேண்டும்.தினத்தந்தி நாளிதழ் மிகத்தெளிவாக தெரிந்தது(கீழே கொடுக்கப்பட்டுள்ள படத்தை பார்த்துக்கொள்ளுங்கள்).அப்புறம் என்ன படிக்க ஆரம்பிக்க வேண்டியதுதானே.

Font ஐ நிறுவியதற்கு பின்பு தினத்தந்தி நாளிதழ்

லினக்ஸ் மின்ட் - ATI Graphics Card - நெருப்பு நரியும் -தமிழ் இணையதளங்களும் -எனது Compaq 515 மடிக்கனினிக்கான அனைத்து வசதிகளையும் கொண்ட லினக்ஸும்

2010-05-14T18:16:00.019+05:30

நான் வைத்திருக்கும் மடிக்கணினி Compaq 515 மடல் கணினி.நானும் என் மடிகணினியில் Sabayon,Fedora,Debian நிறுவி பார்த்து பயன்படுத்தி விட்டேன்.எனது மடிக்கணினியில் உள்ள Sound Card Driver,WiFi, Blue tooth இதில் ஏதாவது ஒரு வசதியினை விட்டு விடும்.நான் எனது மடிக்கணினியில் முதலில் லினக்ஸ் இயங்குதளம் என நிறுவியது Sabayon 4 லினக்ஸினை Sabayon லினக்சில் ஒலிவசதி நன்றாக வேலை செய்தது ஆனால் WiFi,Blue tooth வசதிகள் வேலைசெய்யவில்லை.எனது பல்கலைக்கழகத்தில் WiFi வசதி இருக்கிறது.இணையம் வசதி இல்லை என்றால் சரிப்பட்டு வராது.சரி அடுத்தக்கட்ட வேலையினை ஆரம்பிப்போம் என்று Debian 5.0 வினை நிறுவினேன் இதிலும் ஒலி வசதி நன்றாக இயங்கியது ஆனால் WiFi,Bluetooth வசதி வேலைசெய்யவில்லை.இதற்க்கு தீர்வு என்னதான் என்று யோசித்துக்கொண்டிருக்கும் பொழுது எனக்கு உபுண்டு 9.04 வட்டு கிடைத்தது.உபுண்டு 9.04 யினை நிகல்வட்டாக இயக்கி பார்த்தேன்.ஒலி வசதி வேலை செய்யவில்லை ஆனால் WiFi,Bluetooth நன்றாக வேலை செய்தது.சரி ஒலி வசதி இல்லை என்றால் என்ன அதான் WiFi,Bluetooth வேலை செய்கிறதே என்று திருப்தியடைந்துகொண்டு உபுண்டு லினக்சை விட்டு பிரிய மனமில்லாமல் உபுண்டு லினக்சையே பயன்படுத்த ஆரம்பித்தேன்.இன்னும் உபுண்டு தான்.நான் திருப்தியடைந்து விட்டேன் நண்பர்கள் திருப்தியடைவார்களா என்னுடைய நண்பர்களும் Compaq 515 மடிக்கணினி தான் வைத்திருக்கிறார்கள்.அவர்கள் கேட்டுக்கொண்டதற்கு இணங்க நான்தான் உபுண்டு 9.04 லினக்சை நிறுவிக்கொடுத்தேன்.விண்டோ இயங்கு தளத்தில் விட ,உபுண்டு 9.04 லினக்சில் WiFi வசதி மிகவும் வேகமாக செயல் படுகிறது என்று. சந்தோசமடைந்த்தார்கள்.பாடல்,படங்கள் ( குறிப்பாக mp3,vob) கேட்க முடியாமல் இருப்பது போன்ற பிரச்சனைகள் அவர்கள் லினக்சை பயன்படுத்த விடாமல் தடுத்தது.இந்த பிரச்சனை லினக்ஸ் மின்ட் ஆல் தீர்ந்தது.

இதில் நான் கூறியிருக்கும் Linux Mint னுடைய வெளியீட்டு பெயர் Linux Mint 5.0

லினக்ஸ் மின்ட் இல் ஒலி வசதி நன்றாக வேலை செய்தது
Windows Wireless Driver என்பதன் மூலம் WiFi வசதி மிகவும் அருமையாக வேலை செய்தது.Blue Tooth வசதியும் நன்றாக வேலை செய்தது.
mp3,mpeg,avi,vob,vcd கோப்புகளை எந்த விதமான plugin களும் இல்லாமல் இயக்க முடிந்தது.

என்னப்பா தலைப்புக்கும் இதற்கும் சம்பந்தமே இல்லாமல் இருக்கிறது என்று பார்க்கிறீர்களா சரி விசயத்திற்கு வருகிறேன்.

இதெல்லாம் இருந்த லினக்ஸ் மின்டில் தமிழ் மொழியுடன் உள்ள வலைப்பூக்கள், இணையத்தளங்கள் ஆகியவைகள் சரியாக தெரியவில்லை அதாவது எழுத்துக்கள் சரியாக தெரியவில்லை.சரி நெருப்பு நரியில் தான் பிரச்சனை என்று நினைத்து நெருப்பு நரியில் ஒரு சில மாற்றங்கள் உண்டு பண்ணினேன்.அப்பொழுதும் இந்த பிரச்சனை தீரவில்லை.இதைப்பற்றி வடுவூர்குமார் அவர்கள் ஒரு பதிவு இட்டிருந்தார் அதில் உள்ளவாறும் செய்து பார்த்து விட்டேன்.அப்பொழுதும் சரியாகவில்லை சரி இதற்கு என்னதான் தீர்வு என்று யோசித்துக் கொண்டிருந்தேன்.
அப்பொழுது எதார்த்தமாக லினக்ஸ் மின்ட் இல் Elyssa => Administration இல் EnvyNG என்று ஒரு வசதி இருந்தது இது எதற்கு என்று எதார்த்தமாக திறந்தேன்.அப்பொழுதுதான் ATI/NVIDIA கிராபிக்ஸ் கார்டு களுக்கு உண்டான டிரைவர் களை லினக்ஸில் நிறுவுவதற்கான மென்பொருள் என்று தெரிந்தது.அப்புறம் என்ன என்னுடைய ATI Graphics Card க்கு உண்டான தேர்வினை தெரிவு செய்து Apply கொடுத்தேன்.
ஒரு சில நிமிடங்களில் நிறுவியும் விட்டது.கணினியினை மறுதொடக்கம் (Restart) செய்ய சொல்லி கேட்டது.கணினியினை மறுதொடக்கம் செய்தேன்.மறுதொடக்கம் ஆகி மறுபடியும் லினக்ஸ் பயன்பாட்டுக்கு வந்த பொழுது பயனாளர் நுழையும் திரையிலேயே ஒரு நல்ல மாற்றம் தெரிந்தது.
பயனாளர் பெயர்,கடவுச்சொல் கொடுத்து லினக்ஸ் மின்டில் நுழைந்தேன் ATI Graphics Card Driver ஐ நிறுவுவதற்கு முன்பு இருந்ததைவிட Desktop Screen மிகவும் தெளிவாக தெரிந்தது.ரொம்பவும் மகிழ்ச்சி
சரி அடுத்து இணையத்தை இணைத்து என்னுடைய வலைப்பூவை நெருப்பு நரியில்(FireFox) பார்த்தேன் என்ன ஆச்சரியம் தமிழ் எழுத்துக்கள் மிகவும் தெளிவாக இருந்தது.அப்படி என்றால் இந்த எல்லா பிரச்சனைக்கும் ATI Graphics card Driver லினக்ஸ் மின்டில் இல்லாமல் இருந்ததுதான்.இப்பொழுது என்னுடைய மடிக்கணினி லினக்ஸ் மின்டுடன் புதுப்பொலிவுடன் ஜொலிக்கிறது.

சந்தேகம் ஏதேனும் இருந்தால் மேலே கொடுக்கப்பட்டுள்ள படத்தை பெருதுபடுத்தி பார்த்துக்கொள்ளுங்கள்.உங்கள் நண்பர்கள் யாரும் Compaq 515 மாடல் மடிக்கணி வைத்திருந்தால் அவர்கள் லினக்ஸ் பயன்படுத்த வேண்டும் என்று விரும்பினால் நீங்கள் தயங்காமல் அவர்களுக்கு Linux Mint 5.0 யினை பரிந்துரைக்கலாம்.

இந்த பதிவு லினக்ஸ் மின்டில் SCIM Input Method ஐ பயன்படுத்தி இடப்பட்டது.

webcam மும் உபுண்டு 9.10 லினக்சும் எனது நண்பரினுடைய மடிக்கணினியும்

2010-05-13T01:15:00.009+05:30

எனது நண்பர் சிவா அவர்கள் Acer TravelMate 5720 மாடல் மடிக்கணினி வைத்திருக்கிறார்.அவர் லினக்ஸ் பயனாளர் கிடையாது இயந்திரவியல் துறையைச் சேர்ந்தவர்.என்னுடைய மடிக்கணினியில் webcam வசதி கிடையாது ஆனால் எனக்கு லினக்சில் webcam ஐ இயக்கிப் பார்த்து விடவேண்டும் என்று ரொம்ப நாளாக ஆசை.இதை நான் நிகழ் வட்டாக(Live CD) இயக்கித்தான் செய்துப்பார்த்தேன்.என்னிடம் ubuntu 9.10 வட்டு இருந்தது.நண்பரினுடைய Acer TravelMate 5720 மடிக்கணினியில் உள்ள அனைத்து வசதிகளும் உபுண்டு 9.10 லினக்சில் மிகவும் நன்றாக இயங்கியது.

உபுண்டு 9.10 லினக்சில் நான் webcam ஐ இயக்க cheese மென்பொருளைப்பயன்படுத்தினேன்.விண்டோஸ் இயங்குதளத்தில் தெரிந்ததைவிட உபுண்டுவில் மிகவும் அருமையாக படம்பிடுத்துக் காட்டியது.
Ubuntu Software Center சென்று cheese மென்பொருளை நிறுவிக்கொள்ளுங்கள்.
ஒரு குறிப்பிட்ட கால இடைவெளியில் தொடர்ந்து தானாகவே படம் பிடித்து தருவது,வீடியோ கோப்பாக பிடிப்பது,படத்திற்கு Effects கொடுப்பது என தனித்தன்மையுடன் cheese மென்பொருள் இருக்கிறது.
நீங்களும் உங்கள் கணினியில் செய்துபாருங்கள்.
webcam ஐ இயக்க cheese மென்பொருளை நிறுவியது தவிர நான் வேறு எந்த சிரமமும் படவில்லை.

இந்த பதிவு என் நண்பர் சிவா அவர்களினுடைய Acer TravelMate 5720 மடிக்கணினியில் உபுண்டு 9.10 லினக்சை நிகழ் வட்டாக (Live CD) இயக்கி பதிவிடப்பட்டது.நன்றி சிவா

எப்பவும் நாங்க (லினக்ஸ் ) கலக்கிகிட்டு இருப்போமுல்ல....

உபுண்டு 9.10 லினக்சில் முனையத்தின் மூலமாக PNG வடிவிலிருக்கும் படக்கோப்பினை JPG அல்லது JPEG வடிவத்திற்கு மாற்றுவது எப்படி?

2010-05-13T00:10:00.008+05:30

எங்களது பல்கலைக்கழகத்தில் விடுதியில் உள்ள WiFi இணைய வசதி இணைப்பில் மட்டும் PNG வடிவ படக்கோப்புகளை வலைப்பூவில் பதிவேற்றம் செய்ய முடியவில்லை.ஆனால் JPG அல்லது JPEG வடிவ படக்கோப்புகளை வலைப்பூவில் பதிவேற்றம் செய்ய முடிந்ததது.லினக்சைப் பொறுத்த வரை Screenshot இல்லாமல் பதிவுகள்எழுதுவது என்பது அவ்வளவு நன்றாக இருக்காது.Screenshot உடன் கொடுத்தால் எளிதில் புரியும்.அதற்காக உபுண்டு லினக்சில் Screenshot எடுக்கும் போது இருப்பியல்பாக .png வடிவத்திலேயே சேமிக்கும்.இந்த வடிவத்தில் உள்ள படக்கோப்பினை வலைப்பூவில் பதிவேற்றம் செய்ய முடியவில்லை.அதற்க்கு ஒரு மென்பொருள் வேண்டுமல்லவா அந்த மென்பொருள் கட்டளை வடிவில் முனையத்தில் இயக்குமாறு கிடைத்தால் நன்றாக இருக்கும் என்று நினைத்தேன். எனக்கு லினக்சில் முனையத்தின் வழியாக லினக்சை பயன்படுத்த மிகவும் பிடிக்கும்.சரி முனையத்தின் வழியாக படக்கோப்பினை எவ்வாறு மாற்றலாம் என்று யோசிக்க ஆரம்பித்தேன்.அப்புறம் என்ன கூகுள் பெரியவரின் உதவினை நாடினேன்.கூகுள் பெரியவரும் உதவி செய்துவிட்டார்.

convert கட்டளையின் மூலம் இந்த வேலையினை செய்யலாம் என கூகுள் மூலம் தெரிந்தது.
உடனே முனைத்தை திறந்து convert கட்டளையினை கொடுத்தேன்.imagemagick என்ற மென்பொருளை நிறுவச்சொல்லிக் கூறியது.
முனையத்தில் apt-get install imagemagick எனக் கொடுத்து imagemagick மென்பொருளை நிறுவினேன்.நிறுவி முடித்தவுடன் convert எனக் கொடுத்து சோதனைச்செய்துப் பார்த்துக்கொண்டேன் நன்றாக வேலை செய்தது.

சரி கோப்பினை எப்படி மாற்றுவது என்று பார்ப்போம்:

முனையத்தை திறந்து கொள்ளுங்கள்
su எனக் கொடுத்து root பயனாளரினுடைய கடவுச்சொல்லை உள்ளிட்டு root பயனாளராக மாறிக்கொள்ளுங்கள்.
apt-get install imagemagick எனக் கொடுத்து imagemagick மென்பொருளை நிறுவிடவும்.நிறுவிய பிறகு
cd கட்டளையின் உதவியுடன் நீங்கள் படக்கோப்பினை வைத்திருக்கும் அடைவிற்குள் சென்றுக்கொள்ளுங்கள்.
உதாரணமாக 1.png என்ற படக் கோப்பினை வைத்திருக்கிறீர்கள் என்றால் இதை jpg (அல்லது) jpeg கோப்பாக மாற்ற முனையத்தில்
convert 1.png 1.jpg என்று கட்டளையினை கொடுங்கள்.அவ்வளவுதான் ஒரு வினாடியில் கோப்பினை மாற்றிவிடும்.
இங்கு 1.png என்பது நான் வைத்திருக்கும் படக்கோப்பின் பெயர் இதில் நீங்கள் என்ன பெயருடன் வைத்திருக்கிறீர்களோ அதைக் கொடுத்துக்கொள்ளுங்கள்.
1.jpg என்பதில் 1 என்பது நான் சேமிக்க விரும்பிய பெயர் அதற்க்கு பதிலாக நீங்கள் உங்களுக்கு விருப்பமான பெயரைக் கொடுத்துக்கொள்ளலாம்.

குறிப்பு:இந்த பதிவில் இடப்பட்டிருக்கும் படங்கள் convert கட்டளையினைப் பயன்படுத்தி மாற்றப்பட்டது.

உபுண்டு லினக்ஸ் Community யால் வெளியிடப்படும் full circle magazine - 36 வது இதழ் வெளியிடப்பட்டுவிட்டது

2010-04-30T12:10:00.004+05:30

உபுண்டு community யால் வெளியிடப்படும் full circle magazine 36-வது இதழ் வெளியிடப்பட்டு விட்டது.அனைத்து லினக்ஸ் பயனாளர்களும் படிக்க வேண்டிய ஒரு அருமையான இதழ்.தரவிறக்கம் செய்ய இங்கு சொடுக்குங்கள்.